ନୂଆଦିଲ୍ଲୀ: ଦିପାବଳୀ ପର୍ଯ୍ୟନ୍ତ ସ୍ମାର୍ଟଫୋନ ବିକ୍ରି ଉନ୍ନତ ସ୍ଥିତିରେ ରହିଥିଲା। ମାତ୍ର ଏହା ପରଠାରୁ ବିକ୍ରିରେ ଦ୍ରୁତ ହ୍ରାସ ଦେଖାଯାଇଛି। ବିଶେଷଜ୍ଞ ଏବଂ ରିଟେଲରଙ୍କ ସୂଚନା ଅନୁଯାୟୀ ନଭେମ୍ବର ମାସରେ ସ୍ମାର୍ଟଫୋନ ବିକ୍ରି ୨୦ରୁ ୨୫% ହ୍ରାସ ଦେଖାଯାଇଛି। ଏକ ଜାତୀୟ ସ୍ମାର୍ଟଫୋନ ରିଟେଲ ଆସୋସିଏଶନ ମୁତାବକ, ଚଳିତ ବର୍ଷ ଦିପାବଳୀରେ କାରବାର ଆଶାନୁରୂପ ହୋଇନାହିଁ। ଦିଓ୍ବାଲୀରେ ଗତ ବର୍ଷ ତୁଳନାରେ ବିକ୍ରି ପ୍ରାୟ ୫୦% ଖସିଛି। କାଉଣ୍ଟର ପଏଣ୍ଟ ଟେକ୍ନୋଲୋଜି ମାର୍କେଟ ରିସର୍ଚ୍ଚ ରିପୋର୍ଟ ଅନୁସାରେ ଡିସେମ୍ବର ମାସରେ ମଧ୍ୟ ବିକ୍ରି ହ୍ରାସ ପାଇବ। ରିଟେଲରଙ୍କୁ ଦିଓ୍ବାଲିରେ କ୍ଷତି ସହିବାକୁ ପଡିଛି ବୋଲି ଏହି ରିପୋର୍ଟରେ କୁହାଯାଇଛି।
