Posted inଖେଳ

ଧାଓ୍ବନଙ୍କ ଶତକ ସତ୍ତ୍ୱେ ଦିଲ୍ଲୀ ପରାସ୍ତ

ଦୁବାଇ, ୨୧।୧୦- ଇଣ୍ଡିଆନ ପ୍ରିମିୟର ଲିଗ୍‌ର ମଙ୍ଗଳବାର ଅନୁଷ୍ଠିତ ମ୍ୟାଚରେ ଶିଖର ଧାଓ୍ବନଙ୍କ ଶତକ ସତ୍ତ୍ୱେ ଦିଲ୍ଲୀ କ୍ୟାପିଟାଲ୍ସ ପରାଜିତ ହୋଇଛି। ଅନ୍ୟପକ୍ଷରେ ୫ ଉଇକେଟରେ ବିଜୟ ସହ କିଙ୍ଗ୍ସ ଇଲେଭେନ ପଞ୍ଜାବ ପ୍ଲେ-ଅଫ୍‌ ଆଶା ଉଜ୍ଜୀବିତ ରଖିଛି। ଚଳିତ ଲିଗ୍‌ରେ ପଞ୍ଜାବର ଏହା ହ୍ୟାଟ୍ରିକ ବିଜୟ। ଦିଲ୍ଲୀ ୨୦ ଓଭରରେ ୫ ଉଇକେଟ ହରାଇ ୧୬୪ ରନ କରିଥିବାବେଳେ ପଞ୍ଜାବ ୧୯ ଓଭରରେ ୫ ଉଇକେଟ ହରାଇ ୧୬୭ ରନ ସଂଗ୍ରହ କରି ନେଇଥିଲା। ୧୦ ମ୍ୟାଚରୁ ୮ ପଏଣ୍ଟ ପାଇ ପଞ୍ଜାବ ଟେବୁଲର ୫ମ ସ୍ଥାନକୁ ଉନ୍ନୀତ ହୋଇଛି। ଅନ୍ୟପକ୍ଷରେ ଦିଲ୍ଲୀ ୧୪ ପଏଣ୍ଟ ସହ ଶୀର୍ଷରେ ଅପରିବର୍ତ୍ତିତ ରହିଛି।
ଆଇପିଏଲରେ ୫୦୦୦ ରନ
ଟସ୍‌ ଜିତି ଦିଲ୍ଲୀ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା। ଖରାପ ଫର୍ମ ଜାରି ରଖି ଓପନର ପୃଥ୍‌ବୀ ଶ’ ମାତ୍ର ୭ ରନରେ ଆଉଟ ହୋଇଥିବାବେଳେ ଅଧିନାୟକ ଶ୍ରେୟାସ ଆୟାର ୧୪ ରନର ଯୋଗଦାନ ଦେଇଥିଲେ। ତେବେ ଅଭିଜ୍ଞ ଶିଖର ଧାଓ୍ବନ ଚମତ୍କାର ଫର୍ମ ଜାରି ରଖି ଦଳକୁ ବଡ଼ ସ୍କୋର ଦିଗରେ ଆଗେଇ ନେଇଥିଲେ। ଏହି ଅବସରରେ ସେ ଆଇପିଏଲରେ ୫୦୦୦ ରନ ମଧ୍ୟ ପୂରଣ କରିଥିଲେ। ଲିଗ୍‌ର ୫ମ ଖେଳାଳିଭାବେ ସେ ଏହି କ୍ଲବରେ ସାମିଲ ହୋଇଥିଲେ। ତାଙ୍କ ବ୍ୟାଟିଂ ପାଓ୍ବାର ବଳରେ ଦିଲ୍ଲୀ ୧୦ ଓଭର ବେଳକୁ ୨ ଉଇକେଟ ହରାଇ ୮୩ ରନ ସଂଗ୍ରହ କରି ନେଇଥିଲା। ଆହତ ସମସ୍ୟା ଯୋଗୁ ଦଳକୁ ଫେରିଥିବା ରିଷଭ ପନ୍ତ ୨୦ ବଲ୍‌ରୁ ମାତ୍ର ୧୪ ରନ କରି ପାରିଥିଲେ। ସେହିପରି ମାର୍କୁସ ଷ୍ଟୋଇନିସ ଫେଲ୍‌ ମାରିଥିଲେ ହେଁ ତା’ର କୌଣସି ପ୍ରଭାବ ଧାଓ୍ବନଙ୍କ ଉପରେ ପଡ଼ି ନ ଥିଲା। ସେ ହାସଲ କରିଥିଲେ ଚଳିତ ଲିଗ୍‌ରେ କ୍ରମାଗତ ଦ୍ୱିତୀୟ ଶତକ। ଆଇପିଏଲ ଇତିହାସରେ ପ୍ରଥମ ଖେଳାଳିଭାବେ ସେ ଏହି କୃତୀତ୍ୱ ଅର୍ଜନ କରିଥିଲେ। ଏଥିସହ ଗୋଟିଏ ସିଜନରେ ୨ କିମ୍ବା ତଦୁର୍ଦ୍ଧ୍ୱ ଶତକ ହାସଲ କରିବାରେ ସେ ହୋଇଥିଲେ ୫ମ ଖେଳାଳି। ୫୭ ବଲ୍‌ରୁ ଶତକ ପୂରଣ କରିଥିବା ଧାଓ୍ବନ ୬୧ ବଲ୍‌ରୁ ୧୨ ଚୌକା ଓ ୩ ଛକା ସହାୟତାରେ ୧୦୬ ରନ କରି ଅପରାଜିତ ରହିଥିଲେ। ତେବେ ଦିଲ୍ଲୀର ଅନ୍ୟ କୌଣସି ଖେଳାଳି ୧୪ରୁ ଅଧିକ ରନ କରି ନ ପାରିବାରୁ ସ୍କୋର ୧୬୪/୫ରେ ସୀମିତ ରହି ଯାଇଥିଲା। ପଞ୍ଜାବ ପକ୍ଷରୁ ମହମ୍ମଦ ସାମି ୨ଟି ଏବଂ ଜେମ୍ସ ନିଶାମ, ମୁରୁଗାନ ଅଶ୍ୱିନ ଓ ଗ୍ଲେନ୍‌ ମ୍ୟାକ୍ସଓ୍ବେଲ ଗୋଟିଏ ଲେଖାଏ ଉଇକେଟ ନେଇଥିଲେ।
