Posted inଜାତୀୟ

ଆନ୍ଦୋଳନରେ ଫାଟ

ନୂଆଦିଲ୍ଲୀ,୨୮।୧: କେନ୍ଦ୍ର ସରକାରଙ୍କ ୩ ବିବାଦୀୟ ଆଇନ ପ୍ରତ୍ୟାହାର ଦାବିରେ ଦୁଇମାସରୁ ଊର୍ଦ୍ଧ୍ୱ ସମୟ ଧରି ଚାଲିଥିବା କୃଷକ ଆନ୍ଦୋଳନରେ ଏବେ ଫାଟ ସୃଷ୍ଟି ହୋଇଛି। ସାଧାରଣତନ୍ତ୍ର ଦିବସରେ କୃଷକ ସଙ୍ଗଠନଗୁଡ଼ିକ ପକ୍ଷରୁ ଦିଲ୍ଲୀ ସୀମାରୁ ଜାତୀୟ ରାଜଧାନୀର ରାଜପଥକୁ ଯାଇଥିବା ଟ୍ରାକ୍ଟର ରାଲି ବେଳେ ବ୍ୟାପକ ହିଂସା ଓ ଭଙ୍ଗାରୁଜା ଯୋଗୁ ଏହି ଆନ୍ଦୋଳନ ସମର୍ଥନ ହରାଇଛି। ଦିଲ୍ଲୀ ପୋଲିସର ଅନୁମତିକ୍ରମେ ନିର୍ଦ୍ଧାରିତ ରୁଟ୍‌ରେ ଶାନ୍ତିପୂର୍ଣ୍ଣ ଉପାୟରେ ଟ୍ରାକ୍ଟର ପରେଡ୍‌ କରିବା ପାଇଁ ଯୋଜନା ହୋଇଥିବାବେଳେ କେତେକ ଅସାମଜିକ ତତ୍ତ୍ୱଙ୍କ ଅଭାବନୀୟ କାଣ୍ଡ ଉକ୍ତ ଅଭିଯାନକୁ ବାଟବଣା କରିଦେଇଛି। ଏଥିଯୋଗୁ ବୁଧବାର ୨ଟି ପ୍ରମୁଖ କୃଷକ ସଙ୍ଗଠନ ଏଥିରୁ ଓହରିଯିବା ପାଇଁ ନିଷ୍ପତ୍ତି ନେଇଛନ୍ତି। ଫଳରେ କୃଷକ ଆନ୍ଦୋଳନର ଭବିଷ୍ୟତ କାର୍ଯ୍ୟପନ୍ଥା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ସାଧାରଣତନ୍ତ୍ର ଦିବସରେ ହିଂସାତ୍ମକ ଟ୍ରାକ୍ଟର ଶୋଭାଯାତ୍ରା କରାଯିବା ଦିନକ ପରେ କୃଷକ ସଙ୍ଗଠନଗୁଡ଼ିକ ମଧ୍ୟରେ ଫାଟ ପଦାକୁ ଆସିଛି। ଦିଲ୍ଲୀରେ ଭଙ୍ଗାରୁଜା, ହିଂସା, ପୋଲିସକୁ ଆକ୍ରମଣ ଓ ଲାଲକିଲ୍ଲାରେ ପତାକା ଉଡ଼ାଇବା ଭଳି ନିନ୍ଦନୀୟ ତଥା କୁକାର୍ଯ୍ୟ ଆଦୌ ଗ୍ରହଣୀୟ ନୁହେଁ ବୋଲି ଦର୍ଶାଇ ୨ଟି ଚାଷୀ ସଂଗଠନ କୃଷି ଆଇନ ବିରୋଧୀ ଆନ୍ଦୋଳନରୁ ଓହରିଯାଇଛନ୍ତି। ଯେଉଁମାନଙ୍କ ନିର୍ଦ୍ଦେଶ ଭିନ୍ନ ସେମାନଙ୍କ ସହ ଆନ୍ଦୋଳନରେ ଆଗକୁ ବଢ଼ିପାରିବୁ ନାହିଁ ବୋଲି କିଷାନ ସଂଘର୍ଷ କମିଟିର ଭି.