ବିଦ୍ୟାଦାତାଙ୍କ ପାଇଁ ବ୍ୟଗ୍ର

ଢେଙ୍କାନାଳ ଅଫିସ,୩୧।୮: ମଣ୍ଡପରେ ବିରାଜିବେ ବିଦ୍ୟାଦାତା। ଅନ୍ତ ହେବ ୨ବର୍ଷର ପ୍ରତୀକ୍ଷା। ଶିକ୍ଷାନୁଷ୍ଠାନରେ ବିଘ୍ନହର୍ତ୍ତାଙ୍କ ଆବାହନ ପାଇଁ ବ୍ୟଗ୍ର ଛାତ୍ରୀଛାତ୍ର। ଚଳଚଞ୍ଚଳ ପୂଜା ପ୍ରତିଷ୍ଠାନ। ପ୍ରାଚୀନ ମନ୍ଦିରରେ ନୀତିକାନ୍ତି ଅନୁଯାୟୀ ପୂଜା ପାଇଁ ପ୍ରସ୍ତୁତି ଚୂଡ଼ାନ୍ତ ହୋଇଥିବାବେଳେ ସବୁଠି ସୃଷ୍ଟି ହୋଇଛି ଉତ୍ସାହ, ଉଦ୍ଦୀପନା। ଏଥିରୁ ବାଦ୍‌ ପଡ଼ିନି ଢେଙ୍କାନାଳ ଗଣେଶ ବଜାରସ୍ଥିତ ୮୦ ବର୍ଷ ପୁରାତନ ଗଣନାଥଙ୍କ ପୀଠ। ବକ୍ରତୁଣ୍ଡଙ୍କ ପୂଜାର୍ଚ୍ଚନା ପାଇଁ ମନ୍ଦିର କମିଟି ପକ୍ଷରୁ କରାଯାଇଛି ସ୍ବତନ୍ତ୍ର ପ୍ରସ୍ତୁତି।
ଆଧ୍ୟାତ୍ମିକ ଦୃଷ୍ଟିକୋଣରୁ ଗଣେଶ ବଜାରରେ ଥିବା ଗଜାନନଙ୍କ ପୀଠର ଗୁରୁତ୍ୱ କାହିଁରେ କେତେ। ମନ୍ଦିର ପ୍ରତିଷ୍ଠା ସମୟରେ ଏହା ନିକଟରେ ଥିବା ବଜାର କୁଞ୍ଜ ସାହୁ ଛକ ନାମରେ ପରିଚିତ ଥିଲା। ତେବେ ପରବର୍ତ୍ତୀ ସମୟରେ ଏହାର ନାମ ପରିବର୍ତ୍ତନ କରି ଗଣେଶ ବଜାର ରଖାଯାଇଛି। ଟ୍ରେଜେରିରେ କାର୍ଯ୍ୟ କରୁଥିବା ଶ୍ୟାମସୁନ୍ଦର ସାହୁଙ୍କ ଦ୍ୱାରା ୧୯୪୨ରେ ଏହାର ନିର୍ମାଣ କରାଯାଇଥିଲା। ସ୍ବଦେଶୀ ଜ୍ଞାନ କୌଶଳ ତଥା କାଠ ଓ ଚୁନରେ ନିର୍ମିତ ଏହି ପୀଠରେ ଗଣନାଥଙ୍କ ପିତଳ ବିଗ୍ରହ ସ୍ଥାପନ କରାଯାଇଛି। ଗୁଡ଼ିଆ ସମ୍ପ୍ରଦାୟର ଇଷ୍ଟ ଦେବ ଗଣେଶ ହୋଇଥିବାବେଳେ ମନ୍ଦିରରେ ବର୍ଷତମାମ କାର୍ଯ୍ୟକ୍ରମର ଆୟୋଜନ କରାଯାଇଥାଏ। ପ୍ରାୟ ୭୦ବର୍ଷ ହେଲା ଗଣେଶ ବଜାରରେ ଆଡମ୍ବର ସହକାରେ ହୋଇଥାଏ ଗଣେଶ ପୂଜା। ସେହିପରି ୭୬ବର୍ଷ ହେଲା ଏଠାରେ ଲକ୍ଷ୍ମୀପୂଜା ମଧ୍ୟ ମହାଆଡମ୍ବରରେ ପାଳିତ ହୋଇଆସୁଛି। ଉଭୟ ଲକ୍ଷ୍ମୀ ଏବଂ ଗଣେଶଙ୍କ ଆବାହନ ଦୃଷ୍ଟିରୁ ଏହି ବଜାର ଆଧ୍ୟାତ୍ମିକତା କ୍ଷେତ୍ରରେ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ଚଳିତ ଗଣେଶ ପୂଜା ପାଇଁ ବହୁବିଧ କାର୍ଯ୍ୟକ୍ରମର ଆୟୋଜନ କରାଯାଇଛି। ଶ୍ରଦ୍ଧାଳୁଙ୍କ ପାଇଁ ପ୍ରସାଦ ସେବନ, ହୋମଯଜ୍ଞ, ଖଡ଼ିଛୁଅଁାଠାରୁ ଆରମ୍ଭ କରି ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ ନିମନ୍ତେ ସମସ୍ତ ବ୍ୟବସ୍ଥା କରାଯାଇଥିବା ମନ୍ଦିର କମିଟି ପକ୍ଷରୁ ସୂଚନା ଦିଆଯାଇଛି।