ବିଜୟ ଲକ୍ଷ୍ୟ ବଡ଼ ନ ଥିଲେ ହେଁ ପଞ୍ଜାବ ଇନ୍‌ଫର୍ମ ଅଧିନାୟକ ଲୋକେଶ ରାହୁଲ(୧୫)ଙ୍କ ଉଇକେଟ ଶୀଘ୍ର ହରାଇ ବିପଦରେ ପଡ଼ିଥିଲା। କ୍ରିସ୍‌ ଗେଲ୍‌ ସ୍ବାଭାବିକ ଢଙ୍ଗରେ ଖେଳିଥିଲେ ହେଁ ଅଧିକ ସମୟ ତିଷ୍ଠିପାରି ନ ଥିଲେ। ସେ ୧୩ ବଲ୍‌ରୁ ୩ ଚୌକା ଓ ୨ ଛକା ସହ ୨୯ ରନ କରି ପ୍ୟାଭିଲିୟନ ଫେରିଥିଲେ। ବୁଝାମଣାର ଅଭାବ ଯୋଗୁ ମୟଙ୍କ ଅଗ୍ରଓ୍ବାଲ ମାତ୍ର ୬ ରନ କରି ରନଆଉଟ ହୋଇ ଯାଇଥିଲେ। ତେବେ ନିକୋଲାସ ପୁରନ ଓ ମ୍ୟାକ୍ସଓ୍ବେଲ ୪ର୍ଥ ଉଇକେଟରେ ଦ୍ରୁତ ୬୯ ରନ ଯୋଗକରି ଦଳପାଇଁ ବିଜୟ ପଥ ପରିଷ୍କାର କରିଥିଲେ। ଅର୍ଦ୍ଧଶତକ ହାସଲ କରିବାପରେ ପୁରନ କାଗିଶୋ ରାବାଡ଼ାଙ୍କ ଏକ ବଲ୍‌ ଛାଡ଼ିବା ଚକ୍କରରେ କଟ୍‌ ବିହାଇଣ୍ଡ ହୋଇ ଯାଇଥିଲା। ରାବାଡାଙ୍କ ବଲ୍‌ ପୁରନଙ୍କ ଗ୍ଲେବ୍ସକୁ ସ୍ପର୍ଶକରି ଉଇକେଟ କିପର ରିଷଭ ପନ୍ତଙ୍କ ନିକଟକୁ ଚାଲି ଯାଇଥିଲା। ସହଜରେ ଉଇକେଟ ହରାଇଥିବା ପୁରନ ୨୮ ବଲ୍‌ରୁ ସର୍ବାଧିକ ୫୩(୬ ଚୌକା, ୩ ଛକା) ରନ କରିଥିଲେ। ପୂର୍ବ ମ୍ୟାଚ ଗୁଡ଼ିକ ତୁଳନାରେ ମ୍ୟାକ୍ସଓ୍ବେଲ ଏଠାରେ ଭଲ ବ୍ୟାଟିଂ କରିଥିଲେ ହେଁ ଶେଷ ପର୍ଯ୍ୟନ୍ତ ରହିପାରି ନ ଥିଲେ। ସେ ୩୨(୨୪ ବଲ, ୩ ଚୌକା) ରନ କରିଥିବାବେଳେ ୧୬ତମ ଓଭରରେ ରାବାଡ଼ାଙ୍କ ବଲ୍‌ରେ ପନ୍ତଙ୍କୁ କ୍ୟାଚ ଦେଇଥିଲେ। ଦୀପକ ହୁଦା ୧୫ ଓ ଜେମ୍ସ ନିଶାମ ୧୦ ରନରେ ଅପରାଜିତ ରହିଥିଲେ। ଦିଲ୍ଲୀ ପକ୍ଷରୁ କାଗିଶୋ ରାବାଡ଼ା ୨ଟି ଏବଂ ଅକ୍ଷର ପଟେଲ ଓ ରବିଚନ୍ଦ୍ରନ ଅଶ୍ୱିନ ଗୋଟିଏ ଲେଖାଏ ଉଇକେଟ ନେଇଥିଲେ।
ସଂକ୍ଷିପ୍ତ ସ୍କୋର
ଦିଲ୍ଲୀ କ୍ୟାପିଟାଲ୍ସ ୨୦ ଓଭରରେ ୧୬୪/୫(ଧାଓ୍ବନ-୧୦୬*, ସାମି-୨/୨୮, ନିଶାମ-୧/୧୭, ମୁରୁଗାନ-୧/୩୩, ମ୍ୟାକ୍ସଓ୍ବେଲ-୧/୩୧)। କିଙ୍ଗ୍ସ ଇଲେଭେନ ପଞ୍ଜାବ ୧୯ ଓଭରରେ ୧୬୭/୫ (ପୁରନ-୫୩, ମ୍ୟାକ୍ସଓ୍ବେଲ-୩୨, ଗେଲ୍‌-୨୯, ରାବାଡ଼ା-୨/୨୭, ଅକ୍ଷର-୧/୨୭, ରବିଚନ୍ଦ୍ରନ-୧/୨୭)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆକ୍ରମଙ୍କ ଶ୍ରେଷ୍ଠ ବ୍ୟାଟ୍ସମ୍ୟାନ ତାଲିକାରେ ସଚିନ

