ଅଣ୍ଡରୱାଲର୍ଡ ଡନ ଦାଉଦ୍ ଇବ୍ରାହିମ ନିଜ ନୂଆ ଗର୍ଲଫ୍ରେଣ୍ଡଙ୍କୁ ନେଇ ଚର୍ଚ୍ଚାରେ ଅଛନ୍ତି। ସେ ହେଉଛନ୍ତି ମହଭୀଶ ହାୟାତ୍, ଯିଏ କି ଜଣେ ପାକିସ୍ତାନୀ ଅଭିନେତ୍ରୀ। କିଛି ଲୋକ ତାଙ୍କୁ ଗ୍ୟାଙ୍ଗଷ୍ଟର ଗୁଡିଆ ନାମରେ ମଧ୍ୟ ଜାଣିଛନ୍ତି। ଏବେ ମହଭୀଶ ମଧ୍ୟ ପାକିସ୍ତାନର ସମସ୍ତ ନେତା ଏବଂ ଅଭିନେତାଙ୍କ ଭଳି କଶ୍ମୀର ଉପରେ ରାଗ ସୁଝାଇଛନ୍ତି। ଦାଉଦଙ୍କ ସହ ଜଡିତ ଥିବା ନେଇ ଭାରତୀୟ ଗଣମାଧ୍ୟମରେ ଚର୍ଚ୍ଚା ହେବାରୁ ମହଭୀଶ ହାୟାତ୍ ରାଗରେ ଭାରତ ଉପରେ ବର୍ଷିଛନ୍ତି। ବଲିଉଡ ଜଗତକୁ ସେ ପାଖଣ୍ଡି(କପଟୀ) ବୋଲି ହୟାତ୍ ଟୁଇଟ କରିଛନ୍ତି। ସେ ନିଜ ଟୁଇଟରରେ ଲେଖିଛନ୍ତି ଯେ, ମୁଁ କଶ୍ମୀରରେ ଭାରତର ଅତ୍ୟାଚାରକୁ ଆଲୋକିତ କରିବି। ଦ୍ୱିତୀୟ ଟୁଇଟ୍ରେ ହାୟାତ୍ ଭାରତୀୟ ଗଣମାଧ୍ୟମ ଉପରେ ନିଜର ରାଗ ସୁଝାଇ ଲେଖିଛନ୍ତି ଯେ ମୁଁ ବିବୃତ୍ତି ଜାରି କରି କିଛି ଭାରତୀୟ ଗଣମାଧ୍ୟମରେ ମୋ ସମ୍ପର୍କରେ ଲଗାଯାଇଥିବା ଭିତ୍ତିହୀନ ଅଭିଯୋଗକୁ ଶ୍ରେୟ ଦେବି ନାହିଁ। ମୁଁ ଜାଣେ ସେମାନଙ୍କର ଏଜେଣ୍ଡା କ’ଣ ଏବଂ ସେମାନେ ଏହା କାହିଁକି କରୁଛନ୍ତି। ମୁଁ ତାଙ୍କୁ କେବଳ କହିବି ଯେ ଏହି ପ୍ରକାରର ସାମ୍ବାଦିକତା ମୋ ସ୍ବରକୁ ବନ୍ଦ କରିବ ନାହିଁ। ସୂଚନାଯୋଗ୍ୟ, ମହଭୀଶ ହାୟତ୍ ପାକିସ୍ତାନର ଜଣେ ଲୋକପ୍ରିୟ ଅଭିନେତ୍ରୀ। ତାଙ୍କ ନାମ ଦାଉଦ ଇବ୍ରାହିମଙ୍କ ସହ ଯୋଡା ଯାଉଛି। ପାକିସ୍ତାନର ବଡ ନିର୍ମାତା-ନିର୍ଦ୍ଦେଶକଙ୍କ ସହ ଦାଉଦଙ୍କ ଭଲ ସମ୍ପର୍କ ରହିଛି। ସେ ଫିଲ୍ମ ପାଇଁ ମଧ୍ୟ ଫଣ୍ ଦିଅନ୍ତି।