ଏମ୍‌. ସିଂ କହିଛନ୍ତି। ସେହିପରି ଭାରତୀୟ କିଷାନ ସଂଘର ଏକ ଗୋଷ୍ଠୀ ମଧ୍ୟ ଆନ୍ଦୋଳନଠାରୁ ଦୂରେଇ ଯାଇଛି। ଚାଷୀମାନଙ୍କ ଶାନ୍ତିପୂର୍ଣ୍ଣ ଆନ୍ଦୋଳନକୁ ଭଣ୍ଡୁର କରିବା ପାଇଁ ଷଡ଼ଯନ୍ତ୍ର ହୋଇଥିବା କୃଷକ ସଂଗଠନଗୁଡ଼ିକ ଅଭିଯୋଗ କରିଛନ୍ତି। ମଙ୍ଗଳବାର ଦିଲ୍ଲୀରେ ଯାହା ଘଟିଲା ସେଥିପାଇଁ ଗଭୀର ମର୍ମାହତ ବୋଲି ଭାରତୀୟ କିଷାନ ସଂଘ (ଭାନୁ)ର ଅଧ୍ୟକ୍ଷ ଠାକୁର ଭାନୁପ୍ରତାପ ସିଂ କହିଛନ୍ତି। ଷଡ଼ଯନ୍ତ୍ର ଆଶଙ୍କା କରି ସାମ୍ମୁଖ୍ୟ କିଷାନ ମୋର୍ଚ୍ଚା ମଙ୍ଗଳବାର ହିଂସାଠାରୁ ନିଜକୁ ଦୂରେଇ ରଖିଥିଲା। ଲାଲ୍‌କିଲ୍ଲାରେ ଯେଉଁମାନେ ଜାତୀୟ ପତାକାକୁ ଅପମାନିତ କଲେ ସେମାନେ ସର୍ଦ୍ଦାର ନୁହନ୍ତି, ଗଦ୍ଦାର ବୋଲି ଜଣେ କୃଷକ ନେତା କହିଛନ୍ତି। ପଞ୍ଜାବୀ ଅଭିନେତା ଦୀପୁ ସିଦ୍ଧୁ ସଂଘର୍ଷ ପାଇଁ ଲୋକଙ୍କୁ ମତାଇବା ସହ ଲାଲ୍‌କିଲ୍ଲାରେ ଶିଖ୍‌ ଧର୍ମୀୟ ପତାକା ଲଗାଇଥିବା କେତେଜଣ କୃଷକ ନେତା ଅଭିଯୋଗ କରିଛନ୍ତି। ଦୀପୁ ସିଦ୍ଧୁ ଜଣେ ସରକାରୀ ଲୋକ। ସେମାନେ କିପରି ଲାଲ୍‌କିଲ୍ଲାରେ ପହଞ୍ଚତ୍ଲେ? ପୋଲିସ ସେମାନଙ୍କୁ କାହିଁକି ଅନୁମତି ଦେଲା ବୋଲି ଜଣେ ଚାଷୀ ନେତା ପ୍ରଶ୍ନ କରିଛନ୍ତି। ଏହା ପୂର୍ବରୁ ରାକେଶ ଟିକାଏତ୍‌ ଏବଂ ଏସ୍‌. ଏସ୍‌. ପାନ୍ଧେରଙ୍କ ଭଳି ବରିଷ୍ଠ କୃଷକ ନେତାମାନେ ମଧ୍ୟ ଦୀପ ସିଦ୍ଧୁଙ୍କୁ ଭାଜପା କର୍ମୀ ଭାବେ ଅଭିହିତ କରି ଦିଲ୍ଲୀ ହିଂସା ପାଇଁ ଦାୟୀ କରିଥିଲେ। ପାନ୍ଧେରଙ୍କ ମତରେ ପୋଲିସର ନିର୍ଦ୍ଧାରିତ ମାର୍ଗରେ ଟ୍ରାକ୍ଟର ରାଲି କରିବାକୁ ଯୋଜନା ହୋଇଥିଲା। ଲାଲକିଲ୍ଲାକୁ ଯିବା ସେମାନଙ୍କ କାର୍ଯ୍ୟସୂଚୀରେ ନ ଥିଲା। କିନ୍ତୁ କେତେଜଣ ଦୁର୍ବୃତ୍ତ ଲାଲକିଲ୍ଲାକୁ ମାଡ଼ିଯାଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଦୀପ ସିଦ୍ଧୁଙ୍କ ଫଟୋ ଭାଇରାଲ ହେବାରେ ଲାଗିଛି। ଏହି ବ୍ୟକ୍ତିଙ୍କ ଉପରେ ଆମର ପୂର୍ବରୁ ସନ୍ଦେହ ଥିଲା ବୋଲି କିଷାନ ମଜଦୁର ସଂଘର୍ଷ କମିଟିର ପାନ୍ଧେର ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