ଇସଲାମାବାଦ, ୭।୬-ପାକିସ୍ତାନ କ୍ରିକେଟ ଦଳର ପୂର୍ବତନ ଅଧିନାୟକ, ଜଣାଶୁଣା କ୍ରିକେଟ ଭାଷ୍ୟକାର ଏବଂ ବିଶେଷଜ୍ଞ ଓ୍ବାସିମ ଆକ୍ରମ ନିଜ ସମୟର ୫ ଜଣ ଶ୍ରେଷ୍ଠ ବ୍ୟାଟ୍ସମ୍ୟାନ...

ଡଚ୍‌ ଓପନ୍‌ ବ୍ୟାଡମିଣ୍ଟନ: ଲକ୍ଷ୍ୟଙ୍କୁ ଟାଇଟଲ

ଅଲମେର,୧୩।୧୦(ପି.ଟି.)- ଉଦୀୟମାନ ବ୍ୟାଡମିଣ୍ଟନ ତାରକା ଭାରତର ଲକ୍ଷ୍ୟ ସେନ ଆଉ ଏକ ବିଶ୍ୱସ୍ତରୀୟ ସଫଳତା ଅର୍ଜନ କରିଛନ୍ତି। ନେଦରଲାଣ୍ଡ୍ସର ଅଲମେରଠାରେ ଖେଳାଯାଇଥିବା ଡଚ୍‌ ଓପନ୍‌ ବ୍ୟାଡମିଣ୍ଟନ...

ଗୋଟିଏ ବି ଅନ୍ତର୍ଜାତୀୟ ଦିନିକିଆ ମ୍ୟାଚ୍‌ ଖେଳି ନ ଥିବା ମୟଙ୍କ ଅଗ୍ରଓ୍ବାଲଙ୍କୁ ବିଶ୍ୱକପ୍‌ ଦଳରେ କାହିଁକି ମିଳିଲା ସ୍ଥାନ, ଜାଣନ୍ତୁ

ବର୍ମିଂହମ୍‌, ୨।୭: ଭାରତୀୟ ଦଳର ଅଲରାଉଣ୍ଡର ବିଜୟ ଶଙ୍କର ଆହତ ହୋଇ ବିଶ୍ୱକପର ବାକି ମ୍ୟାଚ୍‌ରୁ ବାଦ୍‌ ପଡିଛନ୍ତି। ତାଙ୍କ ସ୍ଥାନରେ କର୍ନାଟକ ବ୍ୟାଟ୍ସମ୍ୟାନ୍‌ ମୟଙ୍କ...

