Advertisement

ବହି ଲେଖି ପରିବେଶକୁ ଦାନ

କ୍ଲାଇମେଟ୍‌ ଚେଞ୍ଜ: ଦି ପାୱାର ଅଫ୍‌ ୟୁଥ୍‌ : ଜଳବାୟୁ ପରିବର୍ତ୍ତନ ସାରା ବିଶ୍ୱ ପାଇଁ ଆହ୍ବାନ ସୃଷ୍ଟି କରିଥିବାବେଳେ ଯୁବପିଢ଼ି କିପରି ଏ ଦିଗରେ ସଚେତନ ହେବେ ସେଥିପାଇଁ ‘ଧରିତ୍ରୀ’ ଆୟୋଜନ କରୁଛି ‘ଯୁବ ସମ୍ମିଳନୀ’ ବା ‘ୟୁଥ୍‌ କନ୍‌କ୍ଲେଭ୍‌-୨୦୨୨’। ନଭେମ୍ବର ୨୪ ତାରିଖ ‘ଧରିତ୍ରୀ’ର ଜନ୍ମବାର୍ଷିକୀ ପାଳନ ଅବସରରେ ଆୟୋଜନ ହେବାକୁ ଥିବା ଏହି ଯୁବ ସମ୍ମିଳନୀରେ ରାଜ୍ୟ ତଥା ଦେଶର ବିଭିନ୍ନ ପ୍ରାନ୍ତରରୁ ଯୁବ ପରିବେଶବିତ୍‌ମାନେ ଯୋଗଦେବେ। ଏଥିସହିତ ରାଜ୍ୟର ବହୁ ଶିକ୍ଷାନୁଷ୍ଠାନରୁ ଯୁବବକ୍ତା ଅଂଶଗ୍ରହଣ କରି ସେମାନଙ୍କ ସୁଚିନ୍ତିତ ମତାମତ ଦେବେ। ଯୁବ ପରିବେଶବିତ୍‌ଙ୍କ ସମ୍ପର୍କରେ…

‘ଧରିତ୍ରୀ’ ପକ୍ଷରୁ ଆସନ୍ତା ୨୪ତାରିଖରେ ‘ଯୁବ ସମ୍ମିଳନୀ’ ବା ‘ୟୁଥ୍‌ କନ୍‌କ୍ଲେଭ୍‌’-୨୦୨୨ ଆୟୋଜନ ହେବାକୁ ଯାଉଛି। ଏହି ଯୁବ ସମ୍ମିଳନୀରେ ରାଜ୍ୟ ତଥା ଦେଶର ବିଭିନ୍ନ ପ୍ରାନ୍ତରୁ ଯୁବ ପରିବେଶବିତ୍‌ମାନେ ଯୋଗଦେବେ। ସେମାନଙ୍କ ମଧ୍ୟରେ ରହିଛନ୍ତି ଓଡ଼ିଶାର ଉଦୀୟମାନ ଯୁବ ଲେଖକ ତଥା ଗବେଷକ ସାଗର ପ୍ରଧାନ। ସାଗର ପୁସ୍ତକ ରଚନା କରି ସଂଗୃହୀତ ଅର୍ଥକୁ ପରିବେଶ ସୁରକ୍ଷା ଦିଗରେ ଲଗାଉଛନ୍ତି, ଯାହାକି ବହୁ ଯୁବପିଢ଼ିଙ୍କ ପାଇଁ ସେ ଆଦର୍ଶ ହୋଇପାରିଛନ୍ତି। ପେସାରେ ଜଣେ ସଫ୍ଟଓ୍ବେର ଇଞ୍ଜିନିୟର। କିନ୍ତୁ ନିଶା ହେଉଛି ପୁସ୍ତକ ରଚନା ଏବଂ ପରିବେଶ ସୁରକ୍ଷା କରିବା। ୩୧ବର୍ଷୀୟ କେନ୍ଦ୍ରାପଡ଼ାର ସାଗର ପ୍ରଧାନଙ୍କୁ ପରିବେଶ ସୁରକ୍ଷା ଦିଗରେ ଉଲ୍ଲେଖନୀୟ ଅବଦାନ ପାଇଁ ମିଳିତ ଜାତିସଂଘ ପକ୍ଷରୁ ୨୦୨୧ରେ ‘ବିଶ୍ୱ ପରିବେଶ ଦିବସ ହିରୋ-୨୦୨୦’ ଭାବେ ସମ୍ମାନିତ କରାଯାଇଛି। ଏହାପୂର୍ବରୁ ୨୦୧୯ରେ ଓଡ଼ିଶା ରାଜ୍ୟପାଳ ପ୍ରଫେସର ଗଣେଶୀ ଲାଲ ତାଙ୍କୁ ସମ୍ମାନିତ କରିଥିଲେ। ଏଥିସହ ସେ ବହୁ ସମ୍ମାନରେ ସମ୍ମାନିତ ହୋଇଛନ୍ତି। ଏହି ପ୍ରତିଭା ପାଇଁ ସେ ଇଣ୍ଡିଆ ବୁକ୍‌ ଅଫ୍‌ ରେକର୍ଡସ ୨୦୨୨ରେ ବି ସ୍ଥାନ ପାଇଛନ୍ତି।
ସାଗର ବାଙ୍ଗାଲୋରର ଏକ କମ୍ପାନୀରେ ସଫ୍ଟଓ୍ବେର ଇଞ୍ଜିନିୟର ଭାବେ କାର୍ଯ୍ୟରତ। ଛୋଟ ବେଳରୁ ପୁସ୍ତକ ରଚନା କରିବାର ସ୍ବପ୍ନ ଥିବାରୁ ଧୀରେ ଧୀରେ ଲେଖିବା ଆରମ୍ଭ କରିଥିଲେ। ବିଶେଷକରି ପ୍ରଯୁକ୍ତି ବିଦ୍ୟା ସମ୍ବନ୍ଧୀୟ ପୁସ୍ତକ ରଚନା କରୁଛନ୍ତି। ଇଣ୍ଟରନେଟ୍‌ ଅଫ୍‌ ଥିଙ୍ଗ୍‌ସ, ଜାଭା ପ୍ରୋଗ୍ରାମିଂ, ବେସିକ ଜାଭା ବୁକ୍‌, ଇ-କର୍ମସ ଭଳି ପୁସ୍ତକ ରଚନା କରିଛନ୍ତି। ସାଗର ଏହାରି ଭିତରେ ୭ଟି ପୁସ୍ତକ, ୨୮ଟି ଅନୁସନ୍ଧାନ ଆଲେଖ୍ୟ ସହ ଅନେକ କ୍ଷୁଦ୍ର ଗଳ୍ପ ସଙ୍କଳ୍ପ ମଧ୍ୟ ରଚନା କରିଛନ୍ତି। ତାଙ୍କ ରଚିତ ପୁସ୍ତକ କେବଳ ଭାରତ ନୁହେଁ, ବିଭିନ୍ନ ବୈଷୟିକ ଶିକ୍ଷାନୁଷ୍ଠାନରେ ପଢ଼ାଯାଉଛି। ବିଶ୍ୱବଜାରରେ ଏହି ପୁସ୍ତକ ଉପଲବ୍ଧ ହେଉଛି। ଏଥିରୁ ଯେଉଁ ରୟାଲ୍‌ଟି ପାଉଛନ୍ତି, ତାକୁ ନିଜେ ନ ରଖି ଏକ ମହତ କାର୍ଯ୍ୟରେ ନିୟୋଜିତ କରିବା ପାଇଁ ଚିନ୍ତା କରିଥିଲେ। ସାଗରଙ୍କ ମତରେ ବହି ରଚନା କଲେ ଆମେ ଯେଉଁ କାଗଜ ବ୍ୟବହାର କରୁଛେ, ତା’ ପ୍ରତି ବଦଳରେ ଆମେ ପରିବେଶକୁ ଯଦି କିଛି ଦେବା ନାହିଁ, ତା’ହେଲେ ଆମ କାର୍ଯ୍ୟଧାରା ନିରର୍ଥକ ହୋଇଯିବ। ଗୋଟେ ପୁସ୍ତକ ରଚନାରେ ଯେମିତି ଜଣେ ଲେଖକ, ପ୍ରକାଶକଙ୍କ ଅବଦାନ ରହିଛି, ସେମିତି ଗୋଟେ ବୃକ୍ଷର ସବୁଠାରୁ ବଡ଼ ଅବଦାନ ରହୁଛି। କାରଣ ପୁସ୍ତକଟି କାଗଜରେ ଲେଖାଯାଉଛି ଏବଂ ସେହି କାଗଜ ପାଇଁ ଗୋଟେ ଗଛର ଜୀବନ ଯାଉଛି। ତେଣୁ ସେ ପୁସ୍ତକରୁ ଯେଉଁ ରୟାଲ୍‌ଟି ଆସୁଛି ତାକୁ ପରିବେଶ ସୁରକ୍ଷା ଦିଗରେ ନିୟୋଜିତ କରିବାକୁ ନିଷ୍ପତ୍ତି ନେଇଥିଲେ। ତେଣୁ ସେ ମିଳିତ ଜାତିସଂଘ ସହ ଯୋଡ଼ିହେଲେ। ତାଙ୍କ ପୁସ୍ତକ ଆଲେଖ୍ୟରୁ ଆସୁଥିବା ସମସ୍ତ ଅର୍ଥକୁ ସେ ମିଳିତ ଜାତିସଂଘ ଦ୍ୱାରା ପରିଚାଳିତ ପରିବେଶ ସୁରକ୍ଷା ସଂସ୍ଥାକୁ ଦାନ କରୁଛନ୍ତି। ଗତ ୧୦ବର୍ଷ ହେଲାଣି ସେ ଏଭଳି ଦାନ କରି ଆସୁଛନ୍ତି। ତାଙ୍କ ଅର୍ଥରେ ୧୦ହଜାରରୁ ଊର୍ଦ୍ଧ୍ୱ ବୃକ୍ଷରୋପଣ କରାଯାଇଥିବାବେଳେ ୧୨ଟି ଛୋଟ ହ୍ରଦର ପୁନରୁଦ୍ଧାର କରାଯାଇପାରିଛି। ଏ ନେଇ ସାଗର କୁହନ୍ତି, ପୁସ୍ତକ ରଚନା କିମ୍ବା କୌଣସି ଶିକ୍ଷାକୁ ନେଇ ମୋର ବ୍ୟବସାୟ କରିବାର ଉଦ୍ଦେଶ୍ୟ ନ ଥିଲା। ଏବେ ମଧ୍ୟ ନାହିଁ। ନିଜେ ପଢ଼ିବା ସମୟରେ ଭଲ ପ୍ରକାଶକଙ୍କ ପୁସ୍ତକ କିଣିବା ପାଇଁ ସାମର୍ଥ୍ୟ ନ ଥିବାରୁ ଜେରକ୍ସ କରି ଆଣି ପଢ଼ୁଥିଲି। ଯେହେତୁ ମୁଁ ଭଲ ନୋଟ୍‌ କରେ, ତେଣୁ ଭାବେ, ଯଦି ମୁଁ କେବେ ବହି ଲେଖିପାରନ୍ତି ତେବେ ଏହିଭଳି ପୁସ୍ତକକୁ କମ୍‌ ଟଙ୍କାରେ ବିକ୍ରି କରିପାରନ୍ତି। ଫଳରେ ବହୁ ପିଲା ଉପକୃତ ହୋଇପାରିବେ। ଯେତେବେଳେ ପୁସ୍ତକ ପ୍ରକାଶ ପାଇଲା ଏବଂ କିଛି ଅର୍ଥ ପାଇଲି, ସେତେବେଳେ ସେହି ଅର୍ଥକୁ କିପରି ପରିବେଶ ସୁରକ୍ଷା ଦିଗରେ ନିୟୋଜିତ କରିବି ତାହା ଚିନ୍ତା କଲି। ତେଣୁ ମିଳିତ ଜାତିସଂଘ ସହ ଯୋଡ଼ିହୋଇ ସେହି ଟଙ୍କାକୁ ପରିବେଶ ସୁରକ୍ଷା ଦିଗରେ ନିୟୋଜିତ କରିବା ପାଇଁ ନିଷ୍ପତ୍ତି ନେଲି। ତେବେ ୨୦୧୪ରେ ପ୍ରଥମ ପୁସ୍ତକ ‘ଜାଭା’ ପ୍ରକାଶ ପାଇଥିଲା। ତାହା ଅଳ୍ପ ଲୋକପ୍ରିୟ ହୋଇଥିଲା। କିନ୍ତୁ ୨୦୧୮ରେ ଦ୍ୱିତୀୟ ପୁସ୍ତକ ‘ଇଣ୍ଟରନେଟ୍‌ ଅଫ୍‌ ଥିଙ୍ଗ୍‌ସ’ ମୋତେ ପରିଚୟ ଦେଇଥିଲା।


Enter your email to get our daily news in your inbox.

All Right Reserved By Dharitri.Com

କଳା ପ୍ରତିଭା ପ୍ରଦର୍ଶନ କଲେ କଳାକାର

ଦେଓଗାଁ,୧୭ା୧୧(ଡି.ଏନ.ଏ.) ବଲାଙ୍ଗୀର ଜିଲା ଦେଓଗାଁ ବ୍ଲକ ଅନ୍ତର୍ଗତ କୁତୁର୍ଲାରେ କୋଶଳୀ ଲୋକନୃତ୍ୟ ଏକାଡେମୀର ୨୨ତମ ପ୍ରତିଷ୍ଠା ଦିବସ ଓ ଗଣ୍ଡାବଜା କର୍ମଶାଳା ଅନୁଷ୍ଠିତ ହୋଇଯାଇଛି ା...

୩୦ରେ ସରିବ ମାଗଣା ବୁଷ୍ଟର ଡୋଜ୍‌ ଟିକାକରଣ

ଭୁବନେଶ୍ୱର,୪।୯(ବ୍ୟୁରୋ): ରାