ଖରସ୍ରୋତାରୁ ଭଦ୍ରକକୁ ପାଣି ଦେବା ବିବାଦ: ଜିଆଇଜେଡ୍‌ର ଭିତରକନିକା ରିପୋର୍ଟକୁ ଉପେକ୍ଷା

କେନ୍ଦ୍ରାପଡ଼ା ଅଫିସ,୨୦।୮: କେନ୍ଦ୍ରାପଡ଼ା ଜିଲା ରାଜକନିକା ବ୍ଲକ ବରୁଣାଡିହା ନିକଟ ଖରସ୍ରୋତା ନଦୀରୁ ଭଦ୍ରକ ଜିଲାର ୪ ବ୍ଲକ ଅଞ୍ଚଳକୁ ପାଣି ଦେବା ବିବାଦ ଆଇନଗତ କାର୍ଯ୍ୟାନୁଷ୍ଠାନ ଦିଗକୁ ଗତି କରୁଛି। କେନ୍ଦ୍ର ସରକାରଙ୍କ ପର୍ଯ୍ୟାବରଣ (ଜଙ୍ଗଲ,ପରିବେଶ ଓ ଜଳବାୟୁ ପରିବର୍ତ୍ତନ) ବିଭାଗ ଓ ଜିଆଇଜେଡ୍‌ (ଅନ୍ତର୍ଜାତୀୟ ସହଯୋଗ କ୍ଷେତ୍ରରେ କାର୍ଯ୍ୟ କରୁଥିବା ଜର୍ମାନ ସଂସ୍ଥା) ଦ୍ୱାରା ଭିତରକନିକା ଉପରେ ହୋଇଥିବା ସଦ୍ୟତମ ସର୍ଭେ ରିପୋର୍ଟକୁ ଉପେକ୍ଷା କରାଯାଉଛି। ସେହିପରି ୨୦୨୦ ଡିସେମ୍ବର ୩ ଓ ୧୪ ତାରିଖରେ ଅନୁଷ୍ଠିତ ଭିତରକନିକା ଇକୋ ସେନ୍ସିଟିଭ ଜୋନ ମନିଟରିଂ କମିଟି ବୈଠକର ରିଜୋଲ୍ୟୁଶନ ଉପରେ ସଭ୍ୟ ଶ୍ରୀକାନ୍ତ ନାୟକ ପ୍ରଶ୍ନ ଉଠାଇ ଗତ ୧୦ ତାରିଖରୁ ଅନଶନରେ ଅଛନ୍ତି। ସେ କହିଛନ୍ତି , ଜୋନ ମନିଟରିଂ କମିଟିରେ ମୋଟ ୧୦ ଜଣ ସଭ୍ୟ ଥିଲେ ମଧ୍ୟ ମାତ୍ର ୬ ଜଣଙ୍କୁ ବୈଠକ ପାଇଁ ନୋଟିସ ହୋଇଛି। ନୋଟିସରେ ଜିଲା ମନିଟରିଂ କମିଟି ଉଲ୍ଲେଖ ରହିଛି। ତେବେ ଏହା ଭିତରକନିକା ଇକୋ ସେନ୍ସିଟିଭ ଜୋନ ମନିଟରିଂ କମିଟି ହୋଇଥିବା ବେଳେ ଏହି କମିଟିରେ କେନ୍ଦ୍ରାପଡ଼ା ସମେତ ଭଦ୍ରକ ଜିଲାର ସଭ୍ୟ ଅଛନ୍ତି। ଖରସ୍ରୋତା ପ୍ରକଳ୍ପ ନିର୍ମାଣ କାର୍ଯ୍ୟ ପ୍ରାୟ ୪୦ ପ୍ରତିଶତ ପରେ ଏହି କମିଟିର ବୈଠକ ଡକା ଯାଇଛି। ଦୁଇଟି ବୈଠକର ରିଜୋଲ୍ୟୁଶନ ଗୋଟିଏରେ ସମାପ୍ତ କରାଯାଇଛି। ଏପରିକି କମିଟିର ସଦସ୍ୟ ନ ଥିବା ପଦାଧିକାରୀଙ୍କୁ ଦସ୍ତଖତ କରାଇ ରିଜୋଲ୍ୟୁଶନ ମଞ୍ଜୁରୀ କରାଯାଇଛି। ଯାହାକି ବେଆଇନ । ଏପରି ରିଜୋଲ୍ୟୁଶନରେ ହେଉଥିବା ପ୍ରକଳ୍ପକୁ ବନ୍ଦ କରାଯାଇ ଭିତରକନିକାର ଜୈବବିବିଧତାକୁ ନଷ୍ଟ ମୁଖରୁ ବଞ୍ଚାଇବା ପାଇଁ ବୈଷୟିକ ଟିମ୍‌ ଅନୁଧ୍ୟାନ କରନ୍ତୁ।
ଏ ନେଇ ସାମାଜିକ କର୍ମୀ ସଞ୍ଜୟ ବେହୁରା, ଅଧ୍ୟାପକ କ୍ଷିତୀଶ କୁମାର ସିଂହ ଓ ଡ. ପ୍ରଦୀପ କୁମାର ତରାଇ ଆଇନଗତ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତି ଚଳାଇଥିବା କହିଛନ୍ତି। ୨୦୧୯ ଡିସେମ୍ବରରୁ କେନ୍ଦ୍ର ସରକାରଙ୍କ ପର୍ଯ୍ୟାବରଣ ବିଭାଗ ପକ୍ଷରୁ ଭାରତର ଜୈବବିବିଧତା ଓ ପରିବେଶ ସୁରକ୍ଷା ପାଇଁ ଆର୍ଦ୍ରଭୂମି ପରିଚାଳନା (ୱଟଲ୍ୟାଣ୍ଡ୍‌ସ ମ୍ୟାନେଜମେଣ୍ଟ ଫର୍‌ ବାଇଓ ଡାଇଭର୍‌ସିଟି ଆଣ୍ଡ କ୍ଲାଇମେଟ ପ୍ରୋଟେକ୍ସନ) ସର୍ଭେ ହୋଇଛି। ସର୍ଭେରେ ଭାରତର