Posted inଜାତୀୟ

ମୃତ୍ୟୁ କ୍ଷେତ୍ର ପାଲଟିଛି ଏଲ୍‌ଓସି

ପୁଣେ, ୩୧।୮: ଭାରତ ଓ ପାକିସ୍ତାନ ମଧ୍ୟରେ ଥିବା ନିୟନ୍ତ୍ରଣ ରେଖା (ଏଲ୍‌ଓସି) ଏବଂ ଅନ୍ତର୍ଜାତୀୟ ସୀମା ଯବାନ ଏବଂ ସାଧାରଣ ନାଗରିକଙ୍କ ମୃତ୍ୟୁ କ୍ଷେତ୍ରରେ ପରିଣତ ହୋଇଛି। ଭାଜପା ନେତୃତ୍ୱାଧୀନ ଏନ୍‌ଡିଏ ସରକାର ସମୟରେ ସୀମାପାର ଗୁଳିମାଡ଼ରେ ଉଭୟ ପକ୍ଷରୁ ଅଧିକ ଜୀବନ ଯାଇଛି। ତଥ୍ୟ ଜାଣିବା ଅଧିକାର (ଆର୍‌ଟିଆଇ) ଆବେଦନ ବଳରେ ଏହି ସୂଚନା ହସ୍ତଗତ ହୋଇଛି। ପୁଣେର ସୂଚନା ଅଧିକାର କର୍ମୀ ପ୍ରଫୁଲ୍ଲ ସାରଦାଙ୍କ ପକ୍ଷରୁ ଏଲ୍‌ଓସିରେ ସୀମାପାର ଗୁଳିବିନିମୟ ଓ ମୃତାହତ ସଂଖ୍ୟା ସମ୍ପର୍କରେ ଉତ୍ତର ମଗାଯାଇଥିଲା। ମିଳିଥିବା ତଥ୍ୟ ଅନୁଯାୟୀ ୨୦୧୦ରୁ ୨୦୨୧ ଫେବୃୟାରୀ ମଧ୍ୟରେ ଭାରତ-ପାକ୍‌ ସୀମାରେ ୧୪,୪୧୧ ଥର ସୀମାପାର ଗୁଳିବିନିମୟ ଘଟି ୨୬୭ ଜଣଙ୍କ ଜୀବନ ଯାଇଛି।
ଆର୍‌ଟିଆଇ ରିପୋର୍ଟ ଅନୁଯାୟୀ ୨୦୧୦ରୁ ୨୦୧୪ କଂଗ୍ରେସ ନେତୃତ୍ୱାଧୀନ ଉପା ସରକାର ବେଳେ ମାତ୍ର ୧,୧୭୮ ଥର ସୀମାପାର ଗୁଳି ବିନିମୟ ହୋଇଥିଲା। ଅନ୍ୟପକ୍ଷରେ ୨୦୧୫ରୁ ୨୦୨୧ ଫେବୃୟାରୀ ଏନ୍‌ଡିଏ ସରକାର ସମୟରେ ୧୩,୨୩୫ ଥର ସୀମାପାର ଗୁଳିକାଣ୍ଡ ଘଟିଛି। ସ୍ବରାଷ୍ଟ୍ର ମନ୍ତ୍ରଣାଳୟର ସିପିଆଇଓ ତଥା ନିର୍ଦ୍ଦେଶକ (ଏସ୍‌-ଜେକେ) ଦେଇଥିବା ଉତ୍ତର ଅନୁଯାୟୀ ୨୦୧୦ରୁ ୨୦୧୪ ମଧ୍ୟରେ ସୀମାରେ ୨୦ ସୈନ୍ୟଙ୍କ ମୃତ୍ୟୁ ହୋଇଥିବାବେଳେ ୨୦୧୫ରୁ ୨୦୨୧ ଫେବୃୟାରୀ ମଧ୍ୟରେ ଯାଇଛି ୧୧୫ ଯବାନଙ୍କ ଜୀବନ। ଅର୍ଥାତ୍‌ ୭ ବର୍ଷରେ ସୈନ୍ୟ ମୃତ୍ୟୁସଂଖ୍ୟା ୬ ଗୁଣ ବଢ଼ିଛି। ଏହି ସମୟ ମଧ୍ୟରେ ମୋଟ ୧୨୯ ଜଣ ନିରୀହ ଲୋକ ସୀମାପାର ଗୁଳିରେ ଜୀବନ ଦେଇଛନ୍ତି। ସେଥିରୁ ଉପା ସରକାର ସମୟରେ (୨୦୧୦-୨୦୧୪) ୧୮ ଜଣଙ୍କ ମୃତ୍ୟୁ ଘଟିଥିବାବେଳେ ପରବର୍ତ୍ତୀ ୭ ବର୍ଷରେ ୧୧ ଜଣଙ୍କ ଜୀବନ ଯାଇଛି।
ସେହିପରି ଆହତଙ୍କ ସଂଖ୍ୟା ମଧ୍ୟ ଏନ୍‌ଡିଏ ସରକାରଙ୍କ ସମୟରେ ବହୁତ ବେଶି। ଗତ ୧୧ ବର୍ଷ ମଧ୍ୟରେ ସୀମାରେ ୬୬୪ ଯବାନ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୨୦୧୦ରୁ ୨୦୧୪ ମଧ୍ୟରେ ୯୭ ଏବଂ ୨୦୧୫ରୁ ୨୦୨୧ ଫେବୃୟାରୀ ମଧ୍ୟରେ ୫୬୭ ଜଣ ଆହତ ହୋଇଥିବା ଜଣାପଡ଼ିଛି। ୨୦୧୦ରୁ ୨୦୧୪ ମଧ୍ୟରେ ୧୩୨ ସାଧାରଣ ନାଗରିକ ସୀମାପାର ଗୁଳିମାଡ଼ରେ ଆହତ ହୋଇଥିବାବେଳେ ପରବର୍ତ୍ତୀ ୭ ବର୍ଷ ଏନ୍‌ଡିଏ ସରକାର ସମୟରେ ୫୭୬ ଜଣ ଆହତ ହୋଇଛନ୍ତି।
ଆର୍‌ଟିଆଇ ସୂଚନା ଅନୁଯାୟୀ ଉପା ସରକାର ସମୟରେ ସୀମା ଅପେକ୍ଷାକୃତ ସୁରକ୍ଷିତ ଥିଲା। ସେହି ସମୟରେ ମୋଟ ୩୮ ଜଣଙ୍କ ମୃତ୍ୟୁ ହେବା ସହ ୨୨୯ ଜଣ ଆହତ ହୋଇଥିଲେ। ଅନ୍ୟପକ୍ଷରେ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ଏନ୍‌ଡିଏ ସରକାରଙ୍କ ୭ ବର୍ଷ ମଧ୍ୟରେ ସୀମାପାର ଗୁଳିରେ ୨୨୦ ଜଣ ଯବାନ ଓ ସାଧାରଣ ନାଗରିକଙ୍କ ଜୀବନ ଯାଇଥିବାବେଳେ ୧,୧୪୩ ଜଣ ଆହତ ହୋଇଛନ୍ତି। ୨୦୧୫ରୁ ଭାରତ-ପାକ୍‌ ସୀମା ଉତ୍ତେଜନାପୂର୍ଣ୍ଣ ରହିଥିଲା। ୨୦୧୫ରେ ୪୦୫ ଥର ଗୁଳି ବିନିମୟ ହୋଇଥିବାବେଳେ ୨୦୧୬ରେ ୪୪୯ ଥର, ୨୦୧୭ରେ ୯୭୧ ଥର, ୨୦୧୮ରେ ୨,୧୪୦ ଥର, ୨୦୧୯ରେ ୩,୪୭୯ ଥର ଏବଂ ୨୦୨୦ରେ ୫,୧୩୩ ଥର ଉତ୍ତେଜନା ସୃଷ୍ଟି ହୋଇଥିଲା। ୨୦୨୧ର ପ୍ରଥମ ଦୁଇ ମାସରେ ୬୫୮ ଥର ଗୁଳି ବିନିମୟ ହୋଇଛି। ଏଥିରେ ୪ ଯବାନ ନିହତ ହେବା ସହ ୬ ଯବାନ ଓ ୨ ସାଧାରଣ ଲୋକ ଆହତ ହୋଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଦୀପାବଳୀ ସୁଦ୍ଧା କମିଯିବ କରୋନା ସଂକ୍ରମଣ: ସ୍ବାସ୍ଥ୍ୟମନ୍ତ୍ରୀ

