ସହରରୁ ଗାଁ କରୋନା କାୟା

ନୂଆଦିଲ୍ଲୀ,୧୫ା୫: ଗ୍ରାମାଞ୍ଚଳର ଲୋକେ ଅସୁସ୍ଥ ହେଲେ ଉନ୍ନତ ସ୍ବାସ୍ଥ୍ୟସେବା ଆଶାରେ ସହରକୁ ଚିକିତ୍ସା ପାଇଁ ଯାଇଥାଆନ୍ତି। କିନ୍ତୁ ବଡ଼ ବଡ଼ ସହରରେ ମହାମାରୀର ଦ୍ୱିତୀୟ ଲହର ବୋଝ ସମ୍ଭାଳି ନ ପାରି ସ୍ବାସ୍ଥ୍ୟ ଭିତ୍ତିଭୂମି ଭୁଶୁଡ଼ି ପଡ଼ିଥିବାରୁ ଗାଁରେ ରହୁଥିବା ସଂକ୍ରମିତମାନେ ଏବେ ଚିନ୍ତାରେ ପଡ଼ିଯାଇଛନ୍ତି । ଗାଁ ଗହଳିର ଛୋଟିଆ ହସ୍ପିଟାଲ ବାରଣ୍ଡାରେ ପରିଜନଙ୍କ ମୃତଦେହ ରଖି ଆମତ୍ୀୟସ୍ବଜନ ଭୋ ଭୋ କାନ୍ଦୁଥିବାର କରୁଣ ଚିତ୍ର ଟିଭିରେ ଦେଖିବାକୁ ମିଳୁଛି । ମୃତକଙ୍କ ପରିବାର ଲୋକେ କହୁଛନ୍ତି, ସରକାର ତ ନାକ ତଳ ସହରୀଙ୍କୁ ଚିକିତ୍ସା କରିପାରୁ ନାହାନ୍ତି, ଆମ କଥା କିଏ ପଚାରେ ।
ଦେଶରେ ନୋଭେଲ କରୋନା ଭାଇରସ୍‌ର ଦୌରାମତ୍‌ୟ କମିବାର ନାଁ ନେଉନାହିଁ। ଭାକ୍ସିନ, ଅକ୍ସିଜେନ ଓ ଅନ୍ୟ ଜରୁରୀ ଡାକ୍ତରୀ ଉପକରଣର ଅଭାବ ଜନଜୀବନକୁ ଦୁର୍ବିଷହ କରିଦେଇଛି। ଗାଁରୁ ସହର ସବୁଠି ସଂକ୍ରମଣର ଆତଙ୍କ ଓ ମୃତ୍ୟୁର ବିଭୀଷିକା ଭାରତର ଦୁର୍ବଳ ସ୍ବାସ୍ଥ୍ୟସେବା ବ୍ୟବସ୍ଥାର ଅସଲ ଚିତ୍ରକୁ ପଦାରେ ପକାଇଛି। ଶୁକ୍ରବାର ପୂର୍ବାହ୍ନ ୧୦ଟା ସୁଦ୍ଧା (୨୪ ଘଣ୍ଟାର ରେକର୍ଡ)କୁ ଦେଖି ନିରାଶ ହେବାକୁ ପଡ଼ିଛି। କୋଭିଡ୍‌-୧୯ ଭୂତାଣୁ ଦେଶରେ ଦିନକ ମଧ୍ୟରେ ୪,୦୦୦ ଜଣଙ୍କ ଜୀବନ ନେଇଛି। ଏହାସହ ମୋଟ ମୃତକଙ୍କ ସଂଖ୍ୟା ୨,୬୨,୩୧୭କୁ ବୃଦ୍ଧି ପାଇଛି। ସେହିପରି ୩,୪୩,୧୪୪ ନୂଆ ସଂକ୍ରମିତ ଚିହ୍ନଟ ହେବା ପରେ ମୋଟ ଆକ୍ରାନ୍ତଙ୍କ ସଂଖ୍ୟା ୨,୪୦,୪୬,୮୦୯ରେ ପହଞ୍ଚତ୍ଛି। ତେବେ ଏହା କେନ୍ଦ୍ର ସରକାରଙ୍କ ସ୍ବାସ୍ଥ୍ୟ ମନ୍ତ୍ରଣାଳୟର ତଥ୍ୟ। ହିସାବ ବହିର୍ଭୂତ ସଂକ୍ରମିତ ଓ ମୃତକଙ୍କ ପ୍ରକୃତ ସଂଖ୍ୟାକୁ ଯୋଡ଼ାଗଲେ ଆହୁରି ଭୟାନକ ଚିତ୍ର ସାମ୍ନାକୁ ଆସିବ ବୋଲି ବିଶେଷଜ୍ଞମାନେ ମତ ଦେଇଛନ୍ତି। ବିଶ୍ୱ ସ୍ବାସ୍ଥ୍ୟ ସଙ୍ଗଠନ (ଡବ୍ଲ୍ୟୁଏଚ୍‌ଓ) ମତରେ ଦିନକ ଭିତରେ ପୃଥିବୀର ମୋଟ ସଂକ୍ରମଣର ୫୦% ଓ ମୃତ୍ୟୁସଂଖ୍ୟାର ୩୦% କେବଳ ଭାରତରେ ରହିଛି।
କୋଭିଡ୍‌ ପ୍ରହାରରେ ଭାରତର ଗ୍ରାମାଞ୍ଚଳ ଛାରଖାର ହୋଇଯାଇଛି। ତୁରନ୍ତ ବ୍ୟବସ୍ଥା ନ କଲେ ସ୍ଥିତି ଆହୁରି ଖରାପ ହେବ ବୋଲି ଜଳଜଳ ଦିଶୁଛି। ଏଥିଲାଗି ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଭୂପିନ୍ଦର ସିଂ ହୁଡା ଲେଖିଛନ୍ତି, କେନ୍ଦ୍ର ସରକାର ବିକେନ୍ଦ୍ରୀକରଣ ଉପରେ ଗୁରୁତ୍ୱ ଦେବା ଜରୁରୀ ହୋଇପଡ଼ିଛି। ରାଜ୍ୟଗୁଡ଼ିକ ମଧ୍ୟ ସମସ୍ତ ତଥ୍ୟ ହାସଲ କରନ୍ତୁ। ନିଜ ଦକ୍ଷତା ବୃଦ୍ଧି ସହ ପଞ୍ଚାୟତଗୁଡ଼ିକୁ କୋଭିଡ୍‌ ମୁକାବିଲାର ମୁଖ୍ୟାଳୟ ରୂପେ ବ୍ୟବହାର କରନ୍ତୁ। କେନ୍ଦ୍ର ଓ ରାଜ୍ୟ ସରକାରମାନେ ସମନ୍ବୟ ରକ୍ଷା କରି ସଂକ୍ରମଣ ରୋକିବା ଦିଗରେ ଉଦ୍ୟମ କରନ୍ତୁ। ଦେଶର ୭୫% ହସ୍ପିଟାଲ ସହରାଞ୍ଚଳରେ ରହିଛି। ବର୍ତ୍ତମାନ ସେଗୁଡ଼ିକର ଅବସ୍ଥା ନ କହିବା ଭଲ। ଅବଶିଷ୍ଟ ୨୫% ଡାକ୍ତରଖାନା ଥିବା ଗ୍ରାମାଞ୍ଚଳରେ ସ୍ବାସ୍ଥ୍ୟ ଭିତ୍ତିଭୂମିକୁ ସୁଦୃଢ଼ କରିପାରିଲେ ସ୍ଥିତିରେ ସୁଧାର ଆସିପାରେ।
ଭାରତୀୟ ଷ୍ଟେଟ୍‌ ବ୍ୟାଙ୍କ (ଏସ୍‌ବିଆଇ) ରିପୋର୍ଟ ଅନୁସାରେ ଗ୍ରାମାଞ୍ଚଳରେ ନୂଆ ସଂକ୍ରମଣ ମାମଲା ୩୬% ଥିଲା। ଚଳିତମାସରେ ଏହା ୪୮ ପ୍ରତିଶତକୁ ବୃଦ୍ଧି ପାଇଛି।
