ସାଟେଲାଇଟ୍‌ରେ ୨୯ ଖାଦାନର ସୀମା ନିର୍ଦ୍ଧାରଣ ସମ୍ପନ୍ନ

ଯାଜପୁର ଅଫିସ,୯ା୯: ଉନ୍ନୟନ କାର୍ଯ୍ୟ ଆଳରେ ଯାଜପୁର ଜିଲାର ଧର୍ମଶାଳା ବ୍ଲକ ଅଞ୍ଚଳର ସଂରକ୍ଷିତ ଓ ଅଣ ସଂରକ୍ଷିତ ଜଙ୍ଗଲ ପାହାଡ଼ରୁ କଳାପଥର ବ୍ୟବସାୟ ଚାଲିଛି। ଏହି କ୍ରମରେ ଲିଜ୍‌ପ୍ରାପ୍ତ ଖାଦାନରୁ ଅନୁମୋଦନ ପରିମାଣଠାରୁ ଅଧିକ ଲୁଟ ଏବଂ ନକଲି ଟ୍ରାନ୍‌ଜିଟ ଫର୍ମରେ ଖଣିଜ ପରିବହନ ଉପରେ ହାଇକୋର୍ଟ, ଲୋକାୟୁକ୍ତ ଓ ଏନ୍‌ଜିଟିରେ ଏକାଧିକ ମାମଲା ବିଚାରାଧୀନ ରହିଛି। ଏହାବାଦ୍‌ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଜିଲା ପ୍ରଶାସନ ପକ୍ଷରୁ ଏକ ବେସରକାରୀ ସଂସ୍ଥା ମାଇଁ ୱାର୍ଲ୍‌ଡ କନ୍ସଲଟେନ୍ସି ଦ୍ୱାରା ସାଟେଲାଇଟ ମାପଚୁପ ଚାଲିଛି। ଗତ ୨ ସପ୍ତାହ ମଧ୍ୟରେ ଡଙ୍କାରୀ ପାହାଡର ୧୮ଟି, ବରଡା ୫ଟି, ବାରମାଣ ୧ଟି ଏବଂ ଲୁଣିବର ପାହାଡର ୫ଟିକୁ ମିଶାଇ ମୋଟ ୨୯ଟି ଖାଦାନର ମାପଚୁପ ସମ୍ପନ୍ନ ହୋଇଛି। ତେବେ ଏହି ପ୍ରକ୍ରିୟାରେ କୌଣସି ସରକାରୀ ଅଧିକାରୀ କିମ୍ବା କର୍ମଚାରୀ ଉପସ୍ଥିତ ରହୁ ନାହାନ୍ତି। କେତେକ ପ୍ରଭାବଶାଳୀ ଲିଜ୍‌ଧାରୀଙ୍କୁ ମାପଚୁପରେ ଅନୁକମ୍ପା ପ୍ରଦର୍ଶନ ହେଉଥିବା ମଧ୍ୟ ଅଭିଯୋଗ ହେଉଛି। ଅନ୍ୟପକ୍ଷେ ଶାସକ ଦଳରେ ରହି ରାଜନୈତିକ ଫାଇଦା ନେଉଥିବା କେତେଜଣ ପ୍ରଭାବଶାଳୀ ଲିଜ୍‌ଧାରୀ ରାଜ୍ୟ ସରକାରଙ୍କ ଏହି ମାପଚୁପକୁ ବିରୋଧ କରୁଥିବା ଚର୍ଚ୍ଚା ହେଉଛି। ଏଭଳି ସ୍ଥିତିରେ ସାଟେଲାଇଟ ମାପଚୁପ ବରଡା ନଂ-୧ ଖାଦାନରେ ହୋଇଥିବା ମହାଦୁର୍ନୀତିକୁ ଧରି ପାରିବ କି ନାହିଁ ସେ ନେଇ ଆଶଙ୍କା ପ୍ରକାଶ ପାଇଛି।
ରାଜସ୍ବ, ପୋଲିସ, ଜଙ୍ଗଲ ଓ ଜିଲା ପ୍ରଶାସନର ମିଳିତ ସହଯୋଗରେ ଖାଦାନ ଲିଜ୍‌ଧାରୀମାନେ କୌଣସି ଆଇନକାନୁନକୁ ମାନୁନାହାନ୍ତି। ଏଥିରେ ପରୋକ୍ଷ ଅବା ପ୍ରତ୍ୟକ୍ଷ ଭାବେ ସ୍ଥାନୀୟ ଲୋକପ୍ରତିନିଧିଙ୍କ ସହଯୋଗ ରହୁଛି ବୋଲି ଲୋକେ କୁହନ୍ତି। ଦୀର୍ଘ ବର୍ଷ ହେଲା ବିରୋଧି ଦଳଗୁଡିକ ମଧ୍ୟ ଏହି ବେଆଇନ କାର୍ଯ୍ୟ ଉପରେ ଜାଣିଶୁଣି ଆଖି ବୁଜି ଦେଇଛନ୍ତି। ହେଲେ ପ୍ରଭାବିତ ଗ୍ରାମବାସୀ ପ୍ରତିବାଦ ସ୍ବରୂପ ଆନ୍ଦୋଳନ, ଦାବି ଏପରି କି ହାଇକୋର୍ଟ ପର୍ଯ୍ୟନ୍ତ ଯାଇଛନ୍ତି। ଏହି ପ୍ରତିବାଦକାରୀଙ୍କ ନାମରେ ପୋଲିସ ମାମଲା ରୁଜୁ କରିବାକୁ ପଛାଇ ନାହିଁ। ପୂର୍ବରୁ ୭୦ରୁ ଊର୍ଦ୍ଧ୍ୱ ପ୍ରତିବାଦକାରୀଙ୍କ ନାମରେ ଜେନାପୁର ଥାନା ପୋଲିସ ମାମଲା ରୁଜୁ କରିଥିବାର ନଜିର ରହିଛି। କିନ୍ତୁ ୫୦୦ରୁ ଊର୍ଦ୍ଧ୍ୱ ବେଆଇନ ଖାଦାନ ଚାଲୁଥିଲେ ହେଁ ପଥର ବ୍ୟବସାୟୀଙ୍କ ନାମରେ ମାମଲା ରୁଜୁ ନଗଣ୍ୟ ହୋଇଛି। ପଥର ଚାପାରେ ୨୫ରୁ ଊର୍ଦ୍ଧ୍ୱ ଶ୍ରମିକଙ୍କ ଜୀବନ ଯାଇଛି। ହେଲେ ଏହାକୁ ଅନ୍ୟ ରୂପ ଦେଇ କେତେକ ମାମଲାକୁ ରଫାଦଫା କରାଯାଇଛି। ତେବେ ଏଭଳି କଳାପଥର ଖାଦାନରୁ ବ୍ୟାପକ ଲୁଟ ସଂକ୍ରାନ୍ତରେ ଗତ ମାର୍ଚ୍ଚରେ ଅନୁଷ୍ଠିତ ବିଧାନସଭାରେ ପ୍ରଶ୍ନ ଉଠିବା ପରେ ରାଜ୍ୟ ସରକାରଙ୍କ ଚେତା ପଶିଛି। ଇତିମଧ୍ୟରେ ସାଟେଲାଇଟ ମାପଚୁପ କରି ୪ ଜଣ ଲିଜ୍‌ଧାରୀଙ୍କ ନାମରେ ୧୦୫.୮୭ କୋଟି ଟଙ୍କାର ଜରିମାନା ଆଦାୟ ନିର୍ଦ୍ଦେଶ ହୋଇଛି। ହେଲେ ଏଯାଏ ଟଙ୍କାଟିଏ ଅସୁଲ ହୋଇନାହିଁ। ପୂର୍ବରୁ ଏଭଳି ଜରିମାନା ଆଦାୟ ନିର୍ଦ୍ଦେଶ ହୋଇଥିଲେ ହେଁ ତାହା କୋର୍ଟ କଚେରୀରେ ଫସି ରହିଛି। ପ୍ରଶାସନ ପକ୍ଷରୁ କୋର୍ଟରେ ଆବଶ୍ୟକ ପ୍ରମାଣପତ୍ର ଦାଖଲ ହୋଇପାରୁ ନ ଥିବାରୁ ଲିଜ୍‌ଧାରୀମାନେ ଅନାୟାସରେ ଖସି ଯାଉଥିବା ମତ ପ୍ରକାଶ ପାଇଛି। ସାଟେଲାଇଟ ମାପଚୁପ ମଧ୍ୟ ସେଭଳି ଭାବେ ଖସି ଯିବ ବୋଲି ଲୋକେ କହୁଛନ୍ତି।
ଏଠାରେ ବରଡା ଖାଦାନ ନମ୍ବର-୧କୁ ଉଦାହରଣ ଭାବେ ନିଆଯାଇପାରେ। ୨୦୧୭-୧୮ରେ ପ୍ରହ୍ଲାଦ ଲେଙ୍କାକୁ ଏହି ଖାଦାନରୁ ୨ ଏକର ୫୦ ଡେସମିଲ ଅଞ୍ଚଳରୁ ବାର୍ଷିକ ୧୭୬୪ ଘନ ମିଟର(ପ୍ରାୟ୨୬୫୦ ଟନ) କଳାପଥର ଉତ୍ତୋଳନ କରିବାକୁ ମଞ୍ଜୁରୀ ମିଳିଥିଲା। ହେଲେ ପ୍ରାୟ ୭ ଏକର ଜମିରୁ ପୋଖରୀ ଭଳି ଖନନ କରି ବାର୍ଷିକ ପ୍ରାୟ ୩୦ ଲକ୍ଷ ଟନ୍‌ କଳାପଥର ଉତ୍ତୋଳନ ହୋଇଛି। ଅର୍ଥାତ୍‌ ଗତ ୫ ବର୍ଷରେ ପ୍ରାୟ ୧.୫୦ କୋଟି ଟନ କଳାପଥର ଏଠାରୁ ଉତ୍ତୋଳନ କରି ବିଭିନ୍ନ ଉନ୍ନୟନ କାର୍ଯ୍ୟରେ ଲାଗିଛି ବୋଲି କେତେଜଣ ଲିଜ୍‌ଧାରୀ ପ୍ରକାଶ କରିଛନ୍ତି। ତେଣୁ ସାଟେଲାଇଟ ମାପଚୁପ ଏହି ମହାଦୁର୍ନୀତିକୁ ଧରି ପାରିବ କି ନାହିଁ ସେ ନେଇ କଳ୍ପନାଜଳ୍ପନା ଆରମ୍ଭ ହୋଇଛି। ମାପଚୁପ କରୁଥିବା ସାଟେଲାଇଟ କମ୍ପାନୀକୁ ନିଜ ଅକ୍ତିଆରେ ନେବାକୁ ଉଦ୍ୟମ ହେଉଥିବା ଏଠାରେ ଚର୍ଚ୍ଚା ଜୋର ଧରିଛି। ଏ ସଂକ୍ରାନ୍ତରେ ଧର୍ମଶାଳା ତହସିଲଦାର ସ୍ବାଗତ ଦାସଙ୍କୁ ପଚାରିବାରେ ସେ କହିଛନ୍ତି, ବର୍ତ୍ତମାନ ସାଟେଲାଇଟରେ କେବଳ ସୀମା ନିର୍ଦ୍ଧାରଣ କରାଯାଉଛି। ଯେତେବେଳେ ମାପଚୁପ ହେବ ସେତେବେଳେ ଦାୟିତ୍ୱରେ ଥିବା କର୍ମଚାରୀ ଉପସ୍ଥିତ ରହିବେ। ଲିଜ୍‌ରେ ନିର୍ଦ୍ଧାରଣ ଜମି ପରିମାଣ ଠାରୁ ଯଦି ଅଧିକ ଖନନ ହୋଇଛି, ସମସ୍ତ ଖନନ ଜମିର ମାପଚୁପ କରାଯିବ।


