ନୂଆଦିଲ୍ଲୀ,୧୯।୮: ଦେଶର ସର୍ବବୃହତ କେନ୍ଦ୍ରୀୟ ସାମରିକ ବାହିନୀ ସିଆରପିଏଫର ଦୁଇ ଯବାନ ଗତ ୭୨ଘଣ୍ଟା ମଧ୍ୟରେ ଆତ୍ମହତ୍ୟା କରିଛନ୍ତି। ଏହି ଦୁଇ ଯବାନଙ୍କ ମୃତଦେହ ଫ୍ୟାନରେ ଝୁଲୁଥିବା ଅବସ୍ଥାରେ ଓ ଅନ୍ୟଜଣେ ନିଜ ରାଇଫଲରେ ନିଜକୁ ଗୁଳି ଚଳାଇଥିବାର ମାମଲା ଦେଖିବାକୁ ମିଳିଥିଲା। ଆସାମରେ ଯବାନ ଚିତ୍ତରଂଜନ ବାରୋଙ୍କ ମୃତଦେହ ସିଆରପିଏଫର ୨୦ ବାଟାଲିୟନର ମୁଖ୍ୟାଳୟ କ୍ୟାମ୍ପସରେ ଫ୍ୟାନରୁ ଝୁଲୁଥିବା ଅବସ୍ଥାରେ ମିଳିଥିଲା। ସେତେବେଳେ ତାଙ୍କର ହାତ ଓ ପାଦ ବନ୍ଧା ହୋଇଥିଲା। ତେବେ ଉଭୟ ମାମଲାର ତଦନ୍ତ ଚାଲିଛି।
ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ସିଆରପିଏଫରେ, ଗତ ପାଞ୍ଚ ବର୍ଷ ମଧ୍ୟରେ ୨୩୦ ଯବାନ ଆତ୍ମହତ୍ୟା କରିଛନ୍ତି। ସେହିପରି କେନ୍ଦ୍ରୀୟ ପାରାମିଲିଟାରୀ ଫୋର୍ସରେ ଗତ ପାଞ୍ଚ ବର୍ଷ ଭିତରେ ୬୫୪ ଜଣ ଯବାନ ଆତ୍ମହତ୍ୟା କରିଛନ୍ତି।
