ନୂଆଦିଲ୍ଲୀ,୧୬ ।୧୨: କଂଗ୍ରେସର ଭାରତ ଯୋଡୋ ଯାତ୍ରାକୁ ୧୬ ଡିସେମ୍ବର ଅର୍ଥାତ୍ ଶୁକ୍ରବାର ୧୦୦ ଦିନ ପୂରଣ ହୋଇଛି । ଏହାରି ଭିତରେ ରାହୁଲ ଗାନ୍ଧୀ ୨୮୦୦ କିଲୋମିଟରରୁ ଅଧିକ ବାଟ ଅତିକ୍ରମ କରି ସାରିଲେଣି । ଭାରତ ଯୋଡୋ ଯାତ୍ରା ଏବେ ୭ଟି ରାଜ୍ୟ ଅତିକ୍ରମ କରି ସାରିଲାଣି । ଏଥିମଧ୍ୟରେ ରହିଛି ତାମିଲନାଡୁ, କେରଳ, କର୍ନାଟକ, ଆନ୍ଧ୍ର ପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର, ମଧ୍ୟ ପ୍ରଦେଶ ଆଉ ଏବେ ୮ମ ରାଜ୍ୟ ରାଜସ୍ଥାନ ରହିଛି । ଭାରତ ଯୋଡୋ ଯାତ୍ରାର ୧୦୦ ଦିନ ଏଥିପାଇଁ ମହତ୍ୱପୂର୍ଣ୍ଣ କାରଣ ଆଜିର ଦିନକୁ କଂଗ୍ରେସ ବିଜୟ ଦିବସ ଭାବେ ପାଳନ କରୁଛି ।
ଶୁକ୍ରବାର ଭାରତ ଯୋଡୋ ଯାତ୍ରାକୁ ୧୦୦ଦିନ ପୂରଣ ହେବା ଅବସରରେ ରାହୁଲ ଗାନ୍ଧୀ ଜୟପୁରରେ ତାଙ୍କର ଅଷ୍ଟମ ପ୍ରେସ କନଫରେନ୍ସ ବି କରିବେ । ଏହି ସମୟରେ ଖବରଦାତାଙ୍କ ସହ ସେ ଦେଶର ବିଭିନ୍ନ ଚ୍ୟାଲେଞ୍ଜକୁ ନେଇ କଥା ହେବେ ଏହାସହ ଭାରତ ଯୋଡୋ ଯାତ୍ରାର ଅନୁଭୁତି ବି ଶେୟାର କରିବେ । ଏହାସହ ଶୁକ୍ରବାର ଯାତ୍ରାର ନୂଆ ଥିମ ସଙ୍ଗ ବି ଲଞ୍ଚ କରାଯିବାର ଯୋଜନା ରହିଛି । ଏହି ଥିମ ସଙ୍ଗର ଗୀତିକାର ଗୁଲଜାର, ସଙ୍ଗିତକାର ବିଶାଲ ଭରଦ୍ୱାଜ ଓ ଗାୟକ ସୁଖବିନ୍ଦର ସିଂ ରହିଛନ୍ତି ।
