ଢାକା,୨୭।୮: ବାଂଲାଦେଶରେ ଡେଙ୍ଗୁ ଜ୍ୱର ବ୍ୟାପିବାରେ ଲାଗିଛି। ଏବେ ଏହା ଅଣାୟତ୍ତ ସ୍ଥିତିକୁ ଚାଲି ଗଲାଣି। ଦେଶରେ ବହୁ ସଂଖ୍ୟାରେ ଲୋକେ ଡେଙ୍ଗୁ ଜ୍ୱରରେ ପୀଡ଼ିତ ହୋଇଛନ୍ତି। ପ୍ରତିଦିନ ଶହ ଶହ ମାମଲା ସାମ୍ନାକୁ ଆସୁଛି। ଢାକା ଟ୍ରିବ୍ୟୁନ ରିପୋର୍ଟ କରିଛି ଯେ ବାଂଲାଦେଶରେ ଡେଙ୍ଗୁ ଇତିହାସରେ ଅଗଷ୍ଟରେ ଏପର୍ଯ୍ୟନ୍ତ ସବୁଠାରୁ ଘାତକ ମାସ ହୋଇଛି। ଯେଉଁଥିରେ ଭେକ୍ଟର ଜନିତ ରୋଗରେ ପ୍ରାୟ ୬୦,୩୫୨ ଜଣ ସଂକ୍ରମିତ ହୋଇଥିବା କୁହାଯାଉଛି।
ରିପୋର୍ଟରେ ଦର୍ଶାଯାଇଛି ଯେ ଡେଙ୍ଗୁ ରୋଗ ଶୀଘ୍ର ହ୍ରାସ ହେବାର ସମ୍ଭାବନା ନାହିଁ। ଡେଙ୍ଗୁ ବିଷୟରେ ମଧ୍ୟ କୁହାଯାଇଥିଲା ଯେ କେବଳ ଅଗଷ୍ଟରେ ଦେଶର ପୂର୍ବ ବର୍ଷର ରେକର୍ଡ ଭାଙ୍ଗିଯାଇଛି। କେବଳ ଅଗଷ୍ଟ ମାସରେ ଗତ ବର୍ଷ ରେକର୍ଡ ହୋଇଥିବା ମୋଟ ମୃତ୍ୟୁ ସଂଖ୍ୟା ଅପେକ୍ଷା ଅଧିକ ମୃତ୍ୟୁ ଘଟିଛି।
ଟ୍ରିବ୍ୟୁନ ରିପୋର୍ଟ କରିଛି ଯେ ବାଂଲାଦେଶ ଏହି ମାସରେ ୨୮୬ ଡେଙ୍ଗୁ ମୃତ୍ୟୁ ଏବଂ ଗତ ୨୬ ଦିନରେ ହାରାହାରି ୧୦ ଜଣଙ୍କ ମୃତ୍ୟୁ ଏବଂ ୨୩୨୧ ଜଣ ରୋଗରେ ଆକ୍ରାନ୍ତ ହୋଇଛି।
