କୋକସରା,୨୩ା୯ (ଦୁଷ୍ମନ୍ତ କୁମାର ପାଟ୍ଟଯୋଷୀ): କଳାହାଣ୍ଡି ଜିଲା କୋକସରା ବ୍ଲକ ଆମପାଣି ପଞ୍ଚାୟତକୁ ନୂତନ ବ୍ଲକ ଘୋଷଣା ଦାବି ଜୋର ଧରିଛି। ଏ ନେଇ କ୍ରିୟାନୁଷ୍ଠାନ କମିଟି ପକ୍ଷରୁ ପୂର୍ବରୁ ଧର୍ମଗଡ଼ ଉପଜିଲାପାଳ ଓ କଳାହାଣ୍ଡି ଜିଲାପାଳଙ୍କୁ ଦାବିପତ୍ର ଦିଆଯାଇଥିଲା। ସୋମବାର ଭୁବନେଶ୍ୱରଠାରେ କ୍ରିୟାନୁଷ୍ଠାନ କମିଟିର ସଦସ୍ୟମାନେ ଧର୍ମଗଡ଼ ବିଧାୟକ ସୁଧିର ପାଟ୍ଟଯୋଷୀଙ୍କ ନେତୃତ୍ୱରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ସାକ୍ଷାତ କରି ଦାବିପତ୍ର ପ୍ରଦାନ କରିଛନ୍ତି।
ସେମାନେ ଦର୍ଶାଇଛନ୍ତି, ଆମପାଣି ପଞ୍ଚାୟତରେ ବ୍ଲକ ପାଇଁ ସମସ୍ତ ଭିତ୍ତିଭୂମି ରହିଛି। ଆମପାଣି ଜୋନ-୧ର ୮ ପଞ୍ଚାୟତ ଓ ଜୟପାଟଣା ବ୍ଲକର ଉଛୁଲା ଓ ପୂଜାରୀଗୁଡା ପଞ୍ଚାୟତକୁ ନେଇ ନୂତନ ବ୍ଲକ ଘୋଷଣା କରିବା ପାଇଁ ଦାବି କରିଛନ୍ତି। ଦାବିପତ୍ର ପ୍ରଦାନ ସମୟରେ କ୍ରିୟାନୁଷ୍ଠାନ କମିଟି ଉପସଭାପତି ଟିକିଚନ୍ଦ୍ର ଧ.ମାଝୀ, କୋଷାଧ୍ୟକ୍ଷ ସୁରେଶ ସାହୁ, ସାଧାରଣ ସମ୍ପାଦକ ଧନୁ ଦୁର୍ଗା, କାର୍ଯ୍ୟକର୍ତ୍ତା ତାପସ ରାୟ, ଆମପାଣି ସରପଞ୍ଚ ରୁକ୍ମଣୀ ବାଣୁଆ, ସମିତି ସଭ୍ୟ ନର୍ତ୍ତକି ଦଣ୍ଡସେନା, ବଡପୋଡ଼ାଗୁଡ଼ା ସରପଞ୍ଚ ଯମୁନା ନାଏକ, କୁମୁଦ ଚଦ୍ର ପୂଜାରୀ ପ୍ରମୁଖ ଉପସ୍ଥିତ ଥିଲେ।