ଭାରତର ମୋଟ ଜନସଂଖ୍ୟାର ୬୫% ଗ୍ରାମାଞ୍ଚଳରେ ବସବାସ କରନ୍ତି। କିନ୍ତୁ କରୋନା ସଂକ୍ରମଣର ଦ୍ୱିତୀୟ ଲହର ତାଣ୍ଡବ ରଚିଚାଲିଥିବାବେଳେ ସୀମିତ ସ୍ବାସ୍ଥ୍ୟସେବା, ତାଲିମପ୍ରାପ୍ତ ଡାକ୍ତରୀ ଷ୍ଟାଫ୍‌ଙ୍କ ଅଭାବ, ଭାକ୍ସିନ ନ ପହଞ୍ଚତ୍ବା, ଟେଷ୍ଟିଂ ବ୍ୟବସ୍ଥା ନ ରହିବା ଅଭୂତପୂର୍ବ ମାନବିକ ସଙ୍କଟକୁ ଜନ୍ମ ଦେଇଛି।
ଗାଁଗୁଡ଼ିକରେ ସଚେତନତା ଅଭାବରୁ ବହୁସଂଖ୍ୟକ ଲୋକ କୋଭିଡ୍‌ ଟେଷ୍ଟ ପାଇଁ ନମୁନା ଦେବାକୁ ଏବେ ମଧ୍ୟ କୁଣ୍ଠାବୋଧ କରୁଛନ୍ତି। ଏପରି କି ଟେଷ୍ଟ କରିବା ପରେ ପଜିଟିଭ୍‌ ଚିହ୍ନଟ ହେଲେ ମଧ୍ୟ ଅନେକେ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହେଉନାହାନ୍ତି। କରୋନାକୁ ଏକ ସାଧାରଣ ଜ୍ୱର ମନେକରି ଲୋକଙ୍କ ସହ ଅବାଧ ମିଳାମିଶା କରୁଥିବାରୁ ସଂକ୍ରମଣ ବଢ଼ିବାରେ ଲାଗିଛି।
ଗାଁଗୁଡ଼ିକରେ କରୋନା ସଂକ୍ରମଣ ବଢ଼ିଚାଲିଲେ ପରିଣାମ କେବଳ ଜୀବନହାନିରେ ସୀମିତ ରହିବ ନାହଁ। ସ୍ଥାନୀୟଠାରୁ ନେଇ ଜାତୀୟସ୍ତର ପର୍ଯ୍ୟନ୍ତ ଅର୍ଥନୀତି ବହୁଳ ଭାବେ ପ୍ରଭାବିତ ହେବ। ଏପରି କି ଯୋଗାଣ ଶୃଙ୍ଖଳ ବାଧାପ୍ରାପ୍ତ ହୋଇ ଦେଶରେ ଖାଦ୍ୟ ସଙ୍କଟ ମୁଣ୍ଡ ଟେକିବ।
କୋଭିଡ୍‌ଜନିତ ଆହ୍ବାନ ଗ୍ରାମାଞ୍ଚଳରେ କର୍ମନିଯୁକ୍ତି ହ୍ରାସ ସହ ଲୋକଙ୍କ ଆୟକୁ ଦୁର୍ବଳ କରିଦେବ। ତେଣୁ କେନ୍ଦ୍ରର ନରେନ୍ଦ୍ର ମୋଦି ସରକାର ଅଭାବ ଅନଟନରେ ଥିବା ଗାଁ ଲୋକଙ୍କ ବ୍ୟାଙ୍କ ଖାତାକୁ ସିଧାସଳଖ ନଗଦ ସହାୟତା ରାଶି ପଠାନ୍ତୁ ବୋଲି ବିଶେଷଜ୍ଞମାନେ ମତ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ମୁମ୍ବାଇରେ ଡାକ୍ତର, ନର୍ସ କରୋନା ସଂକ୍ରମିତ: ୨ ଘରୋଇ ହସ୍ପିଟାଲ ସିଲ୍‌

