କରୋନା ଓ ହ୍ବାଇଟ୍‌ ଫଙ୍ଗସ୍‌

ନାରାୟଣ ଚନ୍ଦ୍ର ବିଶ୍ୱାଳ

କୋଭିଡ୍‌ ମହାମାରୀ ସମୟରେ ଏହା ପାଟି ଓ ନାକ ରୋଗର ମୁଖଶାଳା ହୋଇଥିବାରୁ ଏହାର ବିଶେଷ ଧ୍ୟାନ ରଖିବା ନିତାନ୍ତ ଜରୁରୀ। ଏହି ସମୟରେ ଗୁଟ୍‌ଖା, ପାନ, ସିଗାରେଟ୍‌, ନାସ, ଖଇନିଠାରୁ ଦୂରେଇ ରୁହନ୍ତୁ। ପ୍ରତ୍ୟହ ବିଟାଡାଇନ୍‌ ବା କ୍ଲୋରହେକ୍ସିଡିନ କୁଳି ଦୁଇଥର କରନ୍ତୁ। କରୋନା ପ୍ରଭାବିତ ହୋଇ ଭଲ ହୋଇଥିବା ବ୍ୟକ୍ତି କୁଳୁକୁଞ୍ଚା ଓ ତଣ୍ଟିରେ କୁଳି ତିନିରୁ ପାଞ୍ଚଥର କରନ୍ତୁ। ଦାନ୍ତବିନ୍ଧା ବା ଦାନ୍ତମାଢ଼ି ବା ଗଳା ସଂକ୍ରମଣ, ଖସ୍‌ଖସ୍‌ ବା ଫୁଲା ଥିଲେ ତୁରନ୍ତ ଉପଚାର କରନ୍ତୁ। କୌଣସି ଅସ୍ତ୍ରୋପଚାର ଅତ୍ୟାବଶ୍ୟକ ଥିଲେ କୋଭିଡ୍‌ ଟେଷ୍ଟ କରି ଡାକ୍ତରଙ୍କ ପରାମର୍ଶ ନିଅନ୍ତୁ।
ହ୍ବାଇଟ୍‌ ଫଙ୍ଗସ୍‌ ଲକ୍ଷଣ କ’ଣ ଆସନ୍ତୁ ଜାଣିବା। ବିନା ପୋକଖିଆ ବା ଡିକେ ନ ହୋଇ ତୀବ୍ର ଭାବରେ ଦାନ୍ତ ବିନ୍ଧିବା, ମୁଣ୍ଡ ବୁଲାଇବା, ମାଢ଼ିରେ ପୂଯ ହେବା, ପଚା ଦୁର୍ଗନ୍ଧ ହେବା ଓ ଧଳା ଫିମ୍ପି ଭଳି ମାଢ଼ି, ଗାଲ, ପେଟି, ଜ୍ଞାନଦାନ୍ତ ମୂଳ ଓ ତାଳୁରେ ଫଳିଯିବା। ଦାନ୍ତ ଡାକ୍ତରଙ୍କ ପାଖକୁ ଆସିବା ପୂର୍ବରୁ ବେଞ୍ଜାଇଲ ଡାଏମିନ୍‌ରେ ଦାନ୍ତ ପାଟି କୁଳୁକୁଞ୍ଚା ଦିନକୁ ଚାରିଥର କରନ୍ତୁ। ଶର୍କରା ଲେବଲ ଦେଖି ଦାନ୍ତ ଡାକ୍ତରଙ୍କୁ ତୁରନ୍ତ ପରାମର୍ଶ କରନ୍ତୁ। ଏହା ବ୍ୟକ୍ତିଠୁ ବ୍ୟକ୍ତିକୁ ସଂକ୍ରମଣ କରେନାହିଁ। ତେଣୁ ଅତ୍ୟଧିକ ଶଙ୍କାଗ୍ରସ୍ତ ନ ହୋଇ ଔଷଧ ସେବନ ଠିକ୍‌ ଭାବରେ କରନ୍ତୁ। ଆସ୍କରେଜେଲସ ନାମକ କବକ ଫ୍ରିଜ୍‌ରେ ଦେଖାଦିଅନ୍ତି। ଖାଦ୍ୟ ତିନିରୁ ଅଧିକ ଦିନ ଫ୍ରିଜ୍‌ରେ ରଖନ୍ତୁ ନାହିଁ। ଫ୍ରିଜ୍‌, ସିଙ୍କ ବେସିନ ନିୟମିତ ସଫା କରନ୍ତୁ। ଗୁଟ୍‌ଖା, ଖଇନି, ନିଶାଠାରୁ ଦୂରରେ ରୁହନ୍ତୁ। ନଚେତ୍‌ ଏହା ବଢ଼ିଗଲେ ମୁଖ ହନୁହାଡ଼ ବା ମୁଖହାଡ଼, ନାକହାଡ଼ ପୂର୍ଣ୍ଣ ଅସ୍ତ୍ରୋପଚାର ସମ୍ଭାବନା ଅଛି।
ମୁଖ, ନାକ, ପାଟିର ଚିକିତ୍ସା ସମ୍ବନ୍ଧରେ କିଛି ଜାଣନ୍ତୁ। ଏହି ସମୟରେ ଲିଉକୋପ୍ଲାକିଆ, କ୍ୟାନ୍‌ସର, ଥାଇରଏଡ୍‌ ରୋଗ ପାଇଁ ଘଡ଼ିସନ୍ଧି ମୁହୂର୍ତ୍ତ। ତେଣୁ ସତର୍କତା ଅବଲମ୍ବନ ସହ ଦନ୍ତ ଓ କର୍ଣ୍ଣ, ନାକ ଡାକ୍ତରଙ୍କ ପରାମର୍ଶରେ ଔଷଧ ସେବନ ଓ ପ୍ରତିକାର ବିଧେୟ। ଦାନ୍ତବିନ୍ଧା ଏକ ଭୀଷଣ ପ୍ରକ୍ରିୟା ହୋଇଥିବାରୁ ରୁଟ୍‌ କେନାଲ କରିଦେବା ଜରୁରୀ।
ବ୍ଲାକ ଫଙ୍ଗସ୍‌ କ’ଣ ପ୍ରଥମେ ବୁଝନ୍ତୁ। ମୁକରୋମାଇକୋସିସ୍‌ ନାମକ ମାଟିର କବକ ଏବେ ଭାଇରାଲ ହୋଇଛି। ଏହା ଏବେ କୋକୁଆ ଭୟ ସୃଷ୍ଟି କରିଛି। କୋଭିଡ୍‌ ପରବର୍ତ୍ତୀ ପର୍ଯ୍ୟାୟରେ ଶରୀର ପ୍ରାକୃତିକ ଆର୍ଦ୍ରସ୍ଥାନ ଆଖି, ନାକ, ମୁଖ, ପାଟି, ଗଳାରେ ଏହାର ପ୍ରତିଫଳନ ହେବା ଦେଖାଯାଉଛି।
ପାଟିରେ ହ୍ବାଇଟ୍‌ ଫଙ୍ଗସ୍‌ କ’ଣ ଆସନ୍ତୁ ଜାଣିବା। ପାଟିରେ ହ୍ବାଇଟ୍‌ ଫଙ୍ଗସ୍‌ ସାଧାରଣତଃ ଗୁଟ୍‌ଖା ମାଢ଼ି ସଂକ୍ରମଣ, ଯକୃତ ସମସ୍ୟାରୁ ଦେଖା ଦେଇଥାଏ। ଏବେ କୋଭିଡ୍‌ ସୁସ୍ଥଙ୍କଠାରେ ପ୍ରତିରୋଧକ ଶକ୍ତି କମିବାରୁ ଓ ଅଚଳାବସ୍ଥାରୁ ଏହା ବହୁଧା ପରିଲକ୍ଷିତ। ଭୟଭୀତ ନ ହୋଇ ତୁରନ୍ତ ଡେଣ୍ଟାଲ ଓ ଓରାଲ ସର୍ଜନଙ୍କ ସହ ପରାମର୍ଶ କରନ୍ତୁ। ଆମ୍ପୋଟେରିସିନ୍‌ ଓ ନିଷ୍ଟାବିନ୍‌ ସହ କ୍ଲିଣ୍ଡାମାଇସିନ୍‌ର ସେବନ ଏହାକୁ ଏକ ସପ୍ତାହ ମଧ୍ୟରେ ପ୍ରଶମିତ କରେ। ସଂପୂର୍ଣ୍ଣ ଏକ ପାର୍ଶ୍ୱ ମାଢ଼ି ଓ ଗାଲପାଟି ସଂକ୍ରମଣ ହେଲେ ସ୍ଥଳବିଶେଷରେ ଏହାର ଅସ୍ତ୍ରୋପଚାର କରିବାକୁ ପଡ଼ିଥାଏ।
