ବର୍ମିଂହାମ,୮।୮: ରାଜ୍ୟଗୋଷ୍ଠୀ କ୍ରୀଡା ୨୦୨୨ରେ ଭାରତ ସମେତ ଅଷ୍ଟ୍ରେଲିଆ ଏବଂ ଇଂଲଣ୍ଡ ଚମତ୍କାର ପ୍ରଦର୍ଶନ କରିଛନ୍ତି। ଦଶମ ଦିନର ଶେଷ ପର୍ଯ୍ୟନ୍ତ ଅଷ୍ଟ୍ରେଲିଆ ଦଳ ପଦକ ତାଲିକାରେ ଶୀର୍ଷରେ ରହିଛି। ଅଷ୍ଟ୍ରେଲିଆ ଏପର୍ଯ୍ୟନ୍ତ ୬୬ଟି ସ୍ବର୍ଣ୍ଣ, ୫୫ଟି ରୌପ୍ୟ ଏବଂ ୫୩ଟି ବ୍ରୋଞ୍ଜ ପଦକ ଜିତିଛି। ଭଲ ପ୍ରଦର୍ଶନ ସହିତ ଅଷ୍ଟ୍ରେଲିଆ ଏକ ବିଶେଷ କାରଣ ପାଇଁ ଚର୍ଚ୍ଚାରେ ରହିଥିଲା। ଦେଶ ପାଇଁ ଗୋଟିଏ ପରିବାର ଦିଆର ଏବଂ ଭାଉଜ ପଦକ ଜିତିଥିଲେ। ଭାଉଜ ସ୍ବର୍ଣ୍ଣ ଏବଂ ଦିଅର ରୌପ୍ୟ ପଦକ ଜିତିଥିଲେ।
ଅଷ୍ଟ୍ରେଲିଆର ମହିଳା କ୍ରିକେଟ ଦଳରେ ଆଲିସା ହେଲିଙ୍କୁ ସାମିଲ କରାଯାଇଥିଲା। ସେ ଅଷ୍ଟ୍ରେଲିଆର କ୍ରିକେଟର୍ ମିଚେଲ ଷ୍ଟାର୍କଙ୍କ ସ୍ତ୍ରୀ। ଷ୍ଟାର୍କଙ୍କ ସାନ ଭାଇ ବ୍ରାଣ୍ଡନ ଷ୍ଟାର୍କ ମଧ୍ୟ ରାଜ୍ୟଗୋଷ୍ଠୀ କ୍ରାଡ଼ାରେ ଭାଗ ନେଇଥିଲେ। ହାଇ ଜମ୍ପ ଇଭେଣ୍ଟରେ ବ୍ରାଣ୍ଡନ ରୌପ୍ୟ ପଦକ ଜିତିଥିଲେ।
ଅଷ୍ଟ୍ରେଲିଆ ପରେ ଇଂଲଣ୍ଡ ପଦକ ତାଲିକାରେ ଦ୍ୱିତୀୟ ସ୍ଥାନରେ ରହିଛି। ଇଂଲଣ୍ଡ ୫୫ ସ୍ବର୍ଣ୍ଣ, ୫୯ ରୌପ୍ୟ ଏବଂ ୫୨ ବ୍ରୋଞ୍ଜ ପଦକ ଜିତିଛନ୍ତି। ଏହିପରି, ଇଂଲଣ୍ଡରେ ମୋଟ ୧୬୬ ପଦକ ରହିଛି। ଏହି ପ୍ରସଙ୍ଗରେ ଭାରତ ପଞ୍ଚମ ସ୍ଥାନରେ ରହିଛି। ଭାରତ ୧୮ଟି ସ୍ବର୍ଣ୍ଣ ପଦକ ଜିତିଛି। ଏହା ସହିତ ଭାରତ ୧୫ ରୌପ୍ୟ ଏବଂ ୨୨ଟି ବ୍ରୋଞ୍ଜ ପଦକ ଜିତିଛି ଦଶମ ଦିନ ପର୍ଯ୍ୟନ୍ତ ଭାରତ ମୋଟ ୫୫ ପଦକ ପାଇଛି।
