ମୁମ୍ବାଇ,୨୮।୧୦ : ପ୍ରଥମେ ସହମତିରେ ଶାରୀରିକ ସମ୍ପର୍କ ସ୍ଥାପନ ଏବଂ ଯେତେବେଳେ ବ୍ରେକଅପ ହେଲା, ସମ୍ପୃକ୍ତ ଯୁବତୀ ଅଭିଯୋଗ କଲେ ମୋତେ ବଳାତ୍କାର କରାଯାଇଛି। ଏହି ମାମଲା ହାଇକୋର୍ଟରେ ପହଞ୍ଚିଛି । ଖଣ୍ଡପୀଠ ଉଭୟ ପକ୍ଷର ଶୁଣାଣି ପରେ ରାୟ ଦେଇଛନ୍ତି। ଖଣ୍ଡପୀଠଙ୍କ ରାୟ ଅନୁସାରେ ସହମତିରେ ଶାରୀରିକ ସମ୍ପର୍କକୁ ଧାରା ୩୭୬ ଅନୁଯାୟୀ ବଳାତ୍କାର ବୋଲି ବିବେଚନା କରାଯାଇପାରିବ ନାହିଁ। ବମ୍ବେ ହାଇକୋର୍ଟର ଜଷ୍ଟିସ ନିତିନ ସାମ୍ବ୍ରେ ଏବଂ ଜଷ୍ଟିସ ଏନ.ଆର ବୋରକର ଏହି ରାୟ ଦେଇଛନ୍ତି ଏବଂ ଅପରାଧିକ ଆବେଦନକୁ ଖାରଜ କରିଛନ୍ତି।
ଉଭୟ ଅଭିଯୁକ୍ତ ଏବଂ ପୀଡିତା ପୁଣେର ବାସିନ୍ଦା। ପୀଡିତା ଯୁବକଙ୍କ ବିରୋଧରେ ଅଭିଯୋଗ କରିଥିଲେ ସେ ତାଙ୍କ ସହ ଏକ ସଂଗଠନରେ କାମ କରୁଥିଲେ। ଏହି ସମୟ ମଧ୍ୟରେ ସେମାନେ ବନ୍ଧୁ ହେଲେ। ଦିନେ ଯୁବକ ଜଣକ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ କିନ୍ତୁ ସେ ଏହାକୁ ବିରୋଧ କରିଥିଲେ। ଏହି କାରଣରୁ ସେ ଯୁବକଙ୍କର ଆଚରଣକୁ ଆଦୌ ପସନ୍ଦ କରୁ ନ ଥିବାରୁ ଦୁହିଁଙ୍କର ବ୍ରେକଅପ ହୋଇ ଯାଇଥିଲା। ଏନେଇ ପୋଲିସ ଥାନାରେ ଏଫଆଇଆର୍ ପଞ୍ଜୀକୃତ ହୋଇଥିଲା। ଓକିଲ ହର୍ଷଲ ସୁନୀଲ ପାଟିଲ ପୀୟୁଷ ତୋଶନିୱାଲଙ୍କ ବିରୋଧରେ ଆସିଥିବା ଅଭିଯୋଗ ନେଇ ଅଭିଯୁକ୍ତ ଯୁବକ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ପଚରାଉଚରା ବେଳେ ଯୁବତୀ ଜଣକ ସ୍ବୀକାର କରିଥିଲେ ସେ ସ୍ବଇଚ୍ଛାରେ ଯୌନ ସମ୍ପର୍କ ରଖିଛନ୍ତି।
ପ୍ରାପ୍ତ ସୂଚନା ଅନୁଯାୟୀ, ବଳାତ୍କାର ଓ ଧମକ ଧାରା ଅନ୍ତର୍ଗତ ୩୦ ଏପ୍ରିଲ ୨୦୨୨ ରେ ଅଭିଯୁକ୍ତଙ୍କ ବିରୋଧରେ ଏକ ଏଫଆଇଆର ପଞ୍ଜୀକୃତ ହୋଇଥିଲା। ଏହି ଅପରାଧ ଜାନୁଆରୀ୨୦୧୯ ରୁ ୩ ଏପ୍ରିଲ ୨୦୨୨ ମଧ୍ୟରେ ଘଟିଥିଲା । ଯୁବକ ଜଣକ ତାଙ୍କ ସପକ୍ଷରେ ସ୍ପଷ୍ଟୀକରଣ ଦେବାବେଳେ ଅଭିଯୋଗକାରୀଙ୍କ ସହ ସହମତି ଭିତ୍ତିରେ ସମ୍ପର୍କ ଥିବା କହିଥିଲେ। ଏହି ପରିପ୍ରେକ୍ଷୀରେ ପୀଡିତା କୋର୍ଟରେ ଏକ ଆଫିଡେଭିଟ ଦାଖଲ କରିଥିଲେ। ଅଭିଯୁକ୍ତ ପୀଡିତାଙ୍କୁ ହୋଇଥିବା କ୍ଷତିର କ୍ଷତିପୂରଣ ଦେଇଛନ୍ତି। ଓକିଲଙ୍କ ପଚରାଉଚରା ବେଳେ ସେ ଏହା ସହମତିରେ ହୋଇଥିବା ସ୍ବୀକାର କରିଥିଲେ। ଏହି ଆଧାରରେ, ହାଇକୋର୍ଟ ଏହି ମାମଲାକୁ ବନ୍ଦ କରିବା ଉଚିତ, କାରଣ ଏହି ଅପରାଧରେ ବଳାତ୍କାର ଧାରା ପ୍ରଯୁଜ୍ୟ ନୁହେଁ ବୋଲି ରାୟ ଦେଇଛନ୍ତି।
