କେନ୍ଦୁଝର,୨୪ା୧୨(ସ୍ବ.ପ୍ର.): କେନ୍ଦୁଝର ଟାଉନ ଥାନା ଅନ୍ତର୍ଗତ ବଡ଼ଶାସନଠାରେ ଥିବା ବାଲୁଙ୍କେଶ ମହେଶ ମନ୍ଦିରରେ କାମ କରୁଥିବା ଜଣେ କର୍ମଚାରୀଙ୍କ ଝୁଲନ୍ତା ମୃତଦେହ ପୋଲିସ ଶନିବାର ଜବତ କରିଛି। ତାଙ୍କ ନାମ ଗୋପାଳ ନାୟକ(୫୫)। ତାଙ୍କ ଘର ବୀରବରପୁର ପାଟଣା ସାହିରେ ବୋଲି ଜଣାପଡ଼ିଛି। ଏହା ହତ୍ୟା କି ଆତ୍ମହତ୍ୟା ବୋଲି ଜଣାପଡୁ ନ ଥିଲେ ହେଁ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇ ତଦନ୍ତ କରୁଛି।
ପୋଲିସ କହିବା ଅନୁଯାୟୀ, ଗୋପାଳ ଶୁକ୍ରବାର ମନ୍ଦିରର ଚାବିକାଠି ହଜାଇ ଖୋଜାଖୋଜି କରୁଥିଲେ। ଆଜି ସକାଳେ ସେ ଘରୁ ଚା’ ପିଇ ବାହାରିଥିଲେ। ତେବେ ପରେ ତାଙ୍କର ଝୁଲନ୍ତା ମୃତଦେହ ମନ୍ଦିର ନିକଟ ପଡ଼ିଆ ଏକ ଶୁଖିଲା କାଠରୁ ଉଦ୍ଧାର କରାଯାଇଥିଲା। ତେବେ ପାରିପାର୍ଶ୍ୱିକ ସ୍ଥିତିକୁ ଦେଖି ପରିବାର ଏବଂ ଗାଁ ଲୋକେ ଏହାକୁ ହତ୍ୟା ଅଭିଯୋଗ କରି ତଦନ୍ତ ଦାବି କରିଛନ୍ତି। ମୃତ୍ୟୁ ପରେ ପରିବାର ଲୋକ ମନ୍ଦିର ସମ୍ମୁଖରେ ଏକତ୍ରିତ ହୋଇ ପ୍ରତିବାଦ ଜଣାଇ କ୍ଷତିପୂରଣ ଦେବା ସହ ନିରପେକ୍ଷ ତଦନ୍ତ ଦାବି କରିଛନ୍ତି।
