କ୍ୱିଭ୍,୧୧ା୩: ରୁଷିଆର ୟୁକ୍ରେନ୍ ଆକ୍ରମଣରେ ନିରୀହ ନାଗରିକଙ୍କ ମୃତ୍ୟୁସଂଖ୍ୟା ବଢ଼ିଚାଲିଛି। ରୁଷୀୟ ସୈନ୍ୟଙ୍କ ଗୁଳିଗୋଳା ଓ ମିଶାଇଲ ମାଡ଼ରେ ଅଦ୍ୟାବଧି ୫୪୯ ୟୁକ୍ରେନୀୟ ନିହତ ଓ ୯୫୭ ଆହତ ହୋଇଥିବାବେଳେ ସାଧାରଣ ଜନତାଙ୍କୁ ଯନ୍ତ୍ରଣା ଭୋଗିବାକୁ ପଡ଼ୁଛି ବୋଲି ଜାତିସଂଘ ମାନବାଧିକାର କାର୍ଯ୍ୟାଳୟ ପକ୍ଷରୁ କୁହାଯାଇଛି। ଇତିମଧ୍ୟରେ ୟୁକ୍ରେନ୍ର ହସ୍ପିଟାଲ, ସ୍ବାସ୍ଥ୍ୟକର୍ମୀ ଓ ଆମ୍ବୁଲାନ୍ସ ଉପରେ ରୁଷିଆ ୨୯ ଥର ଆକ୍ରମଣ କରିଥିବା ଶୁକ୍ରବାର ବିଶ୍ୱ ସ୍ବାସ୍ଥ୍ୟ ସଙ୍ଗଠନ କହିଛି। ମାରିଉପୋଲ ମାଟର୍ନିର୍ଟି ହସ୍ପିଟାଲକୁ ରୁଷୀୟ ସୈନ୍ୟ ବୁଧବାର ଟାର୍ଗେଟ କରିଥିଲେ। ଏହି ଆକ୍ରମଣରେ ୧୨ ମୃତ ଓ ୩୪ ଆହତ ହୋଇଥିଲେ ବୋଲି ଡବ୍ଲ୍ୟୁଏଚ୍ଓ ମୁଖପାତ୍ର ଡ. ମାର୍ଗାରେଟ ହାରିସ୍ ସୂଚନା ଦେଇଛନ୍ତି।
