ନୂଆଦିଲ୍ଲୀ,୨୬ ।୨: କରୋନା ମହାମାରୀକୁ ଏଡାଇବା ପାଇଁ ଦେଶରେ ଆରମ୍ଭ କରାଯାଇଥିବା ଟିକାକରଣ ସଫଳତାର ସହ ଆଗେଇ ଚାଲିଛି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ସୂଚନା ଅନୁଯାୟୀ ଶୁକ୍ରବାର ସୁଦ୍ଧା ଦେଶରେ ସ୍ୱାସ୍ଥ୍ୟକର୍ମୀ ଓ ଫ୍ରଣ୍ଟଲାଇନ ୱାର୍କର୍ସଙ୍କୁ ମିଶାଇ ଏପର୍ଯ୍ୟନ୍ତ ୧.୩୪ କୋଟି ଲୋକଙ୍କୁ ଟିକା ଦିଆ ସରିଲାଣି । ତେବେ ୪୨ ଦିନ ମଧ୍ୟରେ ଏହି ଟିକାକରଣ କରାଯାଇଥିବା ସୂଚନା ରହିଛି । ୯ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ପଞ୍ଜିକୃତଙ୍କ ମଧ୍ୟରୁ ମାତ୍ର ୬୦ ପ୍ରତିଶତଙ୍କୁ ଟିକା ଦିଆଯାଇଛି । ସେହିପରି ୧୩ ରାଜ୍ୟରେ ପଞ୍ଜିକୃତ ଫ୍ରଣ୍ଟଲାଇନ ୱାରିୟର୍ସଙ୍କ ମଧ୍ୟରୁ ୪୦ ପ୍ରତିଶତଙ୍କୁ ଟିକା ଦିଆଯାଇଛି ।
