ପ୍ରତି ପଞ୍ଚାୟତରେ ବ୍ୟାଙ୍କ ଖୋଲିବାକୁ ନେଇ ଦ୍ୱନ୍ଦ୍ୱ

ରସୁଲପୁର,୧୭ା୯(ରଞ୍ଜିତ ରାଉତ) ପ୍ରତି ପଞ୍ଚାୟତରେ ବ୍ୟାଙ୍କିଙ୍ଗ ସେବା ଉପଲବ୍ଧ ହେବ। ଏହି କ୍ରମରେ ପ୍ରଥମ ପର୍ଯ୍ୟାୟରେ ଯାଜପୁର ଜିଲା ରସୁଲପୁର ବ୍ଲକର ୧୪ ପଞ୍ଚାୟତରେ ବ୍ୟାଙ୍କ ଖୋଲିବା ନେଇ ଭିତ୍ତିଭୂମି ସଜାଡିବା ଉପରେ ଗୁରୁତ୍ୱ ଦିଆଯାଉଛି। ପଞ୍ଚାୟତର ସରପଞ୍ଚମାନେ ବ୍ୟାଙ୍କ ଆଉଟଲେଟ୍‌ ଖୋଲିବା ନେଇ ଘର ଯୋଗାଇ ଦେଇଛନ୍ତି। ତେବେ ପଞ୍ଚାୟତରେ ଯେଉଁ ବ୍ୟାଙ୍କର ଶାଖା ଖୋଲିବ ତା’ର କାର୍ଯ୍ୟାଧାରା କ’ଣ ହେବ ସେ ନେଇ କାହାରିକୁ କିଛି ଜଣା ନାହିଁ। ଏବେ ବି ବ୍ୟାଙ୍କ ଶାଖାର ନିୟମାବଳୀ ସମ୍ପର୍କରେ ଅବଗତ ନାହାନ୍ତି ଜନପ୍ରତିନିଧି ଓ ଜନସାଧାରଣ। ଏଭଳି ସ୍ଥିତିରେ ପଞ୍ଚାୟତରେ ଯେଉଁ ବ୍ୟାଙ୍କ ଖୋଲିବ ସେ ବ୍ୟାଙ୍କ ଶାଖା ଜନସାଧାରଣଙ୍କୁ କିଭଳି ସେବା ଯୋଗାଇ ଦେବ ସେନେଇ କୌଣସି ସୂଚନା ଜନପ୍ରତିନିଧି, ପ୍ରଶାସନିକ ଅଧିକାରୀ, ବ୍ୟାଙ୍କର୍ସମାନଙ୍କ ପାଖରେ ପହଞ୍ଚତ୍ ନାହିଁ। ଏ ସଂକ୍ରାନ୍ତରେ କୌଣସି ଗାଇଡ୍‌ଲାଇନ ଜାରି କରାଯାଇ ନାହିଁ। ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ପକ୍ଷରୁ ପଞ୍ଚାୟତର ବ୍ୟାଙ୍କ ଶାଖାଗୁଡିକୁ ପରିଚାଳନା କରିବା ପାଇଁ ଯେଉଁ ନିୟମାବଳୀ ଘୋଷଣା କରାଯିବ ତାକୁ ଅନୁପାଳନ କରାଯାଇ ବ୍ୟାଙ୍କ ଚାଲୁ କରାଯିବ ବୋଲି ବ୍ୟାଙ୍କର୍ସମାନଙ୍କ ପକ୍ଷରୁ ସୂଚନା ମିଳିଛି।

ଆସନ୍ତା ଅକ୍ଟୋବର ୨ରେ ସମଗ୍ର ରାଜ୍ୟର ବ୍ୟାଙ୍କ ନ ଥିବା ବିଭିନ୍ନ ପଞ୍ଚାୟତରେ ସରକାରଙ୍କ ପକ୍ଷରୁ ନୂତନ ବ୍ୟାଙ୍କ ଶାଖା ଲୋକାର୍ପଣ କରାଯିବ ବୋଲି ଘୋଷଣା କରାଯାଇଛି। ବ୍ୟାଙ୍କିଙ୍ଗ ସେବାକୁ ଲୋକଙ୍କ ପାଖରେ ପହଞ୍ଚାଇବା ପାଇଁ ସରକାରଙ୍କ ଏଭଳି ପ୍ରୟାସ ବୋଲି କୁହାଯାଉଥିଲେ ମଧ୍ୟ ଆରମ୍ଭରୁ ଦ୍ୱନ୍ଦ୍ୱ ଦେଖାଦେଇଛି।