ନୂଆଦିଲ୍ଲୀ,୨୮।୫: ଦୁଇଥର ଅଲିମ୍ପିକ ପଦକ ବିଜେତା ସୁଶୀଲ କୁମାର ଛତ୍ରସାଲ ଷ୍ଟାଡିୟମରେ କୁସ୍ତି ଯୋଦ୍ଧ ସାଗର ଧନକଡଙ୍କ ହତ୍ୟା ଘଟଣାରେ ଗିରଫ ହୋଇଛନ୍ତି। ତାଙ୍କୁ ପଚରାଉଚରା କରାଯାଉଛି। ଏହି ସମୟରେ ସାଗରଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ସୁଶୀଲ ତାଙ୍କ ହାତରେ ହକି ବାଡି ସାଗରକୁ ପିଟୁଛନ୍ତି। ଭାଇରାଲ ଭିଡିଓ ଏବଂ ଫଟୋରେ ସାଗର ତଳେ ପଡ଼ିଥିବାର ନଜର ଆସିଛନ୍ତି।ନ୍ ୨୩ ବର୍ଷୀୟ ସାଗରଙ୍କ ପୋଷ୍ଟମର୍ଟମ ରିପୋର୍ଟରେ ମଧ୍ୟ ପ୍ରକାଶ ପାଇଛି ଯେ ତାଙ୍କ ମୁଣ୍ଡରେ କିଛି ଆଘାତ ହେବା ପରେ ତାଙ୍କର ମୃତ୍ୟୁ ଘଟିଛି। ମେ ୨୩ ରେ, ଦିଲ୍ଲୀ ପୋଲିସର ସ୍ପେଶାଲ ଟିମ୍ ସୁଶୀଲ କୁମାରଙ୍କୁ ଗିରଫ୍ ଏବେ ସେ ୬ ଦିନିଆ ପୋଲିସ ହେପାଜତରେ ଅଛନ୍ତି।
ମେ ୪ ତାରିଖ ରାତି ପ୍ରାୟ ୧୨ଟା ସମୟରେ ଛତ୍ରସାଲ ଷ୍ଟାଡିୟମରେ କୁସ୍ତିମାନଙ୍କ ମଧ୍ୟରେ ଝଗଡା ହେବାର ଖବର ଦିଲ୍ଲୀ ପୋଲିସ ପାଇଥିଲା। ଏହି ସଂଘର୍ଷରେ ଆହତ ହୋଇଥିବା ରେସଲର ସାଗରଙ୍କୁ ବିଜେଡିଏମ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ପରେ ତାଙ୍କ ଅବସ୍ଥା ବିଗିଡି ଯାଇ ତାଙ୍କୁ ଟ୍ରମା ସେଣ୍ଟରକୁ ନିଆଯାଇଥିଲା। ପୋଲିସ ନିକଟରେ ଦିଆଯାଇଥିବା ଅଭିଯୋଗ ଅନୁଯାୟୀ, ଛତ୍ରସାଲ ଷ୍ଟାଡିୟମର ପାର୍କିଂ ପରିସରରେ ସୁଶୀଲ କୁମାର, ଅଜୟ, ପ୍ରିନ୍ସ, ସୋନୁ, ସାଗର, ଅମିତ ଏବଂ ଅନ୍ୟମାନଙ୍କ ମଧ୍ୟରେ ଝଗଡ଼ା ହୋଇଥିଲା। ମୃତ ସାଗର ୯୭ କିଲୋଗ୍ରାମ ଗ୍ରୀକୋ-ରୋମାନ ବର୍ଗରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଜଣେ ପୂର୍ବତନ ଜୁନିଅର ଜାତୀୟ ଚାମ୍ପିୟନ ତଥା ବରିଷ୍ଠ ଜାତୀୟ ଶିବିରର ଅଂଶ ଥିଲେ।
Sushil Kumar's video in which he could be seen thrashing others
This is crucial evidence against him pic.twitter.com/7zBrr8ZgJX— Atulkrishan (@iAtulKrishan1) May 27, 2021
