କୋକସରା,୨୨।୧୧ (ଡି.ଏନ.ଏ.) କଳାହାଣ୍ଡି ଜିଲା କୋକସରା ବ୍ଲକ ଚାରବାହାଲ ପ୍ୟାକ୍ସ ଅଧୀନରେ ଥିବା ମୋଟେର ମଣ୍ଡିରୁ ରଣମାଲ ପ୍ୟାକ୍ସର ବଡଟେମରି ମଣ୍ଡିକୁ ସମ୍ପୂର୍ଣ୍ଣ ଅଲଗା କରିବାକୁ ଚାଷୀମାନେ ଦାବି କରିଛନ୍ତି। ଚାଷୀଙ୍କ ଅଭିଯୋଗ ହେଲା, ବଡଟେମରୀ ମଣ୍ଡିର ଚାଷୀମାନେ ମଣ୍ଡି ଆରମ୍ଭ ନ ହେଉଣୁ ମୋଟେର ମଣ୍ଡି ପ୍ରାଙ୍ଗଣରେ ଧାନ ଆଣି ଗଦାକରି ରଖିଥାନ୍ତି। ଫଳରେ ମଣ୍ଡି ଶେଷ ହେବା ପର୍ପ୍ୟନ୍ତ ମୋଟେର ମଣ୍ଡିର ଚାଷୀଙ୍କୁ ଧାନ ବିକ୍ରି କରିବାକୁ ଜାଗା ମିଳେ ନାହିଁ। ଏହି ବିଷୟରେ ବଡଟେମରି ମଣ୍ଡିର ଧାନକ୍ରେତା ସ୍ବୟଂ ସହାୟକ ଗୋଷ୍ଠୀର ଦୃଷ୍ଟି ଆକର୍ଷଣ କଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ହେଉନାହିଁ । ଏହାକୁ ମୋଟର ମଣ୍ଡି ଅନ୍ତର୍ଗତ କୁସୁମଖୁଣ୍ଟି, ବାଟିଗୁଡା, ଜଲତାମୁଣ୍ଡା, ଖଟୁଲୁଗୁଡା ସମେତ ମୋଟେର ଗ୍ରାମର ଚାଷୀମାନେ ବିରୋଧ କରିଛନ୍ତି। ଖବର ପାଇ କୋକସରା ତହସିଲଦାର ମନୋଜ ପାଢୀ ପହଞ୍ଚତ୍ ସ୍ଥାନୀୟ ଚାଷୀମାନଙ୍କ ସହିତ ଆଲୋଚନା କରିଛନ୍ତି। ଆସନ୍ତା ୭ ଦିନ ଭିତରେ ଜାଗା ଚିହ୍ନଟ କରି ସମସ୍ୟାର ସମାଧାନ କରିବାକୁ ସେ ପ୍ରତିଶ୍ରୁତି ଦେଇଛନ୍ତି । ଯଦି ଆଗାମୀ ଦିନରେ ଏହି ସମସ୍ୟାର ସମାଧାନ ନ ହୁଏ ତେବେ ଚାଷୀମାନେ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି । ମୋଟେର ସରପଞ୍ଚ ଇଂ. ସୁଶୀଲ ଶବର, ହରିଶଙ୍କର ନାଏକ, କୁଶ ବେହେରା, ସୁଦର୍ଶନ ବେହେରା, ଲକ୍ଷ୍ମୀକାନ୍ତ ମାଝି, ବିଶେଶ୍ୱର ବନ୍ଧୀଛୋଡ , ସୁଦର୍ଶନ ବେହେରା, ଲିଙ୍ଗରାଜ ବେହେରା, ମହେନ୍ଦ୍ର ବେହେରା, ହୁତାଶନ ହାତୀ, ବୀରବଲ ଦଳପତି, ହୃଷୀକେଶ ଦାସ, ହେମନ୍ତ ଦାସ, କମଳାକାନ୍ତ ମାଝି, ହର ଜାଲ ପ୍ରମୁଖ ତହସିଲଦାରଙ୍କ ସହିତ ଏ ନେଇ ଆଲୋଚନା କରିଛନ୍ତି ା
