ନୂଆଦିଲ୍ଲୀ,୮।୮: କୋଭିଡ୍ ଟିକା ନେଉଥିବା ଲୋକଙ୍କୁ ଏଣିକି ହ୍ବାଟ୍ସଆପ୍ ଜରିଆରେ ମାତ୍ର କେଇ ସେକେଣ୍ଡ ମଧ୍ୟରେ ପ୍ରମାଣପତ୍ର ମିଳିବ। କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖଲାଲ୍ ମାଣ୍ଡବ୍ୟଙ୍କ କାର୍ଯ୍ୟାଳୟ ପକ୍ଷରୁ ରବିବାର ଏହି ସୂଚନା ଜାରି କରାଯାଇଛି। ଟିକା ସାର୍ଟିଫିକେଟ କୋଓ୍ବିନ୍ ପୋର୍ଟାଲରୁ ଡାଉନ୍ଲୋଡ କରିବାକୁ ପଡୁଥିଲା। ଏବେ ମାଇଁଗଭ୍ କରୋନା ହେଲ୍ପଡେସ୍କ ମାଧ୍ୟମରେ ସହଜ ଉପାୟରେ ସାର୍ଟିଫିକେଟ ମିଳିିବ। ହ୍ବାଟ୍ସଆପ୍ରେ ‘କୋଭିଡ୍ ସାର୍ଟିଫିକେଟ’ ଲେଖି ନମ୍ବର +91 9013151515କୁ ପଠାନ୍ତୁ ଏବଂ ଓଟିପି ଦିଅନ୍ତୁ। କିଛି ସେକେଣ୍ଡରେ ସାର୍ଟିଫିକେଟ ଆସିଯିବ ବୋଲି ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ଜାନୁୟାରୀ ୧୬ରୁ ଦେଶରେ କୋଭିଡ୍ ଟିକାକରଣ ଅଭିଯାନ ଆରମ୍ଭ ହୋଇଥିଲା। ରବିବାର ସକାଳ ସୁଦ୍ଧା ମୋଟ ୫୦,୬୮,୧୦,୪୯୨ କୋଭିଡ୍ ଭାକ୍ସିନ ଡୋଜ୍ ଦିଆଯାଇଛି।
