ଜଗତ୍‌ସିଂହପୁର ଜିଲା: ଅଭିମତ ବାକ୍ସ ପ୍ରହସନ

ଜଗତ୍‌ସିଂହପୁର ଅଫିସ, ୧।୯: ଜଗତ୍‌ସିଂହପୁର ଏକ ଶିକ୍ଷିତ ଜିଲା। ଜିଲାର କଳା, ସଂସ୍କୃତି, ସାହିତ୍ୟ ମହାନ୍‌। ବିଜ୍ଞାନ ଓ ରାଜନୀତି ଆଦି କ୍ଷେତ୍ରରେ ଜିଲାର ସ୍ବତନ୍ତ୍ର ପରିଚୟ ରହିଛି। କିନ୍ତୁ ସମୟଚକ୍ରରେ ଜିଲାରେ ଦୁର୍ନୀତି ଆଶାତୀତ ଭାବେ ବଢ଼ିଛି। ଅତୀତରେ ଅର୍ଥାତ୍‌ ତତ୍କାଳୀନ ଜିଲାପାଳ ସଂଗ୍ରାମ କେଶରୀ ମହାପାତ୍ର ବିକାଶକୁ ଅଗ୍ରାଧିକାର ସହ ଦୁର୍ନୀତି ହଟାଇବାକୁ ପ୍ରତିଶ୍ରୁତି ଦେଇ ପ୍ରତି ସରକାରୀ କାର୍ଯ୍ୟାଳୟରେ ଅଭିମତ ବାକ୍ସ ରଖାଯିବା ପାଇଁ ନିର୍ଦ୍ଦେଶ ଦେଇଥିଲେ। ଏଭଳି କରିବାର ଉଦ୍ଦେଶ୍ୟ ଥିଲା, ଲୋକେ ସେମାନଙ୍କ ମତାମତ ଏହି ବାକ୍ସରେ ପକାଇବେ। ବାକ୍ସରୁ ସଂଗୃହୀତ ଅଭିଯୋଗ ଓ ପରାମର୍ଶ ଆଦି ଜିଲାପାଳଙ୍କ ଦୃଷ୍ଟିକୁ ଆସିପାରିବ, ଯାହାଦ୍ୱାରା ବିଭାଗୀୟ ସ୍ବଚ୍ଛତା ସାଙ୍ଗକୁ ଲୋକଙ୍କ ଅସୁବିଧା ଦୂର ହୋଇପାରିବ। ଜିଲାପାଳଙ୍କ ଏହି ନିର୍ଦ୍ଦେଶ କିଛିମାସ କାମ କରିଥିଲା। ବର୍ତ୍ତମାନର ଜିଲାପାଳ ପାରୁଲ ପଟୱାରୀଙ୍କ ସମୟରେ ଏହି ବାକ୍ସର ନଁାଗନ୍ଧ ନାହିଁ ।
ତତ୍କାଳୀନ ଜିଲାପାଳ ମହାପାତ୍ର ପ୍ରଥମେ ବ୍ଲକ, ତହସିଲ, ଆର୍‌ଟିଓ ଏବଂ ପୌର ପରିଷଦ ଆଦି କାର୍ଯ୍ୟାଳୟରେ ଅଭିମତ ବାକ୍ସ ରଖାଯିବା ବ୍ୟବସ୍ଥା କରିଥିଲେ। ଉଦ୍ଦେଶ୍ୟ ଥିଲା, କୌଣସି ବ୍ୟକ୍ତି କାର୍ଯ୍ୟାଳୟଗୁଡିକରେ ପହଞ୍ଚତ୍ଲା ପରେ କିଛି ଅସୁବିଧାର ସମ୍ମୁଖୀନ ହେଉଥିଲେ, କେଉଁ ଅଧିକାରୀ କି କର୍ମଚାରୀ ହଇରାଣ କରିଥିଲେ, କିଏ ଜାଣିଶୁଣି କାମ କରିବାରେ ବିଳମ୍ବ କରୁଥିଲେ ସେଠାରେ ଉପଲବ୍ଧ ଅଭିମତ (ଫିଡ୍‌ବ୍ୟାକ୍‌) ଫର୍ମ ପୂରଣ କରି ଏହି ବାକ୍ସରେ ପକାଇପାରିବେ। ଏହି ଫର୍ମରେ ଅଭିମତ ଦାତାଙ୍କ ନାମ, ଠିକଣା, ଫୋନ୍‌ ନମ୍ବର, କେଉଁ କାର୍ଯ୍ୟ ନିମନ୍ତେ ଆସିଛନ୍ତି, କେତେଥର ଆସିଲେଣି, କେଉଁ ଅଧିକାରୀ କିମ୍ବା କର୍ମଚାରୀଙ୍କୁ ଭେଟିଛନ୍ତି, ସମ୍ପୃକ୍ତ ଅଧିକାରୀ କିମ୍ବା କର୍ମଚାରୀଙ୍କ ଉତ୍ତରରେ ସନ୍ତୁଷ୍ଟ କି ନା ଇତ୍ୟାଦି ପୂରଣ କରିବାକୁ ପଡ଼ିବ। କାର୍ଯ୍ୟାଳୟରେ ସେମାନଙ୍କ ଅନୁଭୂତି, ନିର୍ଦ୍ଦିଷ୍ଟ ଅଭିଯୋଗ କିମ୍ବା ମତାମତ ସମ୍ପର୍କିତ ଫର୍ମ ଅଭିମତ ବାକ୍ସରେ ପକାଇବାକୁ ଆହ୍ବାନ ଦିଆଯାଇଥିଲା। ଇଣ୍ଟରନେଟ୍‌ ମାଧ୍ୟମରେ ଅର୍ଥାତ୍‌ https://jagatsinghpur.nic.inରେ ଯାଇ ପଞ୍ଜୀକରଣ ଫର୍ମ ପୂରଣ କରି ଅଭିଯୋଗ କରିବା ବ୍ୟବସ୍ଥା କରାଯାଇଥିଲା। ତେବେ ସମ୍ପୃକ୍ତ ଅଧିକାରୀମାନେ ବାକ୍ସ ରଖିସାରିବା ପରେ ଚାବି ଜିଲାପାଳଙ୍କୁ ହସ୍ତାନ୍ତର ପାଇଁ ନିର୍ଦ୍ଦେଶ ଥିଲା। ୧୫ ଦିନ କି ୧ ମାସରେ ଜିଲାପାଳ ଚାବି ଖୋଲି ଲୋକଙ୍କ ଅଭିଯୋଗର ଶୁଣାଣି କରିବା ବ୍ୟବସ୍ଥା ହୋଇଥିଲା। ଜିଲାପାଳଙ୍କ ଏହି ନିଷ୍ପତ୍ତିକୁ ଜିଲାବାସୀ ସ୍ବାଗତ କରିଥିବା ବେଳେ ଖିଲାପକାରୀ ଓ ଦୁର୍ନୀତିଗ୍ରସ୍ତ କର୍ମଚାରୀ ଛାନିଆ ହୋଇପଡିଥିଲେ। ସେତେବେଳେ ବାକ୍ସରୁ ସଂଗୃହୀତ ପରାମର୍ଶ ଓ ଅଭିଯୋଗକୁ ଦେଖି ଜିଲାପାଳ ପରବର୍ତ୍ତୀ ନିଷ୍ପତ୍ତି ନେବେ ବୋଲି ଗଣମାଧ୍ୟମ ଆଗରେ ଘୋଷଣା କରିଥିଲେ। କିନ୍ତୁ ଧୀରେ ଧୀରେ ବାକ୍ସ ଖୋଲାଯିବା ସମୟ କୋହଳ ହୋଇଯାଇଥିଲା। ଏପରି କି କେତେକ ବ୍ଲକ ଓ ତହସିଲରେ ଅଭିମତ ବାକ୍ସ ତାଲା ଖୋଲିବାକୁ ୩/୪ ମାସ ଲାଗିଥିଲା। ଯେହେତୁ ତାଲା ଚାବି ଜିଲାପାଳଙ୍କ ପାଖରେ ରହୁଥିଲା ତେଣୁ ଏହା ଖୋଲିବାରେ ବିଳମ୍ବ ଓ ପ୍ରତିକାର ନ ହେବାରୁ ନାନା କଥା ଆଲୋଚନା ହୋଇଥିଲା। ପରେ ଆଉ ଲୋକେ ପୂର୍ବପରି ଏହି ବାକ୍ସରେ କୌଣସି ଅଭିଯୋଗ କିମ୍ବା ପରାମର୍ଶ ଦେବାକୁ ଆଗ୍ରହ ପ୍ରକାଶ କରି ନ ଥିଲେ। ତଥାପି ଏହି ଧାରା ଚାଲିଥିଲା। କିନ୍ତୁ ସମୟକ୍ରମେ ଜିଲାପାଳ ବଦଳିଗଲେ। ଲୋକେ କିଛି ଅଭିଯୋଗ କରିବାକୁ ଚାହିଁଲେ ଅଭିମତ ବାକ୍ସରେ ନ ପକାଇ ସିଧାସଳଖ ବିଭାଗୀୟ ଅଧିକାରୀଙ୍କୁ ଦେବାକୁ ଚେଷ୍ଟା କଲେ। ଏହା ଦ୍ୱାରା କୌଣସି ପ୍ରତିକାର ନ ହେବାରୁ ଧୀରେ ଧୀରେ ଅଭିଯୋଗ କମିବାକୁ ଲାଗିଲା। ଏବେ ସେଥିପାଇଁ ପ୍ରତିକାର କ’ଣ ହେଉଛି ତାହା ଜାଣିବା ସମ୍ଭବ ହେଉନି। କାରଣ ଜିଲାପାଳ ଏ ବାବଦରେ ଆଗ୍ରହୀ ଥିଲାଭଳି ଅନୁଭବ ହେଉନି। କେବଳ ଚିରାଚରିତ ଢାଞ୍ଚାରେ ଜନଅଭିଯୋଗ ଶୁଣାଣିରେ ଜିଲାପାଳ ଲୋକଙ୍କ ସମସ୍ୟା କଥା ଶୁଣାଣି କରୁଛନ୍ତି। ଏ ସମ୍ପର୍କରେ ଜିଲାପାଳ ପଟୱାରୀଙ୍କୁ ତାଙ୍କ ମୋବାଇଲ ନମ୍ବର ୯୪୩୭୦୦୫୪୯୬ ଯୋଗେ ଯୋଗାଯୋଗ ପାଇଁ ଚେଷ୍ଟା କରାଯାଇଥିଲେ ସୁଦ୍ଧା ସମ୍ଭବ ହୋଇ ନ ଥିଲା ।