Enter your email to get our daily news in your inbox.

All Right Reserved By Dharitri.Com

ରାଜସ୍ବ ବିଭାଗର ନୂତନ ଅତିରିକ୍ତ ଜିଲାପାଳ

ଢେଙ୍କାନାଳ ଅଫିସ, ୨୬।୩: ଢେଙ୍କାନାଳ ଜିଲା କାର୍ଯ୍ୟାଳୟରେ ରାଜସ୍ବ ବିଭାଗର ନୂତନ ଅତିରିକ୍ତ ଜିଲାପାଳ ଭାବେ ସୌଦାମିନୀ ସେଠୀ ଗୁରୁବାର ପୂର୍ବାହ୍ନରେ କାର୍ଯ୍ୟରେ ଯୋଗଦେଇଛନ୍ତି। ସେ...

ପରକୀୟା ପ୍ରୀତିରୁ ହତ୍ୟାକାଣ୍ଡ

କଣିହାଁ, ୩ା୧୨(ଡି.ଏନ.ଏ.) ଅନୁଗୋଳ ଜିଲା କଣିହାଁ ବ୍ଲକ ରେଙ୍ଗାଳି ଥାନା ବାଲିପଶିସାହିର ଏକ କୂଅରୁ ଗତ ୨୮ ତାରିଖରେ ଦୁର୍ଯ୍ୟୋଧନ ତୁଙ୍ଗଙ୍କ ମୁଣ୍ଡବିହୀନ ମୃତଦେହ ଉଦ୍ଧାର...

