କୋରାପୁଟ,୮ା୧୦(ସ୍ବ.ପ୍ର.): କୋରାପୁଟ ଜିଲାରେ କରୋନା ସଂକ୍ରମିତଙ୍କ ସଂଖ୍ୟା ହ୍ରାସ ପାଉଥିବାବେଳେ ଗୁରୁବାର ୩୬ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ସଂକ୍ରମିତଙ୍କ ମଧ୍ୟରେ ୨୪ ପୁରୁଷ ଏବଂ ୧୨ ଜଣ ମହିଳା ଅଛନ୍ତି। ସେମାନଙ୍କ ମଧ୍ୟରୁ କ୍ୱାରାଣ୍ଟାଇନ୍ ସେଣ୍ଟରରୁ ୬ ଜଣ, ପୂର୍ବ ପଜିଟିଭ୍ଙ୍କ ସଂସ୍ପର୍ଶରେ ଆସି ୧୬ ଜଣ ଓ ୧୪ ଜଣ ସ୍ଥାନୀୟ ସଂକ୍ରମିତ ରହିଛନ୍ତି। ଏମାନଙ୍କ ମଧ୍ୟରୁ ଜଣେ ମାଲାକାନଗିରି ଫେରନ୍ତା ହୋଇଥିବା ବେଳେ ଜଣେ ନବରଙ୍ଗପୁର, ଜଣେ ଗଞ୍ଜାମ, ଜଣେ ଆନ୍ଧ୍ରପ୍ରଦେଶ, ଜଣେ ଝାଡ଼ଖଣ୍ଡ ଓ ଜଣେ ଭୁବେନେଶ୍ୱର ଫେରନ୍ତା ରହିଛନ୍ତି। ସେହିପରି ସଂକ୍ରମିତଙ୍କ ମଧ୍ୟରେ ଜିଲାର ଜୟପୁର ମ୍ୟୁନିସିପାଲିଟିରୁ ୫ ଜଣ, କୋରାପୁଟ ମ୍ୟୁନିସିପାଲିଟିରୁ ୫ ଜଣ, ସୁନାବେଡ଼ା ମ୍ୟୁନିସିପାଲିଟିରୁ ୨ ଜଣ ଓ କୋଟପାଡ଼ ଏନ୍ଏସି ଅଞ୍ଚଳରୁ ୬ ଜଣ ରହିଥିବାବେଳେ କୋରାପୁଟ ବ୍ଲକ ଅଞ୍ଚଳରୁ ଜଣେ, ବୈପାରୀଗୁଡ଼ା ବ୍ଲକ ଅଞ୍ଚଳରୁ ୨ ଜଣ, ବୋରିଗୁମ୍ମା ବ୍ଲକ ଅଞ୍ଚଳରୁ ୬ ଜଣ, ଦଶମନ୍ତପୁର ବ୍ଲକ ଅଞ୍ଚଳରୁ ୨ ଜଣ, କୁନ୍ଦ୍ରା ବ୍ଲକ ଅଞ୍ଚଳରୁ ଜଣେ, ଲମତାପୁଟ ବ୍ଲକ ଅଞ୍ଚଳରୁ ଜଣେ, ଲକ୍ଷ୍ମୀପୁର ବ୍ଲକ ଅଞ୍ଚଳରୁ ଜଣେ, ପଟ୍ଟାଙ୍ଗି ବ୍ଲକ ଅଞ୍ଚଳରୁ ଜଣେ ଓ ସେମିଳିଗୁଡ଼ା ବ୍ଲକ ଅଞ୍ଚଳରୁ ୨ ଜଣ ସଂକ୍ରମିତ ହୋଇଛନ୍ତି।
