ପାଟଣା,୧୦ା୮(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ବୁଢ଼ୀ କାପୁଡ଼ି ଗାଁ ତେନ୍ତେଳା ଗ୍ରାମର ଶ୍ମଶାନ ଓ ଠାକୁରାଣୀ ଶାଳରେ ଉକ୍ତ ଗ୍ରାମର ସୁଦାମ ମହାନ୍ତ ଓ ତାଙ୍କ ୨ପୁଅ କାର୍ତ୍ତିକ ଓ ତିଳ କୁମାର ଜବରଦସ୍ତ ଭାବେ ଜେସିବି ମେଶିନ ଯୋଗେ ବିଲ ଖୋଳାଇ ଶ୍ମଶାନ ରାସ୍ତା ଓ ବୈତରଣୀ ନଦୀ ଘାଟକୁ ଅବରୋଧ କରୁଥିବାରୁ ଉକ୍ତ ଜମିର ଚିହ୍ନଟ ଓ ଉଚ୍ଛେଦ ଦାବିରେ ସୋମବାର ଗାଁର ୫୦ରୁ ଊଦ୍ଧର୍ବ ମହିଳା ସ୍ଥାନୀୟ ସରପଞ୍ଚ ମମତା ନାଏକଙ୍କ ନେତୃତ୍ୱରେ ପାଟଣା ତହସିଲଦାର ଅଶିନୀ କୁମାର ନାଏକଙ୍କୁ ଦାବିପତ୍ର ଦେଇଛନ୍ତି।
ସୂଚନା ଯେ, ଏଥିପୂର୍ବରୁ ଗ୍ରାମବାସୀ ତୁରୁମୁଙ୍ଗା ଥାନାରେ ଅଭିଯୋଗ କରିଥିଲେ ହେଁ ତୁରୁମୁଙ୍ଗା ପୋଲିସ ନିଷ୍କ୍ରିୟତା ଯୋଗୁ ମହିଳାମାନେ ସୋମବାର ପାଟଣା ତହସିଲଦାରଙ୍କ ଦ୍ୱାରସ୍ଥ ହେଇଛନ୍ତି।
ସରପଞ୍ଚଙ୍କ ସହ ଗ୍ରାମର ଓ୍ବାର୍ଡମେମ୍ବର କଣ୍ଢେଇ କାରୁଆ, ଶକୁନ୍ତଳା ମହାନ୍ତ, ତରୁଲତା ମହାନ୍ତ, ଗୀତା ରାଣୀ ମହାନ୍ତ, ସାବିତ୍ରୀ ମହାନ୍ତ, ମନ୍ଦୋଦରୀ ମହାନ୍ତ, ସୌଦାମିନୀ ମହାନ୍ତ ଓ ବନିତା ମହାନ୍ତଙ୍କ ସହ ୫୦ରୁ ଊଦ୍ଧର୍ବ ମହିଳା ପାଟଣା ତହସିଲଦାରଙ୍କୁ ଭେଟି କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି।