ହିମାଚଳପ୍ରଦେଶର ପଙ୍ଗ ଓ ରେଣୁକା, ଓଡ଼ିଶାର ଭିତରକନିକା, ତାମିଲନାଡୁର ଦି ପଏଣ୍ଟ କାଲିମାର ରାମସାର ସାଇଟକୁ ନିଆଯିବା ସହ ଚିଲିକା ଅଞ୍ଚଳକୁ ଏଥିରେ ସାମିଲ କରାଯାଇଛି। ଏହି ସର୍ଭେ ପାଇଁ ଜର୍ମାନ ଫେଡେରାଲ ମିନିଷ୍ଟ୍ରି ସହ ଇଣ୍ଟର ନ୍ୟାଶନାଲ କ୍ଲାଇମେଟ ଇନିସିଏଟିଭ (ଆଇକେଆଇ) ସହଯୋଗ କରୁଛି। ଭିତରକନିକା ରାମସାର ସାଇଟ ସର୍ଭେରେ ସାମିଲ ହୋଇଥିବା ଜିଆଇଜେଡ ବୈଜ୍ଞାନିକ ଭିତରକନିକାର ପରିବେଶ ପାଇଁ ମଧୁରଜଳ ଆବଶ୍ୟକତାକୁ ଅନୁଧ୍ୟାନ କରିଥିଲେ। ସମୁଦ୍ର ତଟ ଅଞ୍ଚଳ କ୍ଷୟ, ପର୍ଯ୍ୟାପ୍ତ ପରିମାଣର ଚିଙ୍ଗୁଡି ଘେରି ସହ ନଦୀର ଜଳସ୍ରୋତ କମୁଥିବା ନେଇ ସେମାନେ ଉଦ୍‌ବେଗ ପ୍ରକାଶ କରିଛନ୍ତି। ସେହିପରି ଏହି ଆର୍ଦ୍ରଭୂମିକୁ ଅଣମୌସୁମୀ ସମୟରେ ମାତ୍ର ୧୫ ପ୍ରତିଶତ ମଧୁର ଜଳ ପହଞ୍ଚୁଥିବା ନେଇ ରିସର୍ଚ୍ଚ ପେପରରେ ଦର୍ଶାଯାଇଛି। ଅପରପକ୍ଷରେ ଖରସ୍ରୋତା ନଦୀରେ ମେଗା ପାନୀୟ ଜଳ ପ୍ରକଳ୍ପର ନିର୍ମାଣ କାର୍ଯ୍ୟ ହାଇଦ୍ରାବାଦର ଠିକା ସଂସ୍ଥା ଦାୟିତ୍ୱ ନେଇଛି। ଏହି ସହରରେ ଥିବା ଆଇଆଇଟି ରିପୋର୍ଟକୁ ରିଜୋଲ୍ୟୁଶନରେ ଦର୍ଶାଇବା ଏବେ ପ୍ରଶ୍ନବାଚୀ ସୃଷ୍ଟି କରିଛି। ରିପୋର୍ଟରେ ନିର୍ମାଣ କାର୍ଯ୍ୟ ସମୟରେ ପରିବେଶ ଉପରେ ଯେଭଳି ପ୍ରଭାବ ନ ପଡିବ ସେ ସମ୍ପର୍କରେ ତଥ୍ୟ ଉପସ୍ଥାପିତ କରାଯାଇଛି। ହେଲେ ଖରସ୍ରୋତାରୁ ପାଣି ଉଠାଇବା ପରେ ଭିତରକନିକା ଉପରେ କି ପ୍ରଭାବ ପଡିବ ସେ ସମ୍ପର୍କରେ କିଛି ଉଲ୍ଲେଖ କରାଯାଇନାହିଁ। ସେହିପରି ଓୟୁଏଟିର ଏକ ରିପୋର୍ଟକୁ ଜିଲା ପ୍ରଶାସନ ଦର୍ଶାଉଛି। ଜିଆଇଜେଡ୍‌ ପକ୍ଷରୁ ସର୍ଭେ ପାଇଁ ୬ ମାସ ସମୟ ନିଆଯାଇଥିଲା। ହେଲେ ୬୭୨ ବର୍ଗ କି.ମି. ଜାତୀୟ ଉଦ୍ୟାନକୁ ଦୁଇଦିନିଆ ଗସ୍ତରେ ଆସି ଓୟୁଏଟି ବିଶେଷଜ୍ଞ କମିଟି କିଭଳି ଭିତରକନିକାର ପରିବେଶ ଉପରେ ପ୍ରକଳ୍ପର ପ୍ରଭାବ ପଡିବନି ବୋଲି ରିପୋର୍ଟ ଦେଲା ତାହାକୁ ନେଇ ପ୍ରଶ୍ନ ଉଠାଯିବ। ଏଥିସହ ଇକୋ ସେନ୍ସିଟିଭ ଜୋନରେ ପ୍ରକଳ୍ପ ନେଇ ଆଇନଗତ କାର୍ଯ୍ୟାନୁଷ୍ଠାନ କରିବାକୁ ପ୍ରସ୍ତୁତି ଚାଲିଥିବା ବୋଲି ସେମାନେ ପ୍ରକାଶ କରିଛନ୍ତି। ଏ ସମ୍ପର୍କରେ ଏଡିଏମ୍‌ ବସନ୍ତ କୁମାର ରାଉତ କହିଛନ୍ତି ଯେ, ପ୍ରକଳ୍ପ ସମ୍ପର୍କରେ ସମସ୍ତ ଆଇନଗତ ଦିଗର ତର୍ଜମା ଜିଲା ପ୍ରଶାସନ ପକ୍ଷରୁ କରାଯାଇଛି। ଏହା ପରେ ନିର୍ମାଣ କାର୍ଯ୍ୟ ଆରମ୍ଭ ହୋଇଥିବା ସେ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ରାଇକିଆ ବ୍ଲକର ବିଭିନ୍ନ ପଞ୍ଚାୟତରେ ବଣ୍ଟାଗଲା ରାଶନ