ନୂଆଦିଲ୍ଲୀ,୩୧।୮: କରୋନା ଭାଇରସ ସଂକ୍ରମଣ ଏବେ ବେଳକୁ ବେଳ ବଢି ଚାଲିଛି। ସଂକ୍ରମିତଙ୍କ ତୁଳନାରେ ସୁସ୍ଥତାହାର ମଧ୍ୟ ବଢିଛି। ହେଲେ ବର୍ଦ୍ଧିତ ସଂକ୍ରମଣକୁ ଦେଖି ଲୋକେ...

୧୦୦୦ରୁ ଅଧିକ ବିଦେଶୀ ଉତ୍ପାଦ ପାରାମିଲିଟାରୀ କ୍ୟାଣ୍ଟିନ ତାଲିକାରୁ ହଟିଲା

ନୂଆଦିଲ୍ଲୀ,୧।୬: କରୋନା ସଂକ୍ରମଣ ଯୋଗୁ ଦେଶର ଆର୍ଥିକ ସ୍ଥିତିରେ ସୁଧାର ପାଇଁ ପ୍ରଧାନମନ୍ତ୍ରୀ ସ୍ବଦେଶୀ ଉତ୍ପାଦ ବ୍ୟବହାରକୁ ଗୁରୁତ୍ୱ ଦେଇଥିଲେ। ଏହା ଅନ୍ତର୍ଗତ ଦେଶରେ ଥିବା...

