ମହାକାଳପଡ଼ା,୧୪ ।୮(ଡି.ଏନ୍.ଏ.): ଲଘୁଚାପଜନିତ ଲଗାଣ ବର୍ଷା ଲାଗିରହିଛି ା ଏଥିସହିତ ହୀରାକୁଦ ଉପର ମୁଣ୍ଡରେ ବର୍ଷା ଯୋଗୁ ବନ୍ୟା ପରିସ୍ଥିତି ସୃଷ୍ଟି ହୋଇଛି ା ରାତି ୭ଟା ସୁଦ୍ଧା ୩୪ ଗେଟ୍ ଦେଇ ହୀରାକୁଦ୍ ଡ୍ୟାମ୍ରୁ ଜଳ ନିଷ୍କାସନ କରାଯାଉଥିବାରୁ ମହାନଦୀରେ ବନ୍ୟାଜଳ ବୃଦ୍ଧି ପାଇବାରେ ଲାଗିଛି ା ଅପରପକ୍ଷେ ଗତ ଜୁନ୍ରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକର ଲୁଣାନଦୀ ଉତ୍ତର ପାର୍ଶ୍ୱ(ତେରଗାଁ ଘାଟ ସନ୍ନିକଟ)ରେ ଏକ ନୂତନ ବନ୍ଧ ନିର୍ମାଣ ସରିଛି ା ହେଲେ ସେହି ବନ୍ଧ କାର୍ଯ୍ୟରେ ଛୋଟ ଛୋଟ ପଥର ବ୍ୟବହାର କରାଯାଇଥିବାରୁ ସ୍ଥାନୀୟ ଗ୍ରାମବାସୀ ଏହାକୁ ନେଇ ଆତଙ୍କିତ ଅବସ୍ଥାରେ ଅଛନ୍ତି ା ଏହି ବନ୍ଧକୁ ନଦୀ ତଟବନ୍ଧ ବିଭାଗ ଆଳି ଡିଭିଜନ ପକ୍ଷରୁ ଟେଣ୍ଡର କରାଯାଇ ନିର୍ମାଣ କରାଯାଇଛି ା ଉକ୍ତ ବନ୍ଧ ନିର୍ମାଣ ବେଳେ ଉପରଭାଗ ବନ୍ଧରେ ଫାଟ ସୃଷ୍ଟି ହୋଇଥିବା ଦେଖିବାକୁ ମିଳିଥିଲା ା ପ୍ରବଳ ବନ୍ୟାରେ ଏହି ମାଟିବନ୍ଧ ପ୍ରଭାବିତ ହେବା ଆଶଙ୍କା ରହିଛି ବୋଲି ସ୍ଥାନୀୟ ଲୋକେ କହିଛନ୍ତି ା ମହାନଦୀ ଶାଖା ଗୁପ୍ତଗିରି ନଦୀରେ ବନ୍ୟାଜଳ ପ୍ରବେଶ କଲେ ସେହି ଅଞ୍ଚଳର ହଜାରରୁ ଊର୍ଦ୍ଧ୍ୱ ହେକ୍ଟର ଜମିରେ ହୋଇଥିବା ଖରିଫ ଧାନ ଫସଲ ନଷ୍ଟ ହେବାର ଆଶଙ୍କା ରହିଛି ବୋଲି ପ୍ରାକ୍ତନ ସରପଞ୍ଚ ନାଥ କୁମାର ଭୋଳ କହିଛନ୍ତି ା ସେହିପରି ଉକ୍ତ ବ୍ଲକ ଦେଇ ପ୍ରବାହିତ ହୋଇଥିବା ମହାନଦୀ, ଲୁଣା, ପାଇକା ଆଦି ନଦୀର ବନ୍ଧ ଦୁର୍ବଳ ରହିଛି ା ଏଥିପ୍ରତି ବିଭାଗ ସତର୍କଦୃଷ୍ଟି ଦେବା ପାଇଁ ବୁଦ୍ଧିଜୀବୀ ସୁବାସ ଚନ୍ଦ୍ର ସ୍ବାଇଁ ଦାବି କରିଛନ୍ତି ା ଏ ସମ୍ପର୍କରେ ଆଳି ନଦୀ ତଟବନ୍ଧ ବିଭାଗ ଅଧୀକ୍ଷଣ ଯନ୍ତ୍ରୀ ସୁବ୍ରତ କୁମାର ଦାଶଙ୍କୁ ପଚାରିବାରୁ ଦୁର୍ବଳ ବନ୍ଧ ଓ ବନ୍ୟା ପ୍ରତି ବିଭାଗର ସତର୍କ ଦୃଷ୍ଟି ରହିଛି ବୋଲି କହିଛନ୍ତି ା
