ନୂଆଦିଲ୍ଲୀ,୨୬।୧୧: ଗତ ଦୁଇ ଆଇପିଏଲ ସିଜନରେ ଓଡ଼ିଶାରୁ ଏକମାତ୍ର ଖେଳାଳିଭାବେ ଶୁଭ୍ରାଂଶୁ ସେନାପତି ଚେନ୍ନାଇ ସୁପର କିଙ୍ଗସ ପାଇଁ ଖେଳୁଥିଲେ। ରବିବାର ମିଡିଆ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଗାମୀ ସିଜନ ପୂର୍ବରୁ ଶୁଭ୍ରାଂଶୁଙ୍କୁ ରିଲିଜ କରିପାରେ ଧୋନିଙ୍କ ଟିମ୍। ଡିସେମ୍ବର ୧୯ ରେ ୨୦୨୪ ଆଇପିଏଲ ପାଇଁ ହେବାକୁଥିବା ନିଲାମୀ ପୂର୍ବରୁ ନଭେମ୍ବର ୨୬ ତାରିଖ ସୁଦ୍ଧା ସମସ୍ତ ଫ୍ରାଞ୍ଚାଇଜ କେଉଁ ଖେଳାଳିଙ୍କୁ ଦଳରୁ ରିଲିଜ କରିବେ ଏବଂ କାହାକୁ ରଖିବେ ସେ ନେଇ ତାଲିକା ପ୍ରକାଶ କରିବେ।
ଅନେକ ମିଡିଆ ରିପୋର୍ଟ ଅନୁଯାୟୀ, ଡିଫେଣ୍ଡିଂ ଚାମ୍ପିଅନ ପାଖରେ ୩୦ କୋଟି ସହିତ ନିଲାମରେ ପ୍ରବେଶ କରିବାକୁ ଚାହୁଁଛନ୍ତି। ଫ୍ରାଞ୍ଚାଇଜ୍ ବେନ୍ ଷ୍ଟୋକ୍ସ (୧୬.୨୫ ଟଙ୍କା) ମୁକ୍ତ କରିବାକୁ ନିଷ୍ପତ୍ତି ନେଇଛି ଯିଏ ନିଜକୁ କାର୍ଯ୍ୟଭାର ପରିଚାଳନା ପାଇଁ ଚଳିତ ବର୍ଷ ଆଇପିଏଲରେ ଅନୁପସ୍ଥିତ ରହିବେ ବୋଲି କହିଛନ୍ତି। ଗତ ବର୍ଷ ଆଇପିଏଲରୁ ଅବସର ନେଇଥିବା ଅମ୍ବାତି ରାୟୁଡୁଙ୍କ ଅନୁପସ୍ଥିତି ପରେ ଦଳ ପାଖରେ ବର୍ତମାନ ୧୬.୨୫ କୋଟି ଟଙ୍କା ରହିଛି।
ତେବେ ରିପୋର୍ଟ ଅନୁଯାୟୀ ଚେନ୍ନାଇ କିଛି ବଡ଼ ଖେଳାଳିଙ୍କୁ ଦଳରୁ ରିଲିଜ କରିବାକୁ ନିଷ୍ପତ୍ତି ନେଇଛି। ଏଥିରେ ବେନ ଷ୍ଟୋକ୍ସ, ଅମ୍ବାତି ରାୟୁଡୁ, ଭଗତ ବର୍ମା, ଶୁଭ୍ରାଂଶୁ ସେନାପତି, ଶିଷଣ୍ଢା ମଗଲା ଏବଂ କାଇଲି ଜାମିଏସନଙ୍କ ନାମ ସାମିଲ ରହିଛି।
