ନିରାକାରପୁର,୧୮ା୩(ଡି.ଏନ୍.ଏ.): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତରେ ୧୯୫୯ରୁ ସ୍ଥାପିତ ହୋଇଥିବା କ୍ଷେତ୍ରବାସୀ ଡିଏଭି ମହାବିଦ୍ୟାଳୟ ମୁଖ୍ୟ ଫାଟକଟି ଏବେ ବିପଦପୂର୍ଣ୍ଣ ଅବସ୍ଥାରେ ରହିଥିବା ଦେଖିବାକୁ ମିଳିଛି। ଦୀର୍ଘଦିନ ହେଲା ରକ୍ଷଣାବେକ୍ଷଣ ଅଭାବରୁ ଏହା ଏବେ ରୁଗ୍ଣ ଅବସ୍ଥାରେ ପଡ଼ିରହିଛି। ଏପରିକି ରଙ୍ଗ ଟିକିଏ ମରାଯାଉ ନ ଥିବା ଦେଖିବାକୁ ମିଳିଛି।
ଉକ୍ତ କଲେଜରେ ଯୁକ୍ତ ଦୁଇ ପ୍ରଥମ ବର୍ଷରେ ୮୦୦,ଦ୍ୱୀତୀୟ ବର୍ଷ ୮୦୦ ଏବଂ ଯୁକ୍ତ ୩ ୧୭୪୪ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି। ସେଥିରେ ପ୍ରାୟ ୧୦୦ରୁ ଊର୍ଦ୍ଧ୍ୱ ଅଧ୍ୟାପିକା ଅଧ୍ୟାପକ ଓ ଅନ୍ୟାନ୍ୟ କର୍ମଚାରୀ କାର୍ଯ୍ୟରତ ଅଛନ୍ତି। ଏମାନଙ୍କ ସମେତ ପିଲାଙ୍କ ଅଭିଭାବକ ଦୈନିକ କଲେଜକୁ ବିଭିନ୍ନ କାର୍ଯ୍ୟ ନେଇ ଉକ୍ତ ଫାଟକ ତଳେ ଯାତାୟାତ କରିଥାନ୍ତି। ଏହାକୁ ମରାମତି କରାଯାଉ ନ ଥିବା ବେଳେ ନୂଆ ଫାଟକ ଗଢ଼ାଚାଲିଛି। ଏନେଇ ଉକ୍ତ କଲେଜର ଅଧ୍ୟକ୍ଷା ପ୍ରତିଭାମୟୀ ମିତ୍ରଙ୍କୁ ପଚାରିବାରୁ ମୁଁ ଦେଖୁଛି ବୋଲି କହିଛନ୍ତି।