ଗୁଡ଼ିଆ ସମ୍ପ୍ରଦାୟର ଇଷ୍ଟଦେବ
ଜେଜେବାପା ଶ୍ୟାମସୁନ୍ଦର ସାହୁ ଏହି ମନ୍ଦିର ପ୍ରତିଷ୍ଠା କରିଥିଲେ। ସହରରେ ବସବାସ କରୁଥିବା ଗୁଡିଆ ସମ୍ପ୍ରାଦାୟର ଇଷ୍ଟଦେବ ହେଉଛି ଗଣେଶ। ଏଠାରେ ବିଭିନ୍ନ ପର୍ବପର୍ବାଣି ସାମାଜିକ କାର୍ଯ୍ୟକ୍ରମ ଆୟୋଜିତ ହେଉଥିଲା।
-ଶରତ କୁମାର ସାହୁ, କାର୍ଯ୍ୟକାରୀ ସଭାପତି, ଗଣେଶ ବଜାର ଲକ୍ଷ୍ମୀପୂଜା କମିଟି
ପ୍ରସାଦ ମୁଖ୍ୟ ଆକର୍ଷଣ
ମନ୍ଦିରରେ ବର୍ଷସାରା ବିଭିନ୍ନ ପୂଜାପର୍ବାଣି ପାଳନ ହେଉଥିଲେ ମଧ୍ୟ ଗଣେଶ ପୂଜା ମୁଖ୍ୟ ପର୍ବ। ଏଠାକାର ପ୍ରସାଦ ମୁଖ୍ୟ ଆକର୍ଷଣ ହୋଇଥିବାବେଳେ ଶ୍ରଦ୍ଧାଳୁମାନେ ବର୍ଷସାରା ଅପେକ୍ଷା କରିଥାଆନ୍ତି।
-ବିଶ୍ୱନାଥ ବେହେରା, ଗଣେଶ ବଜାର ଲକ୍ଷ୍ମୀପୂଜା ପ୍ରତିଷ୍ଠାନ ସମ୍ପାଦକ
ପୂଜା କଲେ ବିଘ୍ନ ଦୂର ହୁଏ
ଗଣେଶଙ୍କ ମନ୍ଦିରରେ ବିବାହ, ବ୍ରତଘର, ଗଣେଶ ପୂଜା, ଦଶହରା, କାର୍ତ୍ତିକ ପୂର୍ଣ୍ଣିମାରେ ସ୍ବତନ୍ତ୍ର ନୀତିକାନ୍ତି ହୋଇଥାଏ। ବିଘ୍ନ ବିନାଶକଙ୍କୁ ପୂଜା କଲେ ସକଳ ବିଘ୍ନ ଦୂର ହୁଏ ବୋଲି
ବିଶ୍ୱାସ ରହିଛି। ତେଣୁ ଦୈନିକ ଶ୍ରଦ୍ଧାଳୁଙ୍କ ସମାଗମ ହୋଇଥାଏ।
-ଅରବିନ୍ଦ ସାହୁ, ମଞ୍ଚ ଅଭିନେତା


Enter your email to get our daily news in your inbox.

All Right Reserved By Dharitri.Com

ସିଂହଦ୍ୱାର ସମ୍ମୁଖରେ ଭଜନ ମଣ୍ଡପ ହେଉ

ପୁରୀ ଅଫିସ, ୧୨।୯: ସିଂହଦ୍ୱାର ସମ୍ମୁଖରେ ଭଜନ ମଣ୍ଡପ ନିର୍ମାଣ ପାଇଁ ଓଡ଼ିଶା ଯୁବ ଚେତନା ସଙ୍ଗଠନ ଦାବି କରିଛି। ଏ ନେଇ ସଙ୍ଗଠନ ପକ୍ଷରୁ...

ସ୍ତ୍ରୀ ହତ୍ୟା ଲାଗି ସୁପାରି

ନୟାଗଡ ଅଫିସ,୧୩।୨: ହତ୍ୟାର ୧୫ ଦିନ ପରେ ନୟାଗଡ ଜିଲା ଶରଣକୁଳ ଥାନା ସୁଆରସାହିର ସସ୍ମିତା ମହାପାତ୍ର ହତ୍ୟା ଘଟଣାର ଗୁମର ଫିଟିଛି । ସ୍ତ୍ରୀଙ୍କୁ...

ଓଏସ୍‌ଆର୍‌ଟିସି ଏମ୍‌ଡିଙ୍କୁ ତଦନ୍ତ ଭାର ନେଇ ପ୍ରଶ୍ନ

ନୟାଗଡ ଅଫିସ,୮।୧୨: ପରୀକୁ ନ୍ୟାୟ ଦେବା ଦାବିରେ ନୟାଗଡ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖ ଦୁର୍ଗାମଣ୍ଡପରେ ଭାଜପା ପକ୍ଷରୁ ଚାଲିଥିବା ରିଲେ ଅନଶନ ତୃତୀୟ ଦିବସରେ ପହଞ୍ଚତ୍ଛି।...

୫ରୁ ସରସ୍ବତୀ ମେଳା

ଉଦଳା,୨୯ା୧(ଡ଼ି.ଏନ୍‌.ଏ.)- ଆସନ୍ତା ଫେବୃୟାରୀ ୫ ତାରିଖରୁ ଉଦଳାଠାରେ ଐତିହାସିକ ସରସ୍ବତୀ ମେଳା ଆରମ୍ଭ ହେବ। ଏହା ୧୯ ତାରିଖ ପର୍ଯ୍ୟନ୍ତ ଚାଲୁ ରହିବ। ମଙ୍ଗଳବାର ଆୟୋଜିତ...

ଆଜି ଶ୍ରୀମନ୍ଦିରରେ ଫଗୁ ଦଶମୀ

ପୁରୀ ଅଫିସ,୧୩।୩: ଆଜି ଶ୍ରୀମନ୍ଦିରରେ ଫଗୁ ଦଶମୀ । ଏହି ଅବସରରେ ମହାପ୍ରଭୁଙ୍କ ଚାଚେରୀ ବେଶ ଓ ଚାଚେରୀ ଭୋଗ ନୀତି କରାଯିବ । ଠାକୁରେ...

ଝିଅର ଆର୍‌ଟିଆଇ ତଥ୍ୟ ମା’ହତ୍ୟା ଘଟଣାର ଗୁମର ଖୋଲିଲା: ୮ ବର୍ଷ ପରେ ଖପୁରି ଉଦ୍ଧାର

ସମ୍ବଲପୁର, ୨୭।୭ (ବ୍ୟୁରୋ): ଦିଲ୍ଲୀସ୍ଥିତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନ୍‌ୟୁ)ରେ ପିଏଚ୍‌ଡି କରୁଥିବା ଜଣେ ଛାତ୍ରୀ ସୂଚନା ଆଇନ ବଳରେ ତାଙ୍କ ମା’ଙ୍କ ନିଖୋଜ ନେଇ...

‘ମୁଁ ବଞ୍ଚିବାକୁ ଚାହେଁ, ଏହା ମୋର ଶେଷ ଇଚ୍ଛା’

କଟକ ଅଫିସ, ୮ା୬: କେନ୍ଦ୍ରାପଡା ଏମ୍‌ପି ତଥା ଅଭିନେତା ଅନୁଭବ ମହାନ୍ତି ପୁଣି ଏକ ଭିଡିଓ ନିଜର ୟ୍ୟୁଟୁବ୍‌ ଚ୍ୟାନେଲରେ ଅପ୍‌ଲୋଡ କରିଛନ୍ତି। କୋର୍ଟଙ୍କ ବାରଣ...

୨୨ ଦିନ ପରେ ନୀଳଗିରି ଧରମପୁରରୁ ପୁଣି ଆଉ ଜଣେ କରୋନା ପଜିଟିଭ୍‌

ସଜନାଗଡ଼,୧୨।୫(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ବ୍ଲକ ଧରମପୁର ପଞ୍ଚାୟତ ବାଉଁଶପାଳ ଗାଁରୁ ମଙ୍ଗଳବାର ପୁଣି ଜଣେ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଚିହ୍ନଟ ହୋଇଥିବା ଆକ୍ରାନ୍ତ...

Advertisement
Archives

Model This Week