Enter your email to get our daily news in your inbox.

All Right Reserved By Dharitri.Com

ପୁରୁଷୋତ୍ତମପୁରରେ କୋଭିଡ ଟିକା ଦାନ ଆରମ୍ଭ

ପୁରୁଷୋତ୍ତମପୁର,୬।୨(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ପରିସରରେ ଶନିବାର କୋଭିଡ ଟିକା ଦାନ କାର୍ଯ୍ୟକ୍ରମ ଆରମ୍ଭ ହୋଇଛି। ପ୍ରଥମେ ତହସିଲଦାର ନିତିଶ କୁମାର ତ୍ରିପାଠୀ, ବିଡିଓ...

ଓଡ଼ିଶାକୁ ସ୍ବତନ୍ତ୍ର ରାଜ୍ୟ ପାହ୍ୟା ଦାବିରେ ସତ୍ୟବ୍ରତଙ୍କ ପଦଯାତ୍ରା: ବାଲିଗୁଡ଼ାରେ ପହଞ୍ଚି ବିଡିଓଙ୍କୁ ଦେଲେ ଦାବିପତ୍ର

ବାଲିଗୁଡ଼ା,୨୯।୨(ଡି.ଏନ୍‌.ଏ.): ଓଡ଼ିଶାକୁ ସ୍ବତନ୍ତ୍ର ରାଜ୍ୟ ପାହ୍ୟା ଦାବିରେ ସତ୍ୟବ୍ରତ ଦାସ ୨୦୧୯ ଜୁଲାଇ ୧୦ରୁ ଯାଜପୁର ଜିଲା ବଡ଼ଚଣା ବ୍ଲକରୁ ପଦଯାତ୍ରା ଆରମ୍ଭ କରିଥିଲେ। ତେବେ...

ବାହୁଡୁଛନ୍ତି ମହାପ୍ରଭୁ

ପୁରୀ ଅଫିସ, ୧।୭: ନବଦିନାତ୍ମକ ଯାତ୍ରା ପରେ ଶ୍ରୀମନ୍ଦିର ଅଭିମୁଖେ ବାହୁଡୁଛନ୍ତି ମହାପ୍ରଭୁ। ସେଥିପାଇଁ ସଅଳ ନୀତିକାନ୍ତି ପରେ ଧାର୍ଯ୍ୟ ସମୟର ୩୫ ମିନିଟ ପୂର୍ବରୁ...