ଅଜଣା ଗାଡ଼ି ଧକ୍କାରେ ଯୁବକ ମୃତ, ପରିଚୟ ଅସ୍ପଷ୍ଟ

କେନ୍ଦୁଝର, ୧୦।୯(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ଥାନା ଅନ୍ତର୍ଗତ ଆଳୁଘାଟି ନିକଟରେ ଏକ ଅଜଣା ଗାଡ଼ି ଧକ୍କାରେ ଜନୈକ ଯୁବକଙ୍କ ମୃତ୍ୟୁ ଘଟିଛି। ତାଙ୍କ ପରିଚୟ...

ପୋଲିସ ଗାଡ଼ି ବସ୍‌ ମୁହାଁମୁହିଁ ଧକ୍କା: ୪ ଗୁରୁତର

ସିମୁଳିଆ,୨।୧(ଡି.ଏନ୍‌.ଏ.): ବାଲେଶ୍ୱର ଜିଲା ସିମୁଳିଆ ଥାନା ଠାରୁ ୫କି.ମି. ଦୂର ୧୬ନଂ ଜାତୀୟ ରାଜପଥର ଜାମୁଝାଡି ନିକଟରେ ରବିବାର ଦୁର୍ଘଟଣା ଘଟିଛି। ପୋଲିସ ଗାଡି ଓ...

ଯୋଡ଼ାରେ କଂଗ୍ରେସର ପ୍ରଚାର

ଯୋଡ଼ା, ୨୧ା୪(ଡି.ଏନ.ଏ.): ଚମ୍ପୁଆ ନିର୍ବାଚନମଣ୍ଡଳୀର ଯୋଡ଼ାଠାରେ ଶନିବାର ନିର୍ବାଚନ ପ୍ରଚାରକୁ କଂଗ୍ରେସ ଜୋରଦାର କରିଛି।  ଦଳୀୟ ପ୍ରାର୍ଥୀ ଯଦୁମଣି ବାରିକଙ୍କ ସହିତ କେନ୍ଦୁଝର ଜିଲା କାର୍ଯ୍ୟକାରୀ...

କୋର୍ଟରୁ ଫାଇଲ୍‌ ଚୋରି: ଅଭିଯୁକ୍ତ ଅଟକ, ତଦନ୍ତ ଆରମ୍ଭ

ବାଲେଶ୍ୱର ଅଫିସ,୨୧।୧୨: ବାଲେଶ୍ୱର ସିଭିଲ ଜଜ୍‌ ଜୁନିୟର ଡିଭିଜନ୍‌ (ମୁନସିଫ୍‌) କୋର୍ଟର ନିର୍ବାଚନ ମିସ୍‌ କେସ୍‌ (ନଂ. ୧୬/୧୭)ର ଫାଇଲ୍‌ ଚୋରି ହୋଇଯାଇଥିବା ଶନିବାର ଜଣାପଡ଼ିଥିଲା।...

ଶେରଗଡ଼ର କୌଣସି ଏଟିଏମ୍‌ରେ ନାହିଁ ଟଙ୍କା: ଗ୍ରାହକ ସେବା କେନ୍ଦ୍ର ପାଲଟିଛି ଭରସା, ଟଙ୍କା ପାଇଁ ଲୋକଙ୍କ ଭିଡ଼

ଶେରଗଡ଼,୧୧।୪(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ରେ ଗତ କିଛି ଦିନ ହେଲା କୌଣସି ଏଟିଏମ୍‌ରେ ଟଙ୍କା ନାହିଁ। କେବଳ ବ୍ୟାଙ୍କରୁ ଗ୍ରାହକମାନେ ଟଙ୍କା ଉଠାଇ ନେଇପାରୁଛନ୍ତି। ଫଳରେ...

ପୁଣି ନକ୍ସଲଙ୍କ ବର୍ବର କାଣ୍ଡ: ପୋଲିସ ଇନଫର୍ମର ସନ୍ଦେହରେ ଜଣଙ୍କ ନିର୍ମମ ହତ୍ୟା

ଚିତ୍ରକୋଣ୍ଡା,୨୪।୧୨(ଡି.ଏନ.ଏ): ପୁଣି ନକ୍ସଲଙ୍କ ବର୍ବର କାଣ୍ଡ। ଆନ୍ଧ୍ର-ଓଡିଶା ସୀମାନ୍ତ ମାଲକାନଗିରି ସ୍ବାଭିମାନ ଅଞ୍ଚଳ ନିକଟସ୍ଥ ଜଣକୁ ପୋଲିସ ଇନଫର୍ମର କହି ହାତ ବାନ୍ଧି ମୁଣ୍ଡ ପଛରେ...

Advertisement
Archives

Model This Week