ବୁଦ୍ଧିମତ୍ତା କମାଉଛି କୋଭିଡ୍‌

ଲଣ୍ଡନ, ୩॥୭: କୋଭିଡ୍‌ ସଂକ୍ରମଣ ସହ ବୁଦ୍ଧିମତ୍ତାର ସମ୍ପର୍କ ରହିଥିବା ଏକ ନୂଆ ଗବେଷଣାରୁ ଜଣାପଡ଼ିଛି। ଏହି ଅଧ୍ୟୟନ ଅନୁଯାୟୀ ଗୁରୁତର ସଂକ୍ରମିତ କୋଭିଡ୍‌ ରୋଗୀଙ୍କର ବୁଦ୍ଧିମତ୍ତା ହ୍ରାସ ପାଉଛି। କୋଭିଡ୍‌-୧୯ରୁ ଆରୋଗ୍ୟ ହୋଇଥିବା ଲୋକେ ଯୋଜନା ପ୍ରସ୍ତୁତ କରିବା, ସମସ୍ୟା ସମାଧାନ ଏବଂ ବିତର୍କରେ କମ୍‌ଜୋର ହେଉଥିବା ଦେଖାଯାଉଛି। ଲଣ୍ଡନ ଇମ୍ପେରିଆଲ କଲେଜର ଆସୋସିଏଟ୍‌ ପ୍ରଫେସର ତଥା କଗ୍‌ନିଟିଭ୍‌ ନ୍ୟୁରୋସାଇଣ୍ଟିଷ୍ଟ ଆଡାମ ହାମ୍ପଶାୟାର ଓ ତାଙ୍କ ଟିମ୍‌ ପକ୍ଷରୁ ଏହି ଗବେଷଣା କରାଯାଇଥିଲା। ସେମାନେ କରୋନାରେ ଆରୋଗ୍ୟ ହୋଇଥିବା କେତେଜଣଙ୍କର ବୁଦ୍ଧିମତ୍ତା ଓ ତାର୍କିକ ଜ୍ଞାନର ପରୀକ୍ଷା କରାଇଥିଲେ। ଗତବର୍ଷ ଜାନୁୟାରୀରୁ ଡିସେମ୍ବର ମଧ୍ୟରେ ସେମାନେ ବ୍ରିଟେନର ୮୦ ହଜାରରୁ ଉର୍ଦ୍ଧ୍ୱ ଲୋକଙ୍କ ପରୀକ୍ଷା କରାଇଥିବାବେଳେ ସେଥିରୁ ୧୩,୦୦୦ କୋଭିଡ୍‌ ସଂକ୍ରମିତ ହୋଇଥିଲେ। ଦୀର୍ଘଦିନ କରୋନାରେ ସଂକ୍ରମିତ ହୋଇ ଆରୋଗ୍ୟ ହୋଇଥିବା ପରୀକ୍ଷାର୍ଥୀ ପ୍ଲାନିଂ, ସମସ୍ୟା ସମାଧାନ, ବିତର୍କ ଆଦିରେ ଦୁର୍ବଳ ପ୍ରଦର୍ଶନ କରିଥିଲେ। ସେହିପରି ଭେଣ୍ଟିଲେଟର ସପୋର୍ଟରେ ଥିବା କରୋନା ରୋଗୀଙ୍କ ବୁଦ୍ଧିମତ୍ତା ୭ ପଏଣ୍ଟ ହ୍ରାସ ପାଇଥିବା ଦେଖାଯାଇଥିଲା। ହୃଦ୍‌ଘାତରୁ ଆରୋଗ୍ୟ କିମ୍ବା ଶିକ୍ଷାଗ୍ରହଣରେ ଅସାମର୍ଥ୍ୟ ଥିବା ବ୍ୟକ୍ତିଙ୍କଠାରେ ଦେଖାଦେଇଥିବା ଆଇକ୍ୟୁ ହ୍ରାସଠାରୁ ମଧ୍ୟ ଏହା ଅଧିକ। ୨୭୫ ଜଣ କୋଭିଡ୍‌ ପୂର୍ବରୁ ଏବଂ ପରବର୍ତ୍ତୀ ପରୀକ୍ଷା ସମ୍ପୂର୍ଣ୍ଣ କରିଥିଲେ। ତେବେ କୋଭିଡ୍‌ ସହ ବୁଦ୍ଧିମତ୍ତା ହ୍ରାସର କିପରି ସମ୍ପର୍କ ରହିଛି ଓ ଏହା କେତେଦିନ ପର୍ଯ୍ୟନ୍ତ ରହିବ ତାହା ଜଣାପଡ଼ି ନ ଥିବା ହାମ୍ପଶାୟାର ଏକ ସାକ୍ଷାତ୍‌କାରରେ କହିଛନ୍ତି। କରୋନା ଭୂତାଣୁ ରୂପ ବଦଳାଇ ଚାଲିଥିବାବେଳେ ଅଧିକରୁ ଅଧିକ ଲୋକଙ୍କୁ ଟିକା ଦେବାପାଇଁ ବିଭିନ୍ନ ଦେଶ ଉଦ୍ୟମ ଚଳାଇଛନ୍ତି। ମାନବ ମସ୍ତିଷ୍କ ଓ ଜ୍ଞାନ ଉପରେ କରୋନାର ଗୋପନ ପ୍ରଭାବ ସମ୍ପର୍କରେ ବୈଜ୍ଞାନିକ ଗବେଷଣାରୁ ଜଣାପଡ଼ିବା ପରେ ଅନେକଙ୍କ ଚିନ୍ତା ବଢ଼ିଯାଇଛି। କୋଭିଡ୍‌ ସଂକ୍ରମିତଙ୍କଠାରେ ଷ୍ଟ୍ରୋକ୍‌ ବଢ଼ିବା ଆଶଙ୍କା ଥିବା କାନାଡାର ଏକ ଅଧ୍ୟୟନରୁ ଜଣାପଡ଼ିଛି।