ବ୍ୟାଙ୍କ ସ୍ଥିତି ସମ୍ପର୍କରେ ଅବଗତ ନ କରାଇ ବ୍ୟାଙ୍କ ଖୋଲିବାକୁ ପଦକ୍ଷେପ ନିଆଯିବା ଘଟଣାକୁ ପଞ୍ଚାୟତର ପ୍ରତିନିଧିମାନେ ସହଜରେ ଗ୍ରହଣ କରିପାରୁ ନାହାନ୍ତି। ଏହା ଏକ ସ୍ବାଗତଯୋଗ୍ୟ ପଦକ୍ଷେପ ହେଲେ ମଧ୍ୟ ବ୍ୟାଙ୍କର କାର୍ଯ୍ୟାଧାରାକୁ ଜନସାଧାରଣଙ୍କ ସମ୍ମୁଖରେ ସ୍ପଷ୍ଟ କରିବାକୁ ଦାବି ହେଉଛି। ଏହି କ୍ରମରେ ଦେଖିଲେ ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ(ଏସ୍‌ବିଆଇ), ପଞ୍ଜାବ ନ୍ୟାଶନାଲ ବ୍ୟାଙ୍କ, ବ୍ୟାଙ୍କ ଅଫ୍‌ ବରୋଦା, ୟୁନିୟନ ବ୍ୟାଙ୍କ, ୟୁକୋ ବ୍ୟାଙ୍କ, ବ୍ୟାଙ୍କ ଅଫ୍‌ ଇଣ୍ଡିଆ ଭଳି ୬ ରାଷ୍ଟ୍ରୟାତ ବ୍ୟାଙ୍କ ପକ୍ଷରୁ ବ୍ୟାଙ୍କ ନ ଥିବା ପଞ୍ଚାୟତରେ ଶାଖା ଖୋଲାଯିବ।ଏହି ଶାଖାର କଳେବର ସିଏସ୍‌ପି (କଷ୍ଟମର ସର୍ଭିସ୍‌ ପଏଣ୍ଟ) ପ୍ଲସ୍‌, ମିନି ବ୍ୟାଙ୍କ ଶାଖା, ନିୟମିତ ବ୍ୟାଙ୍କ ଶାଖା ଭଳି ହେବ ବୋଲି ଚର୍ଚ୍ଚା ହେଉଛି।ଏଥିପୂର୍ବରୁ ବିଭିନ୍ନ ରାଷ୍ଟ୍ରାୟତ୍ତ ବ୍ୟାଙ୍କ ତରଫରୁ ପଞ୍ଚାୟତରେ ସିଏସ୍‌ପି କେନ୍ଦ୍ର ଖୋଲାଯାଇଛି। ସେଠାରେ ବ୍ୟାଙ୍କିଂ ସେବା ମିଳିବା ତ ଦୂରର କଥା ସେ ସବୁ କେନ୍ଦ୍ରରେ ଗ୍ରାହକମାନେ ଠକାମିର ଶିକାର ହେଉଥିବା ଅଭିଯୋଗ ହେଉଛି। ତେଣେ ବ୍ୟାଙ୍କ ଶାଖା ବଦଳରେ ସିଏସ୍‌ପି ପ୍ଲସ୍‌ କେନ୍ଦ୍ର ଖୋଲିବ ବୋଲି ଜାଣି ପଞ୍ଚାୟତର ସରପଞ୍ଚମାନେ ଏଥିପାଇଁ ଘର ଯୋଗାଇ ଦେବାକୁ ଅନିଚ୍ଛା ପ୍ରକାଶ କରୁଛନ୍ତି। ସରପଞ୍ଚମାନଙ୍କ ଯୁକ୍ତିହେଲା ପୂର୍ବରୁ ପଞ୍ଚାୟତରେ ସିଏସ୍‌ପି କେନ୍ଦ୍ର ଥାଇ ଲୋକମାନଙ୍କୁ ବ୍ୟାଙ୍କ ସେବା ମିଳିପାରୁ ନାହିଁ। ସିଏସ୍‌ପି ପ୍ଲସ୍‌ ଆଉ ଅଧିକ କ’ଣ ସେବା ଦେବ ଯେ ସେମାନେ ବ୍ୟାଙ୍କ ଖୋଲିବାକୁ ଗୃହ ଯୋଗାଇ ଦେବେ ବୋଲି ସରପଞ୍ଚମାନେ ପ୍ରଶ୍ନ କରିଛନ୍ତି। ପଞ୍ଚାୟତରେ ଖୋଲିବାକୁ ଥିବା ପ୍ରସ୍ତାବିତ ବ୍ୟାଙ୍କ ଶାଖାରୁ କେଉଁ ପ୍ରକାର ସେବା ମିଳିବ, ପଞ୍ଚାୟତରେ ବ୍ୟାଙ୍କ ନ ଥିବାରୁ କ’ଣ ଅସୁବିଧା ହେଉଛି। ସବୁ ବର୍ଗର ଲୋକଙ୍କୁ ବ୍ୟାଙ୍କ ସେବା ଉପଲବ୍ଧ ହେବ କି ନାହିଁ ତା’ଉପରେ ସରକାର ପ୍ରଥମେ ସ୍ପଷ୍ଟ କରନ୍ତୁ ବୋଲି ବିଭିନ୍ନ ମହଲରେ ଦାବି ହେଉଛି।

ପଞ୍ଚାୟତରେ ବ୍ୟାଙ୍କ ଶାଖା ଖୋଲିବାକୁ ନେଇ ସରପଞ୍ଚ ସର୍ବେଶ୍ୱର ସାହୁଙ୍କୁ ପଚାରିବାରୁ ସିଏସ୍‌ପି କେନ୍ଦ୍ରରେ ଜଣେ ଜମାଖାତାଧାରୀ ସର୍ବାଧିକ ୧୦ହଜାର ଟଙ୍କା ଉଠାଣ କରିପାରିବେ। ତେବେ ପ୍ରଧାନମନ୍ତ୍ରୀ ଆବାସ ହିତାଧିକାରୀ ଜମାଖାତାକୁ ପ୍ରଥମ କିସ୍ତିରେ ୪୦ହଜାର ଓ ଦ୍ୱିତୀୟ କିସ୍ତିରେ ୬୫ହଜାର ଲେଖାଏ ଟଙ୍କା ଯାଉଛି। ତେବେ ଖୋଲିବାକୁ ଥିବା ବ୍ୟାଙ୍କ ଶାଖାରୁ କେତେ ଟଙ୍କା ଉଠିପାରିବ ଓ କେଉଁ ସୁବିଧା ଉପଲବ୍ଧ ହେବ ସେ ନେଇ ପ୍ରଥମେ ପ୍ରତିନିଧିମାନଙ୍କୁ ସଚେତନ କରାଇବା ଉଚିତ ବୋଲି କହିଛନ୍ତି। ଏ ନେଇ ଏସ୍‌ବିଆଇ,କୁଆଖିଆ ଶାଖାର ପରିଚାଳିକା ଅନ୍ନଦା ସାହୁଙ୍କୁ ପଚାରିବାରୁ ପଞ୍ଚାୟତରେ ବ୍ୟାଙ୍କ ଶାଖା ଖୋଲିବାକୁ ନେଇ ସୂଚନା ରହିଛି। ତେବେ ବ୍ୟାଙ୍କର କାର୍ଯ୍ୟଧାରା କ’ଣ ହେବ ସେ ନେଇ ସେମାନଙ୍କ ନିକଟକୁ କୌଣସି ନିୟମାବଳୀ ଆସିନାହିଁ। ଏବେ ବ୍ୟାଙ୍କ ଖୋଲିବା ପାଇଁ ପ୍ରସ୍ତାବିତ ପଞ୍ଚାୟତରୁ ଦିଆଯାଇଥିବା ଘରର ଚାବିକାଠି ବ୍ୟାଙ୍କ ଶାଖାରେ ଦାଖଲ କରିବାକୁ କୁହାଯାଇଛି। ଏଯାଏ ବ୍ଲକରୁ କୌଣସି ପଞ୍ଚାୟତର ଚାବି ତାଙ୍କ ପାଖରେ ପହଞ୍ଚତ୍ ନାହିଁ ବୋଲି ସେ ସୂଚନା ଦେଇଛନ୍ତି। ରସୁଲପୁର ଏବିଡିଓ ଦିବ୍ୟକାନ୍ତି ମିଶ୍ରଙ୍କ ମତରେ, ବ୍ୟାଙ୍କ ଖୋଲିବା ପାଇଁ ପଞ୍ଚାୟତରୁ ଭିତ୍ତିଭୂମି ଯୋଗାଇଦେବା ଉପରେ ଗୁରୁତ୍ୱ ଦିଆଯାଉଛି।ଏହାଛଡା ଆଉ ଅନ୍ୟ କୌଣସି ବିଷୟରେ ସେମାନେ ଅବଗତି ନାହାନ୍ତି ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?