ରାଇକିଆ,୩୧।୩(ଡି.ଏନ୍‌. ଏ.): କରୋନା ଯୋଗୁ ଦେଶରେ ଲକ୍‌ଡାଉନ ଘୋଷଣା ପରେ କନ୍ଧମାଳ ଜିଲା ରାଇକିଆ ବ୍ଲକରେ ସୁରକ୍ଷା ଦୃଷ୍ଟିରୁ ପ୍ରତି ପଞ୍ଚାୟତରେ ୱାର୍ଡ ସ୍ତରରେ ରାଶନ...

ଜରପଡ଼ା ପ୍ରାଥମିକ ସ୍ବାସ୍ଥ୍ୟକେନ୍ଦ୍ର; ଡାକ୍ତର ନ ଥିବାରୁ ମିଳୁନି ସେବା

ଛେଣ୍ଡିପଦା,୧୪ା୧୦(ଡି.ଏନ.ଏ.) ଛେଣ୍ଡିପଦା ବ୍ଲକ ଜରପଡାଠାରେ ଥିବା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ରୋଗୀଙ୍କୁ ମିଳୁନି ଉପଯୁକ୍ତ ସେବା। କାରଣ ଏଠାରେ ନିଯୁକ୍ତ ହୋଇଥିବା ଜଣେ ମାତ୍ର ଡାକ୍ତର ଦୀର୍ଘଦିନ ହେଲା...