ସ୍ମାର୍ଟ ଫୋନ୍‌ କିଣିଲେ ମାଗଣାରେ ମିଳିବ ପିଆଜ

ପାଟୁକୋଟାଇ,୮।୧୨: ଦେଶରେ ପିଆଜର ଦରବୃଦ୍ଧି ଏବେ ସମସ୍ତଙ୍କୁ ଚିନ୍ତାରେ ପକାଇଛି। ଏତିକିବେଳେ ତାମିଲନାଡୁ ପାଟୁକୋଟାଇର ଥାଲାୟାରି ଷ୍ଟ୍ରିଟ୍‌ରେ ଥିବା ଜଣେ ମୋବାଇଲ ଦୋକାନୀ ଫୋନ୍‌ ବିକ୍ରି...

ବିଏସ୍‌ଏଫ୍‌ କ୍ଷମତା ବୃଦ୍ଧି ବିରୋଧରେ ପଶ୍ଚିମବଙ୍ଗ ବିଧାନସଭାରେ ପ୍ରସ୍ତାବ ଆଗତ…

କୋଲକାତା,୧୬।୧୧: ପଞ୍ଜାବ ପରେ ପଶ୍ଚିମବଙ୍ଗ ମଧ୍ୟ କେନ୍ଦ୍ରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ବିଏସଏଫର ପରିସର ବୃଦ୍ଧି ନିଷ୍ପତ୍ତିକୁ ନେଇ ଅସନ୍ତୋଷ ପ୍ରକାଶ କରିଛି। ପଶ୍ଚିମବଙ୍ଗରେ...

ବଢୁଛି ସଂକ୍ରମଣ, କମୁଛି ସୁସ୍ଥତା ହାର …

ନୂଆଦିଲ୍ଲୀ, ୧୭।୧ : ଦେଶରେ କରୋନା ମହାମାରୀ ସଙ୍କଟ ଯୋଗୁ ଆତଙ୍କ ଦେଖାଦେଇଛି। ଦୈନିକ ସଂକ୍ରମଣ ପୁଣି ବୃଦ୍ଧି ପାଇବାରେ ଲାଗିଛି। ଫଳରେ ସ୍ଥିତି ଅଣାୟତ୍ତ...

ବାପାଙ୍କ ଆସନରୁ କ୍ୟାରିୟର ଆରମ୍ଭ କରିବେ ପୁଅ

ପଣଜୀ,୧।୧୧: ଗୋଆର ପୂର୍ବତନ ମୁଖ୍ୟମନ୍ତ୍ରୀ ତଥା ପ୍ରାକ୍ତନ ପ୍ରତିରକ୍ଷାମନ୍ତ୍ରୀ ସ୍ବର୍ଗତ ମନୋହର ପାରିକରଙ୍କ ପୁଅ ଉତ୍ପଳ ପାରିକର ପଣଜୀ ଆସନରୁ ବିଧାନସଭା ନିର୍ବାଚନ ଲଢ଼ିବା ପାଇଁ...

ଆସାମ ରାଜ୍ୟପାଳ କରୋନା ପଜିଟିଭ୍‌

ଗୌହାଟୀ,୧୩।୧: ଦେଶରେ କରୋନା ସଂକ୍ରମଣ ବଢିଚାଲିଛି। ଅନେକ ନେତା, ଅଭିନେତା ମଧ୍ୟ ସଂକ୍ରମଣ ହୋଉଛନ୍ତି। ଆସାମ ରାଜ୍ୟପାଳ ଜଗଦୀଶ ମୁଖୀ କରୋନା ପଜିଟିଭ୍‌ ହୋଇଛନ୍ତି। ରାଜ୍ୟପାଳ...

ଖୁସି ଖବର: ୫୦ ଟଙ୍କାରେ ମିଳିବ କରୋନା ଔଷଧ !

ନୂଆଦିଲ୍ଲୀ,୬।୮: ଦେଶର ଔଷଧ ନିର୍ମାଣକାରୀ କମ୍ପାନୀ ଲୁପିନ(Lupin) ବୁଧବାର କମ୍‌ ଓ ମଧ୍ୟମ ଲକ୍ଷଣ ଥିବା କରୋନା ଭାଇରସ ସଂକ୍ରମିତଙ୍କ ଚିକିତ୍ସା ପାଇଁ ଆଣ୍ଟିଭାଇରାଲ ଔଷଧ...

Advertisement
Archives

Model This Week