ବିଶାଖାପାଟନମ,୧।୪: ଆଇପିଏଲ୍ ୨୦୨୪ର ଏମଏସ ଧୋନୀ ପ୍ରଥମ ଦୁଇଟି ମ୍ୟାଚରେ ଏମଏସ ଧୋନୀ କେବଳ ଉଇକେଟକିପିଂ ମାଧ୍ୟମରେ ନିଜର ପରିଚୟ ସୃଷ୍ଟି କରିଥିଲେ। କିନ୍ତୁ ଚେନ୍ନାଇ ସୁପର କିଙ୍ଗ୍ସ ଦିଲ୍ଲୀ କ୍ୟାପି ବିପକ୍ଷରେ ଆଇପିଏଲ ୨୦୨୪ର ତୃତୀୟ ମ୍ୟାଚ ଖେଳିଥିଲା ଏବଂ ଏଥିରେ ମାହିଙ୍କ ବ୍ୟାଟିଂ ମଧ୍ୟ ଦେଖିବାକୁ ମିଳିଥିଲା। ବ୍ୟାଟିଂରେ ଧୋନୀ ୪ ଚୌକା ଓ ୩ ଛକା ସହାୟତାରେ ୧୬ ବଲରେ ୩୭ ରନ ସ୍କୋର କରିଥିଲେ। କିନ୍ତୁ ଏହାପୂର୍ବରୁ ସେ ଉଇକେଟ କିପିଂରେ ଆଶ୍ଚର୍ଯ୍ୟଜନକ କାର୍ଯ୍ୟ କରିଥିଲେ ଏବଂ ଏକ ସ୍ବତନ୍ତ୍ର ତ୍ରିଶତକ ପୂରଣ କରିଥିଲେ ଏବଂ ଏହି ମାଇଲଖୁଣ୍ଟ ହାସଲ କରିବାରେ ସେ ଦୁନିଆର ପ୍ରଥମ ଉଇକେଟକିପର ହୋଇଥିଲେ।
ଧୋନୀ ଟି-୨୦ କ୍ରିକେଟରେ ଷ୍ଟମ୍ପ ପଛରୁ ୩୦୦ ବ୍ୟାଟ୍ସମ୍ୟାନଙ୍କ ତାଙ୍କ ଶିକାର କରିଥିଲେ। ଟି-୨୦ର ୩୬୭ ଇନିଂସରେ ମାହି ଉଇକେଟକିପର ଭାବରେ ୩୦୦ ବ୍ୟାଟ୍ସମ୍ୟାନଙ୍କ ପାଭିଲିୟନକୁ ରାସ୍ତା ଦେଖାଇଥିଲେ। ଧୋନୀ ୩୦୦ ମାର୍କ ଛୁଇଁ ଦୁନିଆର ପ୍ରଥମ ଉଇକେଟ କିପର ହୋଇଥିଲେ। ପାକିସ୍ତାନର ପୂର୍ବତନ ଉଇକେଟ କିପର କମ୍ରାନ ଆକମଲ ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି। ସେ ୨୮୧ ଇନିଂସରେ ୨୭୧ ବ୍ୟାଟ୍ସମ୍ୟାନ ଶିକାର କରିଛନ୍ତି।
ଟି -୨୦ରେ ଉଇକେଟ କିପର ଭାବରେ ସର୍ବାଧିକ ଶିକାର
ଏମ୍ଏସ୍ ଧୋନୀ- ୩୦୦ (୩୬୭ ଇନିଂସରେ)
କମ୍ରାନ ଆକମଲ- ୨୭୪ (୨୮୧ ଇନିଂସରେ)
ଦୀନେଶ କାର୍ତ୍ତିକ- ୨୭୪ (୩୨୫ ଇନିଂସରେ)
କ୍ୱିଣ୍ଟନ ଡି କକ- ୨୭୦ (୨୯୦ ଇନିଂସରେ)
ଜୋସ ବଟଲର୍- ୨୦୯ (୨୫୯ ଇନିଂସରେ)