ଆକ୍ରମଣ ମାମଲା, ଅଭିଯୁକ୍ତଙ୍କୁ ବର୍ଷେ ଜେଲ

ଦିଗପହଣ୍ଡି, ୨ା୧୧ (ଡି.ଏନ୍‌.ଏ.)- ଗଞ୍ଜାମ ଜିଲା ସାନଖେମୁଣ୍ଡି ଗ୍ରାମ୍ୟ ନ୍ୟାୟାଳୟର ମାଜିଷ୍ଟ୍ରେଟ ବିଷ୍ଣୁ ପ୍ରସାଦ ଦେବତା ଶନିବାର ମାମଲା ନଂ. ଜି. ଆର ନଂ.୮୩/୨୦୧୦ ର...

ମହମବତି ଆଲୋକରେ ଚାଲିଛି ପାଠପଢ଼ା

ଦାରିଙ୍ଗବାଡି,୨୪।୪ (ଡି.ଏନ.ଏ): ଦାରିଙ୍ଗବାଡ଼ି ଅଞ୍ଚଳରେ ଘନଘନ ବିଦ୍ୟୁତ୍‌ କାଟକୁ ନେଇ ଜନ ଅସନ୍ତୋଷ ବଢ଼ିବାରେ ଲାଗିଛି। ଘଣ୍ଟା ଘଣ୍ଟା ଧରି ବିଦ୍ୟୁତ୍‌ କାଟ୍‌ ଯୋଗୁ ବ୍ୟବସାୟ ପ୍ରତିଷ୍ଠାନ...

ରାହୁଲ ପି.ଆର୍‌ଙ୍କୁ ଝାରସୁଗୁଡ଼ା ଏସ୍‌ପି ଦାୟିତ୍ୱ

ଭୁବନେଶ୍ୱର,୨୮।୪(ବ୍ୟୁରୋ)- ୨୦୧୩ ବ୍ୟାଚ୍‌ର ଭାରତୀୟ ପୋଲିସ ସେବା(ଆଇପିଏସ୍‌) ଅଫିସର ରାହୁଲ ପି.ଆର୍‌ଙ୍କୁ ଝାରସୁଗୁଡ଼ା ଜିଲା ଏସ୍‌ପି ଭାବେ ନିଯୁକ୍ତି ମିଳିଛି। ରାହୁଲଙ୍କ ନିଯୁକ୍ତି ନେଇ ମୁଖ୍ୟମନ୍ତ୍ରୀଙ୍କ...

ମୃତ୍ୟୁ ପରେ ବି ମିଳିଲାନି ସମ୍ମାନ: ଷ୍ଟ୍ରେଚରରେ ମୃତଦେହକୁ ୨ କିମି ବୋହିଲେ ପରିବାରଲୋକେ

ମାଲକାନଗିରି,୨୯।୭(ସ୍ବ.ପ୍ର.): ହଜିଗଲା ମାନବିକତା,ମୃତ୍ୟୁ ପରେ ମଧ୍ୟ ମିଳିଲାନାହିଁ ସମ୍ମାନ। ଶେଷରେ ମେଡିକାଲ ଷ୍ଟ୍ରେଚରରେ ପରିବାରଲୋକେ ମୃତଦେହକୁକୁ ବୋହି ନେଲେ ଘରକୁ। ଏଭଳି ଏକ ଅଭାବନୀୟ ଘଟଣା...

ସମନ୍ବିତ ଶିଶୁ ବିକାଶ କାର୍ଯ୍ୟାଳୟ ଅସୁରକ୍ଷିତ: ଛାତରୁ ଖସୁଛି ପ୍ଲାଷ୍ଟର, ଝରୁଛି ବର୍ଷା ପାଣି

କଣିହାଁ,୨୦।୯(ଡି.ଏନ.ଏ.)-ଛାତରୁ ପ୍ଲାଷ୍ଟର ଖସୁଛି। ଅନେକ ସ୍ଥାନରେ ଲୁହା ରଡ ଦେଖାଯାଉଛି। ସାମାନ୍ୟ ବର୍ଷା ହେଲେ ପାଣି ଗଳୁଛି। କେତେବେଳେ ଯେ ଅଘଟଣ ଘଟିବ ତାହା କହି...

Advertisement
Archives

Model This Week