ଜିଲାପାଳଙ୍କୁ ଭେଟିଲେ ମୁମ୍ବାଇର ଛାତ୍ରୀଛାତ୍ର

ଛତ୍ରପୁର,୨୭ା୭(ଡି.ଏନ.ଏ.)-ମୁମ୍ବାଇରେ ସିଭିଲ୍‌ ସର୍ଭିସ୍‌ କୋଚିଂ ନେଉଥିବା ସେଠାକାର କେତେଜଣ ଛାତ୍ରୀଛାତ୍ର ଶୁକ୍ରବାର ସ୍ଥାନୀୟ ଡିଆରଡିଏ କାର୍ଯ୍ୟାଳୟରେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କୁ ଭେଟିଛନ୍ତି। ନିଜ...

ବଣ୍ଡାଘାଟିରେ ଖୋଲାଆକାଶ ତଳେ ସ୍କୁଲ

ମାଲକାନଗିରି,୨୮।୬(ଡି.ଏନ୍‌.ଏ.):ଶିକ୍ଷା ବ୍ୟବସ୍ଥାରେ ଉନ୍ନତି ଆଣିବା ପାଇଁ ସରକାର ବିଭିନ୍ନ ପଦକ୍ଷେପ ନେଉଛନ୍ତି। ୫-ଟି ଅଧୀନରେ ହାଇସ୍କୁଲଗୁଡ଼ିକର ବିକାଶ ମଧ୍ୟ କରୁଛନ୍ତି। ହେଲେ ଉପାନ୍ତ ଆଦିବାସୀ ଅଞ୍ଚଳରେ...

ହାତୀ ଶାବକର ଗଳିତ ମୃତଦେହ ଉଦ୍ଧାର

ବାରିପଦା ଅଫିସ,୨ା୧୦- ମୟୂରଭଞ୍ଜ ଜିଲା ରାସଗୋବିନ୍ଦପୁର ରେଞ୍ଜ ଅଧୀନ ଭାଲୁଘେରା ଜଙ୍ଗଲରୁ ମଙ୍ଗଳବାର ଏକ ହାତୀ ଶାବକର ଗଳିତ ମୃତଦେହ ଉଦ୍ଧାର ହୋଇଛି। ମୃତ୍ୟୁର କାରଣ...

ଭିସୁଟ୍‌ ଛାତ୍ରଙ୍କ କରୋନା ରିପୋର୍ଟ ଭୁଲ୍‌, କିଟ୍‌ ଖରାପ ଥିବା ଯୋଗୁ ଆସିଥିଲା ପଜିଟିଭ୍‌

ସମ୍ବଲପୁର,୨।୩(ବ୍ୟୁରୋ): ସମ୍ବଲପୁର ଜିଲାର ବୁର୍ଲାସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ(ଭିସୁଟ୍‌)ରେ କୋଭିଡ୍‌ ସଂକ୍ରମଣ ବୃଦ୍ଧି ପାଉଥିବା ନେଇ ଚର୍ଚ୍ଚା ହୋଇଥିଲା। ଏପରିକି ବିଶ୍ୱବିଦ୍ୟାଳୟର ୨୫ଜଣ...

ବ୍ୟାଙ୍କରୁ ୭୩ ହଜାର ଟଙ୍କା ଚୋରି

ଶଙ୍କରାଖୋଲ,୨ା୭(ଡି.ଏନ୍‌.ଏ.)-ଚକାପାଦ ଥାନା ଚକାପାଦ ଭାରତୀୟ ଷ୍ଟେଟବ୍ୟାଙ୍କରୁ ସୋମବାର ସକାଳେ ୭୩ ହଜାର ୮୫ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି। ବ୍ୟାଙ୍କର ଫିଲ୍ଡ ଅଫିସର ମନୋରଞ୍ଜନ...

ସମ୍ମାନ ରକ୍ଷା ପାଇଁ ଭାଜପା ଲଢ଼ିବ

କେନ୍ଦ୍ରାପଡ଼ା ଅଫିସ, ୨୪ା୨: କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଞ୍ଚଳରେ ଗୁରୁବାର ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଶେଷ ତଥା ପଞ୍ଚମ ପର୍ଯ୍ୟାୟ ଭୋଟ ଗ୍ରହଣ ଅନୁଷ୍ଠିତ...

Advertisement
Archives

Model This Week