ମୁମ୍ବାଇ,୭।୪: ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ବଢି ଚାଲିଥିବା ବେଳେ ଏବେ ଏହା ଡାକ୍ତର ଓ ନର୍ସଙ୍କ ମଧ୍ୟରେ ଦେଖାଯିବାରୁ ଚିନ୍ତାର କାରଣ ପାଲଟିଯାଇଛି। ଏଠାରେ...

ଭିକାରୀଙ୍କ ବଦାନ୍ୟତା, କରୋନା ରିଲିଫ୍‌ ପାଣ୍ଠିକୁ ଦେଲେ…

ଚେନ୍ନାଇ,୧୯ା୮: କରୋନା ମହାମାରୀ ସମଗ୍ର ବିଶ୍ୱବାସୀଙ୍କ ଆର୍ଥିକ ସ୍ଥିତିକୁ ଦୋହଲାଇ ଦେଇଛି। ଏହି ସଙ୍କଟ ସମୟରେ ଲୋକେ ଜଣେ ଜଣଙ୍କୁ ସାହାଯ୍ୟ କରିବା ପାଇଁ ଆଗେଇ...

୨୪ ଘଣ୍ଟାରେ କରୋନା ମୃତ୍ୟୁ ସଂଖ୍ୟା ୧ହଜାର ମୁହାଁ

ନୂଆଦିଲ୍ଲୀ,୧୫।୮: ଦେଶରେ କରୋନା ସ୍ଥିତି ବେଳକୁ ବେଳ ବିଗିଡିବାରେ ଲାଗିଛି। ଗତ ୨୪ ଘଣ୍ଟାରେ ଦେଶରେ ୬୫,୦୦୨ ନୂଆ ସଂକ୍ରମିତଙ୍କୁ ଚିହ୍ନଟ କରାଯିବା ପରେ ଏବେ...

ଅନ୍‌ଲକ୍‌ ୨.୦ ଗାଇଡ୍‌ଲାଇନ୍‌ ଜାରି

ନୂଆଦିଲ୍ଲୀ,୨୯ା୬: ଅନ୍‌ଲକ୍‌ ୧.୦ ସମୟସୀମା ମଙ୍ଗଳବାର ଶେଷ ହେଉଥିବା ବେଳେ ଏହାର ଦିନକ ପୂର୍ବରୁ କେନ୍ଦ୍ର ସରକାର ଦ୍ୱିତୀୟ ପର୍ଯ୍ୟାୟ ଅନ୍‌ଲକ୍‌ (ଅନ୍‌ଲକ୍‌ ୨.୦) ପାଇଁ...

ନିଦ୍ରା ପାଲଟିଲା ମହାନିଦ୍ରା: ୧୬ ଶ୍ରମିକ ମୃତ

ଜଲଗାଓ୍ବଁ,୧୫।୨: ମହାରାଷ୍ଟ୍ର ଜଲଗାଓ୍ବଁରେ ଏକ ସଡ଼କ ଦୁର୍ଘଟଣାରେ ୧୬ ଜଣଙ୍କ ମୃତ୍ୟୁ ଘଟିଛି। ଏକ ଅମୃତ ଭଣ୍ଡା ବୋଝେଇ ଟ୍ରକ୍‌ ଜଲଗାଓ୍ବଁର ରାବେରକୁ ଯାଉଥିଲା। ତେବେ...

କମଲେଶଙ୍କୁ ୧୫ ଥର ଛୁରି ଭୁସିଥିଲେ ହତ୍ୟାକାରୀ

ଲକ୍ଷ୍ନୌ,୨୪ା୧୦(ପି.ଟି.): ହିନ୍ଦୁବାଦୀ ନେତା କମଳେଶ ତିଓ୍ବାରୀଙ୍କୁ ହତ୍ୟାକାରୀ ୧୫ ଥର ଛୁରି ଭୁସିବା ସହ ମୁହଁକୁ ଗୁଳି କରିଥିଲେ। ଶବ ବ୍ୟବଚ୍ଛେଦ ରିପୋର୍ଟରୁ ଏହା ଜଣାପଡିଛି।...

ବିଧାୟକ ଦଳ ବୈଠକ ପରେ ଘୋଷଣା ହେବ କର୍ନାଟକ ନୂଆ ମୁଖ୍ୟମନ୍ତ୍ରୀଙ୍କ ନାଁ

ବେଙ୍ଗାଲୁରୁ,୨୭ ।୭: କର୍ନାଟକର ନୂଆ ମୁଖ୍ୟମନ୍ତ୍ରୀଙ୍କ ନାଁ ମଙ୍ଗଳବାର ସନ୍ଧ୍ୟା ସୁଦ୍ଧା ନିଷ୍ପତି ହୋଇଯିବ । କର୍ନାଟକ ମୁଖ୍ୟମନ୍ତ୍ରୀ ପଦରୁ ସୋମବାର ବିଏସ୍ ୟେଦୁରପ୍ପା ଇସ୍ତଫା...

ମଦ ପିଇ ମାତାଲ୍‌ ହେଲେ ମଇଁଷି, ମାଲିକ ଗିରଫ…

ଅହମଦାବାଦ୍‌,୮।୭: ଗୁହାଳରେ ରଖାଯାଇଥିବା ମଦ ପିଇ ମଇଁଷିମାନେ ମାତାଲ ହୋଇ ସର୍ବସାଧାରଣ ରାସ୍ତାରେ ଭଙ୍ଗାରୁଜା କରିଥିଲେ। ଏଭଳି ଅଭାବନୀୟ ଘଟଣା ଗୁଜରାଟର ଗାନ୍ଧିନଗରରେ ଘଟିଛି। ଖବର...

Advertisement


Archives

Model This Week