ଗାଙ୍ଗଟକ,୧୭ା୭: ସିକ୍କିମର ଜଣେ ପୂର୍ବତନ ମନ୍ତ୍ରୀଙ୍କ ମୃତଦେହ ଜବତ କରାଯାଇଛି । ପଶ୍ଚିମବଙ୍ଗର ସିଲିଗୁଡ଼ି ନିକଟସ୍ଥ ନହର ଅଞ୍ଚଳରୁ ପୂର୍ବତନ ମନ୍ତ୍ରୀ ଆରସି ପୌଡ୍ୟାଲଙ୍କ ଏହି ମୃତଦେହ ମିଳିଛି । ସେ ୯ ଦିନ ହେବ ନିଖୋଜ ଥିବା ଜଣାପଡ଼ିଛି । ସିକ୍କିମ ସରକାର ଆରସିଙ୍କୁ ଖୋଜିବା ପାଇଁ ଏସ୍ଆଇଟି ଗଠନ କରିଥିଲେ ।
ପୋଲିସ ଏନେଇ କହିଛି ଯେ ମଙ୍ଗଳବାର ଦିନ ସିଲିଗୁଡ଼ିର ଫୁଲବାରିସ୍ଥିତ ତିସ୍ତା କେନାଲରେ ଏହି ମୃତଦେହ ଭାସୁଥିବା ଦେଖିବାକୁ ମିଳିଥିଲା । ଏହାକୁ ଉଦ୍ଧାର କରାଯାଇ ଉପରକୁ ଅଣାଯିବା ପରେ ଏହା ୮୦ ବର୍ଷୀୟ ପୌଡ୍ୟାଲଙ୍କର ମୃତଦେହ ବୋଲି ଜଣାପଡ଼ିଥିଲା । ମୃତଦେହଟି ତିସ୍ତା ନଦୀର ଉପରମୁଣ୍ଡରୁ ଭାସି ଆସିଥିବା ଅନୁମାନ କରଯାଉଛି । ପୌଡ୍ୟାଲ ପିନ୍ଧିଯିବା କପଡ଼ା ଏବଂ ତାଙ୍କ ଘଣ୍ଟାରୁ ତାଙ୍କ ପରିଚୟ ପାଇଥିଲା ପୋଲିସ । ସେ ଜୁଲାଇ ୭ ତାରିଖରୁ ପାକୟୋଙ୍ଗ ଜିଲାର ସିଙ୍ଗତାମରେ ଥିବା ତାଙ୍କ ବାସଗୃହରୁ କେଉଁ ଆଡ଼େ ନିଖୋଜ ହୋଇଯାଇଥିଲେ । ତାଙ୍କୁ ଖୋଜିବା ପାଇଁ ସ଼୍ବତନ୍ତ୍ର ଯାଞ୍ଚ ଦଳର ଗଠନ କରାଯାଇଥିଲା । ତେବେ ପୋଲିସ ଏନେଇ କହିଛି ଯେ କେଉଁ ପରିସ୍ଥିତିର ତାଙ୍କର ମୃତ୍ୟୁ ହୋଇଛି ତାହାର ତଦନ୍ତ ଏବେ ଜାରି ରହିଛି । ସେ ସିକ୍କିମ ବିଧାନସଭାର ଉପ-ବାଚସ୍ପତି ରହିଥିବା ବେଳେ ପରେ ମନ୍ତ୍ରୀ ଭାବେ କାର୍ଯ୍ୟ କରିଥିଲେ ।
