ଭୁବନେଶ୍ୱର,୧୦।୨: ଓଡ଼ିଶାରେ ବୁଧବାର ୮୧ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକି ମିଶାଇ ରାଜ୍ୟରେ କୋଭିଡ୍-୧୯ରୁ ମୁକ୍ତ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩,୩୩,୨୨୦ରେ ପହଞ୍ଚିଛି। ଖୋର୍ଦ୍ଧାରୁ ସର୍ବାଧିକ ୧୩, ସୁନ୍ଦରଗଡ଼ରୁ ୧୦, ବାଲେଶ୍ୱରରୁ ୭, ବରଗଡ଼, ଝାରୁସୁଗୁଡ଼ା, ନୂଆପଡ଼ା ଓ ସମ୍ବଲପୁରରୁ ୫, କଟକ, ସୋନପୁର ଓ ପୁରୀରୁ ୪, ରାୟାଗଡ଼ରୁ ୩, ଗଞ୍ଜାମ, ମୟୁରଭଞ୍ଜ ଓ ଯାଜପୁରରୁ ୨, ଅନୁଗୁଳ, ବଲାଙ୍ଗୀର, ଦେଓଗଡ଼, ଜଗତ୍ସିଂହପୁର, କଳାହାଣ୍ଡି, କେନ୍ଦ୍ରାପଡ଼ା ଓ କେନ୍ଦୁଝରରୁ ଜଣେ ଲେଖାଏ ଏବଂ ଷ୍ଟେଟ୍ ପୁଲରୁ ୩ ଜଣ ଆରୋଗ୍ୟ ଲାଭ କରିଛନ୍ତି। ଏ ନେଇ ରାଜ୍ୟର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।