ଯେଉଁ ବ୍ୟକ୍ତିର ମୁଣ୍ଡ ଏବଂ ବେକ ସଂକ୍ରମିତ ହେଉଛି, ତାଙ୍କଠାରେ ସେହି ଫଙ୍ଗସ୍‌ ନିଃଶ୍ୱାସପ୍ରଶ୍ୱାସ ନେବାର ପଥ ଯଥା ନାକ ଏବଂ ସାଇନସ୍‌କୁ ବ୍ୟାପିବାର ଆଶଙ୍କା ରହିଛି। ଏହାପରେ ଏହି ଫଙ୍ଗସ୍‌ ଆଖି ଚାରିପଟେ ଥିବା ହାଡ଼ ଏବଂ ମସ୍ତିଷ୍କ ମଧ୍ୟକୁ ବ୍ୟାପିବା ସମ୍ଭାବନା ଥାଏ। ତେଣୁ ଏହାର ଆଗୁଆ ଚିହ୍ନଟ ଏବଂ ଚିକିତ୍ସା ଆବଶ୍ୟକତା ରହିଛି। ଫଙ୍ଗସ୍‌ ସଂକ୍ରମଣଗୁଡ଼ିକ ମଧ୍ୟରେ ଏହା ସବୁଠୁ ଅଧିକ ହଠାତ୍‌ ଦେଖାଯାଉଥିବା ଏବଂ କ୍ଷତିକାରକ ରୋଗ। ଉକ୍ତ ରୋଗକୁ ଚିହ୍ନଟ କରିବା କଷ୍ଟସାଧ୍ୟ। ଏଥିଯୋଗୁଁ ରୋଗୀ ଆରୋଗ୍ୟ ହେବା ବିଳମ୍ବ ହୋଇଥାଏ। ଜ୍ୱର, ମୁଣ୍ଡବିନ୍ଧା, ନାକ ଏବଂ ଆଖି ଚାରିପଟେ ଚର୍ମ ଲାଲ ଏବଂ ଫୁଲିବା, ଆଖିପତା ଫୁଲିବା, ମୁହଁରେ ଯନ୍ତ୍ରଣା, ଦୃଷ୍ଟିଶକ୍ତି ନଷ୍ଟ ହୋଇଯିବା ଭଳି ବିଭିନ୍ନ ଲକ୍ଷଣ ଏହି ରୋଗରେ ଦେଖାଯାଇଥାଏ। ଅନ୍ୟ କୌଣସି ରୋଗ ଥିବା ପ୍ରମାଣିତ ହୋଇ ନଥିଲେ ମୁକରମାଇକୋସିସ୍‌ରେ ଆକ୍ରାନ୍ତ ହୋଇଥିବା ଧରିନେବା। ଏଥିପାଇଁ ଇଏନ୍‌ଟି ଡାକ୍ତରଙ୍କ ତୁରନ୍ତ ପରାମର୍ଶ ନେବା, ନାଜାଲ ଏଣ୍ଡୋସ୍କୋପି, ନାଜାଲ ସ୍ବାବ୍‌ ଏବଂ ଏମ୍‌ଆରଆଇ ସ୍କାନ ଆଦି କରାଇନେବା ଆବଶ୍ୟକ। ଉଭୟ ଔଷଧ ଏବଂ ଅସ୍ତ୍ରୋପଚାର ମାଧ୍ୟମରେ ଏହି ରୋଗର ଚିକିତ୍ସା କରାଯାଇ ପାରିବ।
ବାକ୍‌ ଶ୍ରବଣ ବିଶେଷଜ୍ଞ ,‘ଧ୍ୱନୀ’, କାଠଗୋଲା ରୋଡ଼, ମଙ୍ଗଳାବାଗ, କଟକ,
ମୋ: ୯୪୩୮୨୭୬୭୬୦


Enter your email to get our daily news in your inbox.

All Right Reserved By Dharitri.Com

ଉଦାରବାଦୀ ବିଦ୍ୱାନ୍‌

ଭାରତୀୟ ଧର୍ମୀୟଧାରାକୁ ଦେଖିଲେ ପ୍ରତ୍ୟେକ ଧର୍ମରେ ରକ୍ଷଣଶୀଳ ଚିନ୍ତାଧାରାକୁ ଅନେକେ ଗ୍ରହଣ କରିଥାଆନ୍ତି। କିନ୍ତୁ କେତେକେ ସେହି ଶଗଡ଼ଗୁଳାରେ ନ ଯାଇ ବାସ୍ତବବାଦୀ ଆଭିମୁଖ୍ୟ ନେଇଥାଆନ୍ତି।...

ସାମୁଦ୍ରିକ ପ୍ରଳୟ

ବାଦଲ ଭୂୟାଁ   ପୃଥିବୀର ତାପମାତ୍ରା ବୃଦ୍ଧି ଓ ଜଳବାୟୁ ପରିବର୍ତ୍ତନଜନିତ ବିବିଧ ସମସ୍ୟା ମଣିଷ ପାଇଁ ଉଦ୍‌ବେଗର କାରଣ ହେଲାଣି। ବାୟୁମଣ୍ଡଳରେ ଗ୍ରୀନ୍‌ ହାଉସ...

ଏଇ ଭାରତରେ

ଆଶ୍ରମ ଶବ୍ଦ ଶୁଣିବା କ୍ଷଣି ଏକ ଆଧ୍ୟାମତ୍ିକ ସ୍ଥାନ କଥା ମନେପଡିଯାଏ, ଯେଉଁଠି ଦିବ୍ୟ ପରିବେଶ,ଜଣେ ଗୁରୁ ,ତାଙ୍କ ଅନୁଗାମୀଙ୍କ ଛବି ସାମ୍‌ନାକୁ ଆସିଥାଏ। କିନ୍ତୁ...

ସୀମାର ଦୁଃଖ

ଅନିଲ କୁମାର ବିଶ୍ୱାଳ ଏବେ ଆମ ରାଜ୍ୟରେ ଚର୍ଚ୍ଚା ଆନ୍ଧ୍ର ଓଡ଼ିଶା ସୀମାବର୍ତ୍ତୀ ଅଞ୍ଚଳକୁ ନେଇ। ଆନ୍ଧ୍ର ସରକାର ଓଡ଼ିଶାର କିଛି ଅଞ୍ଚଳରେ ନିର୍ବାଚନ କରାଇଛନ୍ତି।...

ମହିମାଗାଦିର ମହାମେଳା

ଡ. ଉଦ୍ଧବ ଚରଣ ନାୟକ ମହିମାଗାଦି ହେଉଛି ଓଡ଼ିଶାର ନିଜସ୍ବ ଧର୍ମ ମହିମାଧର୍ମର ପୁଣ୍ୟପୀଠ। ଏହି ଧର୍ମର ପ୍ରାଣପ୍ରତିଷ୍ଠାତା ମହିମା ଗୋସେଇଁ ଦୀର୍ଘ ୧୪ବର୍ଷକାଳ ପଦବ୍ରଜରେ...

ବିଷୟ ଚୟନ ଓ ଭବିଷ୍ୟତ ନିର୍ମାଣ

ଡ. ମନୋରଞ୍ଜନ ପ୍ରଧାନ ମାତାପିତାଙ୍କ ପାଇଁ ବଡ଼ ଚିନ୍ତାର କାରଣ ହେଉଛି ସେମାନଙ୍କ ପୁଅ ଝିଅମାନଙ୍କ ଲାଗି କେଉଁ ଷ୍ଟ୍ରିମ୍‌ ବା କେଉଁ ପାଠ୍ୟକ୍ରମ ବାଛିବେ?...

ଏଇ ଭାରତରେ

ଜଣେ ଦିବ୍ୟାଙ୍ଗ ଅନ୍ୟ ଦିବ୍ୟାଙ୍ଗଙ୍କ ଦୁଃଖ ବୁଝି ସେମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବାର ଦୃଷ୍ଟାନ୍ତ ସାମ୍‌ନାକୁ ଆସିଛି ଗୁଜରାଟରେ। ନିଲମ୍‌ ପାରାମର ତାଙ୍କ...

ସବୁଜ ଶକ୍ତି ଚିନ୍ତା

ଜୋଶେପ ବୋରେଲ, ଓ୍ବିର୍ନର ହୋୟେର ରୁଷିଆର ୟୁକ୍ରେନ୍‌ ଆକ୍ରମଣ ଶକ୍ତି ଓ ଜଳବାୟୁ ନୀତିକୁ ଅଧିକ ଗତିଶୀଳ କରିବାକୁ ୟୁରୋପୀୟ ସଂଘ(ଇୟୁ)କୁ ବାଧ୍ୟ କରିଛି। ରାଜନୈତିକ...

Advertisement
Archives

Model This Week