‘ସେ କିଏ, କାହିଁକି ମୋ ଦେଶର ସମସ୍ୟାରେ ମୁଣ୍ଡ ଖେଳାଉଛନ୍ତି’

ବାଙ୍ଗାଲୁରୁ,୬।୪: ‘ଆମେ ତାଙ୍କୁ ଜାଣିନୁ ସେ କିଏ ଏବଂ କାହିଁକି ସେ ଆମ ଦେଶର ସମସ୍ୟାରେ ମୁଣ୍ଡ ଖେଳାଉଛନ୍ତି’। କର୍ନାଟକ ହିଜାବ ପ୍ରସଙ୍ଗରେ ଅଲ କାଏଦା...

ବୁରାଡ଼ି ହିଂସା: ୨୪ ଆନ୍ଦୋଳନକାରୀଙ୍କ ଫଟୋ ଜାରି

ନୂଆଦିଲ୍ଲୀ, ୭।୨: ଜାନୁୟାରୀ ୨୬ରେ କୃଷି ଆଇନକୁ ବିରୋଧ କରି ଚାଷୀ ସଂଗଠନଗୁଡ଼ିକ ପକ୍ଷରୁ ଟ୍ରାକ୍ଟର ରାଲି ଅନୁଷ୍ଠିତ ହୋଇଥିଲା। ଏହି ସମୟରେ ବୁରାଡ଼ିରେ ଘଟିଥିବା...

ରାଜଧାନୀରେ କଣ୍ଟେନମେଣ୍ଟ ଜୋନ୍‌ ସଂଖ୍ୟା ୯୦ରେ ପହଞ୍ଚିଲା

ନୂଆଦିଲ୍ଲୀ,୨୫।୫: ରାଜଧାନୀ ଦିଲ୍ଲୀରେ ବେଳକୁ ବେଳ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଏଠାରେ ଏବେ କଣ୍ଟେନମେଣ୍ଟ ଜାନ୍‌ ସଂଖ୍ୟା ମଧ୍ୟ ବୃଦ୍ଧି ପାଇଛି।...

କରୋନା ମଧ୍ୟରେ ବ୍ଲାକ୍‌ ଫଙ୍ଗସ୍‌ ଆତଙ୍କ: ରାଜସ୍ଥାନରେ ଚିହ୍ନଟ ହେଲେ ୭ଶହରୁ ଊର୍ଦ୍ଧ୍ୱ ଆକ୍ରାନ୍ତ

ଜୟପୁର,୨୦।୫: କରୋନା ସଙ୍କଟ ମଧ୍ୟରେ ବ୍ଲାକ୍‌ ଫଙ୍ଗସ୍‌ ସଂକ୍ରମଣ ଏବେ ଚିନ୍ତା ବଢ଼ାଇଦେଇଛି। ଦେଶର ଅନେକ ରାଜ୍ୟରେ ଏହି ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି।...

କଂଗ୍ରେସ ପ୍ରଚାରକଙ୍କ ସାଇକେଲ ମରାମତି ପାଇଁ ଗାଡ଼ିରୁ ଓହ୍ଲାଇଲେ ପ୍ରିୟଙ୍କା

ଅମେଠି,୨୪।୪: ଉତ୍ତରପ୍ରଦେଶ ଅମେଠିରେ କଂଗ୍ରେସ ରାଷ୍ଟ୍ରୀୟ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ନିର୍ବାଚନ ପ୍ରଚାର ଜାରି ରଖିଛନ୍ତି। ସେ ରାସ୍ତାରେ ଯାଉଥିବାବେଳେ ସ୍ଥାନୀୟ ଗୌରୀଗଞ୍ଜ ଅଞ୍ଚଳରେ...

ଦିଲ୍ଲୀ ଜାତୀୟ ରାଜଧାନୀ ହୋଇଥିବାରୁ ନିୟନ୍ତ୍ରଣ ଆବଶ୍ୟକ: କେନ୍ଦ୍ର

ନୂଆଦିଲ୍ଲୀ,୨୮ା୪: ଦିଲ୍ଲୀର ନିର୍ବାଚିତ ସରକାରଙ୍କ ନିଷ୍ପତ୍ତିଗୁଡ଼ିକୁ କାର୍ଯ୍ୟକାରୀ କରାଇବାକୁ ନ ଦେବା ପାଇଁ ଉପରାଜ୍ୟପାଳ (ଏଲ୍‌ଜି)ଙ୍କୁ କେନ୍ଦ୍ର ବ୍ୟବହାର କରୁଥିବା ଅଭିଯୋଗ ଆଣି ଆମ୍‌ ଆଦ୍‌ମୀ...

ସୀମାରେ ସୁରକ୍ଷା-ସ୍ଥିରତା ପାଇଁ ଭାରତ-ଚାଇନା ସହମତି…

ଲଦାଖ, ୧୨।୩ : ପୂର୍ବ ଲଦାଖରେ ଭାରତ ଏବଂ ଚାଇନା ମଧ୍ୟରେ ଚାଲିଥିବା ବିବାଦର ସମାଧାନ ପାଇଁ ମାର୍ଚ୍ଚ ୧୧ରେ ଦୁଇ ଦେଶର ମଧ୍ୟରେ ହୋଇଥିବା...

ଦ୍ୱାଦଶ ପରୀକ୍ଷାରେ ଅଖିଳେଶଙ୍କ ଝିଅ ରଖିଲେ ୯୮%

ନୂଆଦିଲ୍ଲୀ,୧୧।୭: ସମାଜବାଦୀ ପାର୍ଟୀ ଅଧ୍ୟକ୍ଷ ଅଖିଳେଶ ଯାଦବଙ୍କ ଝିଅ ଅଦିତି ଆଇଏସ୍‌ସି ବୋର୍ଡର ଦ୍ୱାଦଶ ପରୀକ୍ଷାରେ ୯୮ ପ୍ରତିଶତ ମାର୍କ ରଖି ପାସ୍‌ କରିଛନ୍ତି। ଏନେଇ...

Advertisement
Archives

Model This Week