ସୁଖ ସମୃଦ୍ଧିର ପର୍ବ ଦୀପାବଳି। ଏହାର ପୂର୍ବରୁ ପଡିଥାଏ ଧନ୍ତେରାସ। ବିଶ୍ୱାସ ରହିଛି ଧନ୍ତେରାସ ହେଉ ଅବା ଦୀପାବଳି ଦିନ ଯଦି ସୁନା ରୂପା ଅଳଙ୍କାର କିଣାଯାଏ କିମ୍ବା କୌଣସି ନୂଆ ଜିନିଷକୁ କିଣି ଘରକୁ ଅଣାଯାଏ ତା’ହେଲେ ମହାଲକ୍ଷ୍ମୀ ପ୍ରସନ୍ନ ହୋଇଥାନ୍ତି। କିନ୍ତୁ ଜ୍ୟୋତିର୍ବିଦଙ୍କ ମତରେ, ଏହି ଦିନମାନଙ୍କରେ କେବଳ ଯେ ଦାମୀ ଜିନିଷ କିଣିଲେ ମା’ ଲକ୍ଷ୍ମୀଙ୍କ ଆର୍ଶୀବାଦ ରହିବ ତାହା ନୁହେଁ, ଆହୁରି ଏମିତିବି କିଛି ଜିନିଷ ରହିଛି ଯାହାକୁ ଏହିଦିନ କିଣିଲେ ମା’ଙ୍କର କୃପା ଲାଭ ହୋଇଥାଏ ବୋଲି ବିଶ୍ୱାସ କରାଯାଏ।
* ଲୁଣ: ଏହା ସାମାନ୍ୟ ଲାଗିଲେ ବି ଏହାର ସମ୍ବନ୍ଧ ମାତା ଲକ୍ଷ୍ମୀଙ୍କ ସହିତ ରହିଛି। ତେଣୁ ଧନ୍ତେରାସ ହେଉ ଅବା ଦୀପାବଳିରେ ଆପଣ ଯଦି ସୁନାରୂପା କିଣିବାକୁ ଅସମର୍ଥ ତା’ହେଲେ ଗୋଟିଏ ଲୁଣ ପ୍ୟାକେଟ୍ ଘରକୁ କିଣି ଆଣନ୍ତୁ, ଏଥିରେ ବି ମହାଲକ୍ଷ୍ମୀ ଖୁସି ହେବେ।
* କଉଡ଼ି: ଧନ୍ତେରାସ ଅବା ଦୀପାବଳି ଦିନ କିଛି କଉଡ଼ିକୁ ଆଣି ଠାକୁର ଘରେ ହେଉ ଅବା ସିନ୍ଦୁକରେ ରଖିଲେ ଘରୁ କ୍ରମେ ଅଭାବ ଦୂର ହୁଏ ବୋଲି ବିଶ୍ୱାସ କରାଯାଏ।
* ହଳଦୀ: ଏହି ଦିନ ହଳଦୀ କିଣିବା ବି ଅତ୍ୟନ୍ତ ଶୁଭ ହୋଇଥାଏ।
*ଗୋମତି ଚକ୍ର: ଧନ୍ତେରାସ ହେଉ ଅବା ଦୀପାବଳିରେ ଗୋମତି ଚକ୍ର କିଣିବା ମଧ୍ୟ ଶୁଭ ସଙ୍କେତ ଦେଇଥାଏ।
* ଶ୍ରୀଯନ୍ତ୍ର: ଶ୍ରୀଯନ୍ତ୍ର ହେଉ ଅବା କୁବେର ଯନ୍ତ୍ରକୁ ଏହିଦିନ ଘରକୁ ଆଣି ଧନଥିବା ସ୍ଥାନରେ ରଖିଲେ କ୍ରମେ ଘରେ ଐଶ୍ୱର୍ଯ୍ୟ ବୃଦ୍ଧି ପାଇଥାଏ ବୋଲି ବିଶ୍ୱାସ ରହିଛି।