ହାଡ଼ଫୁଟି ଭଳି ସଂକ୍ରାମକ ଡେଲ୍ଟା

କରୋନା ଭୂତାଣୁର ଡେଲ୍ଟା ଭାରିଆଣ୍ଟ ହାଡ଼ଫୁଟି ଭଳି ଅତି ସହଜରେ ଓ ଦ୍ରୁତ ବେଗରେ ସଂକ୍ରମିତ ହୋଇଥାଏ। ଏହା ଅନ୍ୟ ଭାରିଆଣ୍ଟ ତୁଳନାରେ ଅଧିକ ଗୁରୁତର ଅସୁସ୍ଥ କରିପାରେ ବୋଲି ଆମେରିକା ସ୍ବାସ୍ଥ୍ୟ କର୍ତ୍ତୃପକ୍ଷଙ୍କ ଏକ ଆଭ୍ୟନ୍ତରୀଣ ଦସ୍ତାବିଜ୍‌ରୁ ଜଣାପଡ଼ିଛି। ସେଣ୍ଟର୍ସ ଫର୍‌ ଡିଜିଜ୍‌ କଣ୍ଟ୍ରୋଲ ଆଣ୍ଡ ପ୍ରିଭେନ୍‌ଶନ (ସିଡିସି) ପ୍ରକାଶ କରି ନ ଥିବା କେତେକ ତଥ୍ୟ ଅନୁଯାୟୀ ଟିକା ନ ନେଇଥିବା ବ୍ୟକ୍ତିଙ୍କ ଭଳି ସମ୍ପୂର୍ଣ୍ଣ ଟିକା ନେଇସାରିଥିବା ବ୍ୟକ୍ତିଙ୍କୁ ମଧ୍ୟ ଡେଲ୍ଟା ଭାରିଆଣ୍ଟ ସଂକ୍ରମଣ କରିଥାନ୍ତି। ସିଡିସି ନିର୍ଦ୍ଦେଶକ ଡ. ରୋଚେଲେ ପି. ଓ୍ବାଲେନ୍‌ସ୍କି ଏହା ସ୍ବୀକାର କରିଛନ୍ତି।
ଏମ୍‌ଇଆର୍‌ଏସ୍‌, ସାର୍ସ, ଇବୋଲା, ସାଧାରଣ ଥଣ୍ଡା, ଋତୁକାଳୀନ ଜ୍ୱର, ବସନ୍ତ ତୁଳନାରେ ଡେଲ୍ଟା ଭାରିଆଣ୍ଟ ଅଧିକ ସଂକ୍ରାମକ। ଏହା ହାଡ଼ଫୁଟି ଭଳି ଦ୍ରୁତ ବେଗରେ ବ୍ୟାପିଥାଏ ବୋଲି ଦସ୍ତାବିଜ୍‌ରେ କୁହାଯାଇଛି। ଭାରତରେ ପ୍ରଥମେ ଚିହ୍ନଟ ହୋଇଥିବା ଏହି ଭାରିଆଣ୍ଟ (ବି.୧.୬୧୭.୨) ଅଧିକ ଗୁରୁତର ରୋଗ ସୃଷ୍ଟି କରୁଛି। ଭୂତାଣୁର ସାଧାରଣ ଭର୍ସନ ଅପେକ୍ଷା ଡେଲ୍ଟା ଭାରିଆଣ୍ଟରେ ହଜାର ଗୁଣ ଅଧିକ ସଂକ୍ରମିତ ହୋଇଥିବା ଏକ ଅଧ୍ୟୟନରୁ ଜଣାପଡ଼ିଛି।

