ଢେଙ୍କାନାଳ ବିଜେଡି କନ୍ଦଳ ଜଳଜଳ

ଢେଙ୍କାନାଳ ଅଫିସ, ୧୦।୪: ଢେଙ୍କାନାଳ ବିଜେଡିରେ ଅନ୍ତଃକନ୍ଦଳ ଭୟଙ୍କର ରୂପ ନେଲାଣି। ପଞ୍ଚାୟତ ଏବଂ ପୌର ନିର୍ବାଚନ ପୂର୍ବରୁ ଭୋଟ ପ୍ରଭାବିତ ହେବା ଆଶଙ୍କାରେ ଏହାକୁ କୌଣସି ମତେ ଚପାଇ ଦିଆଯାଇଥିବାବେଳେ ଏବେ ତାହା ଦାଣ୍ଡରେ ପଡ଼ି ହାଟରେ ଗଡ଼ିଲାଣି। ଏମ୍‌ପି ମହେଶ ସାହୁ ଏବଂ ବିଧାୟକ ସୁଧୀର ସାମଲଙ୍କ ମଧ୍ୟରେ ସମ୍ପର୍କରେ ତିକ୍ତତା ଏହାର ପ୍ରମୁଖ କାରଣ ବୋଲି କର୍ମୀମହଲରେ ଖୋଲାଖୋଲି ଆଲୋଚନା ହେବା ପ୍ରସଙ୍ଗର ଗଭୀରତାକୁ ସୂଚାଉଛି। ତେବେ ଦଳରେ ସମନ୍ବୟ ଅଭାବ ଥିବା ଏମ୍‌ପି କହୁଥିବାବେଳେ ଦଳବିରୋଧୀଙ୍କୁ ପ୍ରଶ୍ରୟ ଦିଆଯିବନାହିଁ ବୋଲି ବିଧାୟକ ଇଙ୍ଗିତ କରିଛନ୍ତି। ଦଳର ଦୁଇ ବରିଷ୍ଠ ନେତାଙ୍କ ଏଭଳି ମନ୍ତବ୍ୟ ଜିଲା ବିଜେଡିରେ କିଛି ଗଡ଼ବଡ଼ ଥିବା ସ୍ପଷ୍ଟ କରିଛି।
ଉଲ୍ଲେଖଯୋଗ୍ୟ, ନଗରପାଳ ଜୟନ୍ତୀ ପାତ୍ର, ଭାଜପା ରାଜ୍ୟ କୃଷକ ମୋର୍ଚ୍ଚା ଉପସଭାପତି ରାମଚନ୍ଦ୍ର ପାତ୍ର, ଭାଜପାର ବିଜୟୀ କାଉନ୍‌ସିଲର ଏବଂ ପରାଜିତ ପ୍ରାର୍ଥୀମାନେ ଗତ ଶୁକ୍ରବାର ଏମ୍‌ପିଙ୍କୁ ତାଙ୍କ ଢେଙ୍କାନାଳସ୍ଥିତ ଆବାସିକ କାର୍ଯ୍ୟାଳୟରେ ସାକ୍ଷାତ୍‌ କରିଥିଲେ। ସେମାନଙ୍କୁ ଏମ୍‌ପି ସମ୍ବର୍ଦ୍ଧିତ କରିଥିଲେ, ଯାହାର ଫଟୋ ସୋସିଆଲ ମିଡିଆରେ ଭାଇରାଲ୍‌ ହୋଇଥିଲା। ଶନିବାର ବିଜେଡିର ୧୪ କାଉନସିଲର୍‌ଙ୍କୁ ଭେଟିବା ପାଇଁ ଏମ୍‌ପି ଆମନ୍ତ୍ରଣ କରିଥିବାବେଳେ କେବଳ ବଂଶୀଧର ଦଳେଇ ଆସିଥିଲେ। ଉପନଗରପାଳଙ୍କ ସମେତ ୧୩ଜଣ କାଉନ୍‌ସିଲରଙ୍କ ଅନୁପସ୍ଥିତି ସହରରେ ଚର୍ଚ୍ଚାର ବିଷୟ ପାଲଟିଛି। ଭାଜପା ପ୍ରାର୍ଥୀଙ୍କୁ ସୌଜନ୍ୟମୂଳକ ସାକ୍ଷାତ୍‌ କରି ଏମ୍‌ପି ସମ୍ବର୍ଦ୍ଧିତ କରିବା ଘଟଣାକୁ ବିଧାୟକଙ୍କ ସମର୍ଥକମାନେ ସହଜରେ ଗ୍ରହଣ କରିପାରୁନାହାନ୍ତି। ପୌର ନିର୍ବାଚନ ପ୍ରଚାରବେଳେ ହାତଗଣତି ଓ୍ବାର୍ଡରେ ଏମ୍‌ପିଙ୍କୁ ଦେଖିବାକୁ ମିଳିଥିଲା। କାମାକ୍ଷାନଗର, ଭୁବନ ଏନ୍‌ଏସିକୁ ବାଦ୍‌ଦେଲେ ଢେଙ୍କାନାଳର ଅଧିକାଂଶ ଓ୍ବାର୍ଡରେ ସେ ପ୍ରଚାର କରି ନ ଥିଲେ। ସେହିପରି ୧୪ନଂ. ୱାର୍ଡରୁ ନିର୍ବାଚନରେ ହାରିଥିବା ବିଜେଡି ପ୍ରାର୍ଥୀ ରୁଦ୍ରାନ୍ତ ଦଳେଇ ଏମ୍‌ପିଙ୍କ ପ୍ରତିନିଧି ଅଛନ୍ତି। ଏହି ୱାର୍ଡରୁ ବିଜୟୀ ସ୍ବାଧୀନ ପ୍ରାର୍ଥୀ ବଂଶୀଧର ଦଳେଇ ବିଧାୟକଙ୍କ ଉପସ୍ଥିତିରେ ନିକଟରେ ବିଜେଡିରେ ସାମିଲ ହୋଇଛନ୍ତି, ଯାହାକୁ ଏମ୍‌ପିଙ୍କ ସମର୍ଥକମାନେ ସହଜରେ ଗ୍ରହଣ କରିପାରୁନାହାନ୍ତି। ବିରୋଧୀ ଭାଜପା ଦଳକୁ ପ୍ରଥମେ ଆଶୀର୍ବାଦ ଦେବା ପରେ ଆମକୁ ଡାକିବା ଉଚିତ ହେଲାନାହିଁ ବୋଲି ଜଣେ ବିଜେଡି କାଉନ୍‌ସିଲର ନିଜର ନାମ ଗୋପନ ରଖି କହିଛନ୍ତି। ଅନ୍ୟପଟେ ଏମ୍‌ପି ଓ ବିଧାୟକଙ୍କ ମଧ୍ୟରେ ଏଭଳି ଶୀତଳ ଯୁଦ୍ଧ ଦଳପାଇଁ ଶୁଭଙ୍କରୀ ନୁହେଁ ବୋଲି ରାଜନୈତିକ ସମୀକ୍ଷକମାନେ ମତ ଦେଇଛନ୍ତି।
ଏ ସଂକ୍ରାନ୍ତରେ ଏମ୍‌ପି ସାହୁ କୁହନ୍ତି, ଶନିବାର ଦଳର ବିଜୟୀ ଉପନଗରପାଳଙ୍କ ସମେତ ସମସ୍ତ କାଉନସିଲରଙ୍କୁ ଡକାଯାଇଥିଲା। ଦୀର୍ଘ ସମୟ ଅପେକ୍ଷା କରିବା ପରେ କେବଳ ଜଣେ କାଉନ୍‌ସିଲର ଆସିଥିଲେ। ଅନ୍ୟମାନେ କାହିଁକି ଆସିଲେ ନାହିଁ କିମ୍ବା ସେମାନଙ୍କୁ ଆସିବା ପାଇଁ କିଏ ମନାକଲେ ତାହା ଜଣାନାହିଁ। ଶୁକ୍ରବାର ଭାଜପା ନଗରପାଳ, ତାଙ୍କ ଦଳର ବିଜୟୀ କାଉନ୍‌ସିଲରଙ୍କ ସମେତ ପରାଜିତ ପ୍ରାର୍ଥୀମାନେ ଘଣ୍ଟାଏ ଅପେକ୍ଷା କରି ତାଙ୍କୁ ଭେଟିଥିଲେ। ପରିମଳ ବ୍ୟବସ୍ଥା ନ ସୁଧାରିଲେ ଏହାର ତୀବ୍ର ପ୍ରତିବାଦ କରାଯିବ ବୋଲି ସେ ତାଙ୍କୁ କହିଛନ୍ତି। ଯିଏ ଭଲ କାମ କରିବ ତାଙ୍କୁ ସହଯୋଗ କରାଯିବ। ଢେଙ୍କାନାଳ ପୌରାଞ୍ଚଳର ବିକାଶ ପାଇଁ ମୁଖ୍ୟମନ୍ତ୍ରୀ ଅନୁଦାନ ଦେଲେ। ସାଂସଦ ଏବଂ ବିଧାୟକଙ୍କ ଆଞ୍ଚଳିକ ଉନ୍ନୟନ ପାଣ୍ଠିରୁ ଅର୍ଥ ବିନିଯୋଗ ହେଲା। ତଥାପି ସଫଳତା ମିଳିଲା ନାହିଁ। ଏହାର ଅର୍ଥ କେଉଁଠି ନା କେଉଁଠି ସମନ୍ବୟର ଅଭାବ ରହିଛି। କାମାକ୍ଷାନଗର ଏନ୍‌ଏସି ବୈଠକରେ ମଧ୍ୟ ପରିମଳ ବ୍ୟବସ୍ଥାକୁ ଗୁରୁତ୍ୱ ଦେବା ପାଇଁ କୁହାଯାଇଛି। ଏଠି କାହା ପ୍ରରୋଚନାରେ କାଉନସିଲରମାନେ ଆସିଲେନି ତାହା ଜାଣି ନ ଥିବା ଏମ୍‌ପି କହିଛନ୍ତି। ଏ ସଂକ୍ରାନ୍ତରେ ବିଧାୟକ ସାମଲ କୁହନ୍ତି, କିଏ କାହାକୁ ଡାକିଲା, କାହାକୁ ସହଯୋଗ ମାଗିଲା, ସେ ବିଷୟରେ କିଛି ଜଣାନାହିଁ। ବିଜେଡିରେ ସମନ୍ବୟ ରହିଛି। ଦଳରେ ସମସ୍ତେ ଏକଜୁଟ୍‌ ଅଛନ୍ତି। ହେଲେ କୌଣସି ପରିସ୍ଥିତିରେ ଦଳବିରୋଧୀଙ୍କୁ ବିଜେଡିରେ ପ୍ରଶ୍ରୟ ଦିଆଯିବ ନାହିଁ।


Enter your email to get our daily news in your inbox.

All Right Reserved By Dharitri.Com

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

କେନ୍ଦୁଝରରେ ଚାଞ୍ଚଲ୍ୟ: ଜୀବନ ଯୁଦ୍ଧରେ ହାରିଗଲେ ବଳାତ୍କାର ପୀଡିତା, ଅଭିଯୁକ୍ତଙ୍କୁ ଖୋଜୁଛି ପୋଲିସ…

କେନ୍ଦୁଝର,୧୬।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ତେଲକୋଇ ଥାନା ଅଞ୍ଚଳରେ ଜଣେ ୪୫ ବର୍ଷୀୟା ଜୁଆଙ୍ଗ ଆଦିମ ଜନଜାତି ବିଧବା ମହିଳା ବଳାତ୍କାରର ଶିକାର ହୋଇଥିଲେ। ଗୁରୁତର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?