କୋଲକାତା,୧୪।୯: ପଶ୍ଚିମବଙ୍ଗର ମମତା ସରକାରଙ୍କ ଦୁର୍ନୀତି ବିରୋଧରେ ଭାଜପା ‘ନବନ୍ନା ଅଭିଯାନ’ ଆରମ୍ଭ କରିଥିଲା। ଏହି ସମୟରେ ବିକ୍ଷୋଭକାରୀଙ୍କ ସହିତ ପୋଲିସ ସହିତ ସଂଘର୍ଷ ଘଟି ଅନେକ ଲୋକ ଆହତ ହୋଇଛନ୍ତି। ଏହି ପ୍ରଦର୍ଶନକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଭାଜପାକୁ ଟାର୍ଗେଟ କରିଛନ୍ତି।
ମମତା କହିଛନ୍ତି, ସେପ୍ଟେମ୍ବର୧୩ର ରାଲି ପାଇଁ ବଙ୍ଗଳା ବାହାରୁ ଭାଜପା ଗୁଣ୍ଡା ଆଣିଥିଲା। ହିଂସାତ୍ମକ ଭାଜପା ପ୍ରଦର୍ଶନକାରୀଙ୍କ ଉପରେ ପୋଲିସ ଗୁଳି ଚଳାଇ ପାରିଥାନ୍ତା, କିନ୍ତୁ ସରକାର ସଂଯମ ପାଳନ କରିଥିଲେ।
କଲିକତା ହାଇକୋର୍ଟ ମଧ୍ୟ ନବନ୍ନା ମାର୍ଚ୍ଚରେ ହୋଇଥିବା ହିଂସା ସମ୍ପର୍କରେ ରାଜ୍ୟ ଗୃହ ସଚିବଙ୍କଠାରୁ ରିପୋର୍ଟ ମାଗିଛନ୍ତି। ରିପୋର୍ଟ ଦାଖଲ କରିବାକୁ ସେପ୍ଟେମ୍ବର ୧୯ ପର୍ଯ୍ୟନ୍ତ କୋର୍ଟ ସମୟ ଦେଇଛନ୍ତି।
ସୂଚନାଯୋଗ୍ୟ, ଭାଜପା ମଙ୍ଗଳବାର ଶାସକ ତୃଣମୂଳ କଂଗ୍ରେସ (ଟିଏମସି) ସରକାର ବିରୋଧରେ ପଶ୍ଚିମବଙ୍ଗ ସଚିବାଳୟଠାରୁ ଏକ ନବନ୍ନା ପଦଯାତ୍ରା ଆରମ୍ଭ କରିଥିଲା। ଏହି ପଦଯାତ୍ରା ପାଇଁ ପୋଲିସ ଅନୁମତି ଦେଇ ନ ଥିଲା। ବିରୋଧ ପ୍ରଦର୍ଶନ ସମୟରେ ଭାରତୀୟ ଜନତା ପାର୍ଟି କର୍ମୀ ଏବଂ ପୋଲିସ ମଧ୍ୟରେ ଅନେକ ସ୍ଥାନରେ ସଂଘର୍ଷ ହୋଇଥିଲା। ବିକ୍ଷୋଭକାରୀଙ୍କୁ ରୋକିବା ପାଇଁ ପୋଲିସ ଲୁହବୁହା ଗ୍ୟାସ ବ୍ୟବହାର କରିଥିଲା। ଅନେକ କାର୍ଯ୍ୟକର୍ତ୍ତାଙ୍କୁ ମଧ୍ୟ ପୋଲିସ ଗିରଫ କରିଥିଲା। ପ୍ରଦର୍ଶନ ସମୟରେ ଏକ ପୋଲିସ କାରରେ ନିଆଁ ଲଗାଇଦିଆଯାଇଥିଲା।
