କୋଲକାତା,୧୩ ।୧୦: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପୁଣିଥରେ କେନ୍ଦ୍ରର ଭାରତୀୟ ଜନତା ପାର୍ଟି(ଭାଜପା) ସରକାର ଊପରେ ବର୍ଷିଛନ୍ତି । ଗୁରୁବାର କୋଲକାତାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ମମତା କହିଛନ୍ତି, ଆଜି ଭାଜପା ଶାସନରେ ରହିଛି ଓ ତା’ର କେନ୍ଦ୍ରୀୟ ଏଜେନ୍ସି ଗୁଡିକୁ ଦେଖାଉଛି । ଆସନ୍ତାକାଲି ଆପଣ ଯେତେବେଳେ କ୍ଷମତାରେ ନ ଥିବେ ସେତେବେଳେ ଏହି କେନ୍ଦ୍ରୀୟ ଏଜେନ୍ସି ଆପଣଙ୍କ ଘରେ ପଶି ଆପଣଙ୍କ କାନ ଧରି ବାହାରକୁ ଟାଣିନେବ, ଏହି ଦିନ ଶୀଘ୍ର ଆସିବ ।
ମମତା ଆହୁରି କହିଛନ୍ତି, ଦୁର୍ଗାପୂଜା ସମୟରେ ଗୋଟିଏ ପେଣ୍ଡାଲରେ ଅସୂର ସ୍ଥାନରେ ଯେପରି ମହାତ୍ମା ଗାନ୍ଧୀଙ୍କ ମୂର୍ତ୍ତି ପ୍ରଦର୍ଶିତ କରାଯାଇଥିଲା । ଏମିତି ଲୋକଙ୍କୁ କିଭଳି ସଜା ଦରକାର ବୋଲି ମମତା ପ୍ରଶ୍ନ କରିଥିଲେ । ଏମିତି ଲଜ୍ୟାଜନକ ଘଟଣାର ଜବାବ ଦେବେ ଜନତା । ମୁଁ ଏହାକୁ ନେଇ ବହୁତ ନିରାଶ ଥିଲି ହେଲେ କିଛି କହିପାରିଲି ନାହିଁ, କାରଣ ପୂଜା ସମୟରେ ବିରୋଧ କରାଯାଇଥାଆନ୍ତା । ସୂଚନାଯୋଗ୍ୟ, ଏହି ଘଟଣାକୁ ନେଇ ଅଖିଳ ଭାରତୀୟ ହିନ୍ଦୁ ମହାସଭା ବିରୋଧରେ ଅଭିଯୋଗ କରାଯାଇଥିଲା । ମୂର୍ତ୍ତିକୁ ପୁଣିଥରେ ଅସୂରରେ ପରିବର୍ତ୍ତନ କରାଯାଇଥିଲା ।