ଅଷ୍ଟ୍ରେଲିଆନ୍‌ ଓପନ ପୂର୍ବରୁ ଆଣ୍ଡି ମୁରେଙ୍କୁ କରୋନା

ଲଣ୍ଡନ, ୧୫ା୧ (ଏପି)-ଅଷ୍ଟ୍ରେଲିଆନ ଓପନ୍‌ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତା ହେବାକୁ ଆଉ କିଛିଦିନ ବାକି ରହିଥିବାବେଳେ ବ୍ରିଟିଶ ଖେଳାଳି ଆଣ୍ଡି ମୁରେ କରୋନାରେ ପୀଡ଼ିତ ହୋଇଛନ୍ତି।...

ଓଡ଼ିଶା ଏଫସିକୁ ପ୍ଲେ-ଅଫ୍‌ ନେବାକୁ ଚାହାନ୍ତି ବକ୍ସଟର

ଭୁବନେଶ୍ୱର, ୨୪।୬(କ୍ରୀଡ଼ା ପ୍ରତିନିଧି)- କରୋନା ଭାଇରସ ସଂକ୍ରମଣ ଜନିତ କଟକଣା ଯୋଗୁ ଦୂରରେ ରହିଥିଲେ ହେଁ ଓଡ଼ିଶା ଏଫସିର ନବନିଯୁକ୍ତ କୋଚ୍‌ ଷ୍ଟୁଆର୍ଟ ବକ୍ସଟର ଦଳର...

ୟୁଏସ୍‌ ଓପନ୍‌ ଖେଳିବା ଲାଗି ୨୯ ଲକ୍ଷ ଟଙ୍କା ଦେଇ ଭଡ଼ା ଘରେ ରହିଲେ ଏହି ଟେନିସ ଖେଳାଳି

ନ୍ୟୁୟର୍କ, ୩।୯: ବିଶ୍ୱର ଶ୍ରେଷ୍ଠ ପୁରୁଷ ସିଙ୍ଗଲ୍ସ ଟେନିସ ଖେଳାଳି ସର୍ବିୟାର ନୋଭାକ ଜୋକୋଭିଚ୍‌ ତାଙ୍କ ଜ୍ୱାଜଲ୍ୟମୟ କ୍ୟାରିୟରରେ ପୁରସ୍କାର ବାବଦକୁ ୧୪ କୋଟି ଆମେରିକୀୟ...

ସ୍ବର୍ଣ୍ଣ ଜିତିବା ପରେ ପ୍ରଥମ ଟୁଇଟ୍‌ କଲେ ନୀରଜ; କହିଲେ ଏମିତି କଥା

ନୂଆଦିଲ୍ଲୀ,୮।୮: ଟୋକିଓ ଅଲିମ୍ପିକ୍ସରେ ଇତିହାସ ସୃଷ୍ଟି କରିଥିବା ଭାରତୀୟ ଜାଭେଲିନ ଥ୍ରୋ ଖେଳାଳି ନୀରଜ ଚୋପ୍ରା ୧୩ ଦିନ ପରେ ପ୍ରଥମ ଟୁଇଟ୍‌ କରିଛନ୍ତି। ଏହି...

ପଡିଆରେ ବାନ୍ତି କଲେ, ହ୍ବିଲ୍‌ଚେୟାର୍‌ ମଗାଇଲେ ଏହି ଖେଳାଳି; ତଥାପି ଜିତିଲେ ସ୍ବର୍ଣ୍ଣ

ଟୋକିଓ,୨୭।୭: ଅଲିମ୍ପିକ ଗେମ୍ସରେ ପ୍ରତ୍ୟେକ ଆଥଲେଟ ନିଜର ଶତପ୍ରତିଶତ ଦେବାକୁ ଚାହଁାନ୍ତି। ନିଜ ଦେଶ ପାଇଁ ସ୍ବର୍ଣ୍ଣ ଜିତିବାକୁ ପ୍ରତ୍ୟେକ ଖେଳାଳି ସ୍ବପ୍ନ ଦେଖନ୍ତି। କିନ୍ତୁ...

Advertisement
Ten Cric Info


Archives

Model This Week