ଅମରେଲି,୧।୧୨ : ଗୁଜରାଟରେ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ପାଇଁ ମତଦାନ ଗୁରୁବାର ଆରମ୍ଭ ହୋଇଛି। ଏହି ସମୟରେ ଆମରେଲିରେ କଂଗ୍ରେସ ପ୍ରାର୍ଥୀ ପରେଶ ଧନାନୀଙ୍କ ଏକ ଭିନ୍ନ ଶୈଳୀରେ ଭୋଟ ଦେବାକୁ ମତଦାନ କେନ୍ଦ୍ରରେ ପହଞ୍ଚିଥିବା ଦେଖିବାକୁ ମିଳିଛି।
ସେ ସାଇକେଲରେ ଏକ ଗ୍ୟାସ ସିଲିଣ୍ଡର ନେଇ ନିଜ ଭୋଟ ଦେବା ପାଇଁ ଘରୁ ବୁଥରେ ପହଞ୍ଚିଥିଲେ ଏବଂ ପରେ ଭୋଟ ଦେଇଥିଲେ। ଗ୍ୟାସ ସିଲିଣ୍ଡରର ମୂଲ୍ୟ ବୃଦ୍ଧି ବିଷୟରେ ଜନସାଧାରଣଙ୍କୁ ଅବଗତ କରାଇବା ପାଇଁ ସେ ଏଭଳି ଭିନ୍ନ ପଦ୍ଧତି ଗ୍ରହଣ କରିଥିଲେ। ଏବେ ଏହାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।
ଭୋଟ ଦେବା ପରେ କଂଗ୍ରେସ ପ୍ରାର୍ଥୀ ପରେଶ ଧନାନି କହିଛନ୍ତି ଯେ ଗତ ୨୭ ବର୍ଷ ମଧ୍ୟରେ ଭାରତୀୟ ଜନତା ପାର୍ଟି ଭୟ ଏବଂ ସ୍ବାର୍ଥପର ମନୋଭାବ ମଧ୍ୟରେ ରାଜ୍ୟକୁ ଦାସତ୍ୱ କରିବା ପାଇଁ ଷଡଯନ୍ତ୍ର କରିଛି। ସରକାରୀ ବିଫଳତା କାରଣରୁ ଗୁଜରାଟରେ ମାନ୍ଦାାବସ୍ଥା, ମୁଦ୍ରାସ୍ଫୀତି, ବେକାରୀ ସମସ୍ୟା ଦିନକୁ ଦିନ ବୃଦ୍ଧି ପାଉଛି।
ଏହି ସମସ୍ୟାରୁ ମୁକ୍ତି ପାଇବା ପାଇଁ ମୁଁ ଆଜି ଭୋଟ ଦେଇଛି ଏବଂ ମୁଁ ନିଶ୍ଚିତ ଯେ ସମଗ୍ର ଗୁଜରାଟ ଭୋଟର ମଧ୍ୟ ଭୋଟ ଦେବେ । ରାଜ୍ୟରେ ସରକାର ପରିବର୍ତ୍ତନ ହେବ। କଂଗ୍ରେସ ଆସି ପୁଣି ରାଜ୍ୟ ସମୃଦ୍ଧ ହେବ ବୋଲି ସେ କହିଛନ୍ତି।
