ନୂଆଦିଲ୍ଲୀ,୨୧ ।୧: ବାଗେଶ୍ୱର ଧାମର ପୀଠାଧିସ୍ୱର ଧିରେନ୍ଦ୍ର କୃଷ୍ଣ ସ୍ୱାମୀ ଏବେ ବିବାଦରେ ଫସି ଯାଇଛନ୍ତି । ଧିରେନ୍ଦ୍ର ଶାସ୍ତ୍ରୀଙ୍କ ଉପରେ ଅବିଶ୍ୱାସର ପ୍ରଚାର ପ୍ରସାର କରିବା ଓ ଏହାକୁ ପ୍ରୋତ୍ସାହନ ଦେବାର ଅଭିଯୋଗ ହୋଇଛି । ତାଙ୍କ ବିରୋଧରେ ପୋଲିସରେ ଅଭିଯୋଗ ବି ହୋଇଛି । ଏବେ ମଧ୍ୟପ୍ରଦେଶ ଓ ଛତିଶଗଡ଼ରେ କଂଗ୍ରେସ ନେତାମାନେ ଧିରେନ୍ଦ୍ର ଶାସ୍ତ୍ରୀଙ୍କୁ ଚ୍ୟାଲେଞ୍ଜ କରିଛନ୍ତି । ମଧ୍ୟପ୍ରଦେଶ ବିଧାନସଭାରେ ବିରୋଧି ଦଳ ନେତା ଡା. ଗୋବିନ୍ଦ ସିଂ କହିଛନ୍ତି, ଧିରେନ୍ଦ୍ର ସିଂଙ୍କୁ ତାଙ୍କ ଶକ୍ତିର ପ୍ରମାଣ ଦେବାକୁ ପଡିବ ।
ଗୋବିନ୍ଦ ସିଂ କହିଛନ୍ତି ଯେତେବେଳେ ବାଗେଶ୍ୱର ସରକାରଙ୍କ ବିରୋଧରେ ଅଭିଯୋଗ ହେଲା ସେତେବେଳେ ସେ ତାଙ୍କ ବେଡିଂ ଧରି କାହିଁକି ପଳାଇଲେ, ଯଦି ତାଙ୍କ ନିକଟରେ ଚମତ୍କାରୀ ଶକ୍ତି ରହିଛି ତେବେ ଏହାକୁ ପ୍ରମାଣ କରିବାକୁ ପଡିବ । ସେ କହିଛନ୍ତି, ମୁଁ ସନାତନ ଧର୍ମରେ ବିଶ୍ୱାସ କରେ, ହେଲେ ସେ କପଟ ଓ କପଟତାକୁ ବିଶ୍ୱାସ କରନ୍ତି ନାହିଁ । ଦେଶରେ ବହୁ ସଂଖ୍ୟାରେ ହିନ୍ଦୁ ରହିଛନ୍ତି, ସେମାନେ ବି କପଟତାକୁ ବିଶ୍ୱାସ କରନ୍ତି ନାହିଁ ।
ସୂଚନାଯୋଗ୍ୟ, ଧିରେନ୍ଦ୍ର କୃଷ୍ଣ ଶାସ୍ତ୍ରୀ ୧୮ ଜାନୁୟାରୀରେ ରାୟପୁରରେ ଏକ ପ୍ରେସ କନଫରେନ୍ସ କରି ଧର୍ମାନ୍ତରଣକୁ ନେଇ ବୟାନ ଦେଇଥିଲେ । ସେ କହିଥିଲେଯେଉଁଠାରେ ଧର୍ମାନ୍ତରଣ ହେଉଛି ସେ ସେଠାରେ ରାମକଥା ଶୁଣାଇବାକୁ ଯାଉଛନ୍ତି । ଶାସ୍ତ୍ରୀ ଦାବି କରିଥିଲେ କି ସେ ଧର୍ମାନ୍ତରଣ ବନ୍ଦ କରିବାକୁ ସଂକଳ୍ପ ନେଇଛନ୍ତି ।