ମଧ୍ୟପ୍ରାଚ୍ୟରେ ଚତୁର୍ଥ ଲହର ଆଣିଲା ଡେଲ୍ଟା

ଡେଲ୍ଟା ଭାରିଆଣ୍ଟ ଯୋଗୁ ବିଭିନ୍ନ ଦେଶରେ ସଂକ୍ରମଣ ବଢ଼ିଚାଲିଛି। କୋଭିଡ୍‌ ଟିକାକରଣରେ ପଛୁଆ ଥିବା ମଧ୍ୟପ୍ରାଚ୍ୟରେ ଏହି ଭାରିଆଣ୍ଟ ଚତୁର୍ଥ ଲହର ଆଣିଥିବା ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ) କହିଛି। ଉକ୍ତ ଅଞ୍ଚଳର ମରକ୍କୋଠାରୁ ପାକିସ୍ତାନ ପର୍ଯ୍ୟନ୍ତ ୨୨ ଦେଶ ମଧ୍ୟରୁ ୧୫ଟିରେ ଡେଲ୍ଟା ଭାରିଆଣ୍ଟ ବ୍ୟାପିଥିବା ରେକର୍ଡ କରାଯାଇଛି। ଡଲ୍ଟା ଭାରିଆଣ୍ଟ ଯୋଗୁ ଡବ୍ଲ୍ୟୁଏଚ୍‌ଓର ପୂର୍ବ ମେଡିଟେରିଆନ୍‌ ଅଞ୍ଚଳରେ ସଂକ୍ରମଣ ଓ ମୃତ୍ୟୁସଂଖ୍ୟା ବଢ଼ିଚାଲିଛି। ନୂଆ ମାମଲା ଏବଂ ହସ୍ପିଟାଲରେ ଭର୍ତ୍ତି ହେଉଥିବା ରୋଗୀଙ୍କ ମଧ୍ୟରୁ ଅଧିକାଂଶ ଟିକା ନେଇ ନ ଥିବା ଜଣାପଡ଼ିଛି। ଉକ୍ତ ଅଞ୍ଚଳରେ କୋଭିଡ୍‌-୧୯ର ଚତୁର୍ଥ ଲହର ଚାଲିଥିବା ଡବ୍ଲ୍ୟୁଏଚ୍‌ଓ ପୂର୍ବ ମେଡିଟେରିଆନ ନିର୍ଦ୍ଦେଶକ ଅହମଦ ଅଲ୍‌-ମନ୍ଧାରି କହିଛନ୍ତି। ଡବ୍ଲ୍ୟୁଏଚ୍‌ଓ ତଥ୍ୟ ଅନୁଯାୟୀ ଜୁଲାଇ ଶେଷ ସପ୍ତାହ ସୁଦ୍ଧା ମଧ୍ୟପ୍ରାଚ୍ୟରେ ୪୧ ନିୟୁତ ଲୋକ କୋଭିଡ୍‌ ଟିକା ନେଇଛନ୍ତି, ଯାହାକି ମୋଟ ଲୋକସଂଖ୍ୟାର ୫.୫ ପ୍ରତିଶତ। ସେପଟେ ଉକ୍ତ ଅଞ୍ଚଳରେ ସଂକ୍ରମଣ ୫୫ ପ୍ରତିଶତ ବଢ଼ିଥିବାବେଳେ ମୃତ୍ୟୁସଂଖ୍ୟା ୧୫ ପ୍ରତିଶତ ବୃଦ୍ଧି ପାଇଛି। ସପ୍ତାହକୁ ସେଠାରେ ୩.୧ ଲକ୍ଷ ସଂକ୍ରମିତ ହେଉଥିବାବେଳେ ୩,୫୦୦ ଲୋକଙ୍କ ଜୀବନ ଯାଉଛି।

 


Enter your email to get our daily news in your inbox.

All Right Reserved By Dharitri.Com

ଆଇନଜୀବୀ ନିର୍ଭୟ ହୋଇ କାମ କରିବା ଆବଶ୍ୟକ…

ବେଙ୍ଗାଲୁରୁ,୧୫।୧୧: ଲୋକଙ୍କୁ ନ୍ୟାୟିକ ସହାୟତା ପ୍ରଦାନ କ୍ଷେତ୍ରରେ ଆଇନଜୀବୀ ନିର୍ଭୟ ହୋଇ କାମ କରିବା ଆବଶ୍ୟକ। ଜଣେ କଷ୍ଟମ ଅଧିକାରୀଙ୍କ ପକ୍ଷରୁ ଆଇନଜୀବୀଙ୍କ ବିରୋଧରେ ଦାଖଲ...

