କୋଲକାତା,୨୮ ।୯: ପଶ୍ଚିମବଙ୍ଗରେ ଆସନ୍ତା ବର୍ଷ ହେବାକୁ ଯାଉଛି ବିଧାନସଭା ନିର୍ବାଚନ । ହେଲେ ଏବେଠାରୁ ସେଠାରେ ବିଭିନ୍ନ ରାଜନୈତିକ ଦଳ ସଜବାଜ ହେବା ଦେଖାଗଲାଣି । ବିଶେଷ କରି ଭାରତୀୟ ଜନତା ପାର୍ଟି(ଭାଜପା) ଓ ତ୍ରୁଣମୂଳ କଂଗ୍ରେସ(ଟିଏମ୍ସି )ମଧ୍ୟରେ କଥା କଟାକଟି ଆରମ୍ଭ ହୋଇଯାଇଛି । ନିକଟରେ ଭାଜପାର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ନୂଆ ଟିମରେ ସାମିଲ ହୋଇଥିବା ତଥା ପଶ୍ଚିମବଙ୍ଗର ରାଷ୍ଟ୍ରୀୟ ସଚିବ ପଦ ଦିଆଯାଇଥିବା ଅନୁପମ ହାଜରା ନିକଟରେ ଏକ ବିବାଦୀୟ ବୟାନ ଦେଇ ଆସିଛନ୍ତି ଚର୍ଚ୍ଚାକୁ । ସେ କହିଛନ୍ତି ଯଦି ସେ କରୋନା ଭାଇରସ ଦ୍ୱାରା ସଂକ୍ରମିତ ହେବେ ତେବେ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ନିଶ୍ଚୟ ଆଲିଙ୍ଗନ କରିବେ । ଏହାପରେ ଏଭଳି ବୟାନକୁ ନେଇ ସିଲିଗୁଡିରେ ଅନୁପମଙ୍କ ନାଁରେ ଏକ ଅଭିଯୋଗ କରାଯାଇଛି । ସୂଚନଯୋଗ୍ୟ, ରବିବାର ଦକ୍ଷିଣ ୨୪ ପ୍ରଗଣାରେ ଦଳୀୟ କର୍ମୀଙ୍କୁ ଉଦ୍ବୋଧନ ଦେବା ସମୟରେ ଅନୁପମ ଏଭଳି ବୟାନ ଦେଇଛନ୍ତି ।