ରାଲି ସମୟରେ କୈଳାଶ ବିଜୟବର୍ଗିୟଙ୍କୁ ଅଟକ

କୋଲକାତା,୭।୨: ନାଗରିକତ୍ୱ ସଂଶୋଧନ ଆଇନ (ସିଏଏ)ର ସମର୍ଥନରେ ବାହାରିଥିବା ରାଲିରୁ ଭାଜପା ମହାସଚିବ କୈଳାଶ ବିଜୟବର୍ଗିୟଙ୍କୁ ଉଠାଇନେଲା ପୋଲିସ। ଶୁକ୍ରବାର ସିଏଏ ସମର୍ଥନରେ କୈଳାଶ ଏକ...

କଂଗ୍ରେସ ଜିତିବନି ୨୦୨୪ ନିର୍ବାଚନ

ଶ୍ରୀନଗର/ନୂଆଦିଲ୍ଲୀ,୩।୧୨:୨୦୨୪ ସାଧାରଣ ନିର୍ବାଚନରେ କଂଗ୍ରେସ ଦଳ ୩୦୦ ଆସନ ଜିତିପାରିବ ନାହିଁ। ଜି-୨୩ ଗୋଷ୍ଠୀର ନେତା ଗୁଲାମନବୀ ଆଜାଦ ଜମ୍ମୁ-କଶ୍ମୀରର ଏକ ସଭାକୁ ସମ୍ବୋଧନ ବେଳେ...

ହୋଲି ପରେ ସୁପ୍ରିମକୋର୍ଟରେ ହିଜାବ ଶୁଣାଣି

ନୂଆଦିଲ୍ଲୀ,୧୭।୩ (ପି.ଟି.): ହିଜାବ ବିବାଦ ଉପରେ କର୍ନାଟକ ହାଇକୋର୍ଟ ଦେଇଥିବା ରାୟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା। ସର୍ବୋଚ୍ଚ ଅଦାଲତ ଉକ୍ତ ପିଟିଶନକୁ ଶୁଣାଣି ପାଇଁ ବୁଧବାର...

ସାମ୍ବାଦିକଙ୍କୁ ଘରେ ନ ପାଇ ଫେରି ଆସିଲା ପୋଲିସ ଟିମ୍‌

ଜୟପୁର,୯।୫: ବିଭିନ୍ନ ସମ୍ପ୍ରଦାୟ ମଧ୍ୟରେ ଶତ୍ରୁତା ବଢ଼ାଇବା ଏବଂ ଧର୍ମୀୟ ଭାବାବେଗକୁ ଆଘାତ ଦେବା ଅଭିଯୋଗରେ ଟିଭି ସାମ୍ବାଦିକ ଅମନ ଚୋପ୍ରାଙ୍କୁ ଗିରଫ କରିବା ଲାଗି...

ସାନିଟାଇଜର୍‌ ସ୍ପ୍ରେ ଯୋଗୁ ପରିବେଶ ସନ୍ତୁଳନ ବିଗିଡ଼ିଯିବାର ଆଶଙ୍କା !

ନୈନିତାଲ,୮।୪: କରୋନା ସଂକ୍ରମଣକୁ ରୋକିବା ପାଇଁ କେତେକ ସଚେତନତା ପଦକ୍ଷେପ ଗ୍ରହଣ କରାଯାଉଛି। କରୋନା ଭୂତାଣୁକୁ ନଷ୍ଟ କରିବା ଲାଗି ରାସ୍ତାଘାଟରେ ସାନିଟାଇଜର୍‌ ସ୍ପ୍ରେ କରାଯାଉଛି।...

ରାଜ୍ୟରେ ୭ହଜାରରୁ ଊର୍ଦ୍ଧ୍ୱ ଆକ୍ରାନ୍ତ ଚିହ୍ନଟ: ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୨୯।୫(ବ୍ୟୁରୋ): ଗତ କିଛି ଦିନ ହେଲା ରାଜ୍ୟରେ କରୋନା ମିଟର ତଳମୁହାଁ ହୋଇଛି। ଶନିବାର ରାଜ୍ୟରେ ୭,୧୮୮ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ନୂଆ...

୧୪୭ କେରଳ ଫେରନ୍ତାଙ୍କୁ ସ୍ବାଗତ କଲା ପ୍ରଶାସନ

ରାଜନଗର,୩ା୫(ଡି.ଏନ୍‌.ଏ.): କେରଳରେ ଫସିଥିବା ୧୪୭ ପ୍ରବାସୀ ଓଡ଼ିଆ ୪ଟି ବସ୍‌ରେ ଆସି ରବିବାର ଅପରାହ୍ନରେ ରାଜନଗରରେ ପହଞ୍ଚିଛନ୍ତି। ସେମାନେ ରାଜନଗର ବ୍ଲକ ମହିଷାସୁର ଯଜ୍ଞ ପଡ଼ିଆରେ ପହଞ୍ଚିବା...

Advertisement
Archives

Model This Week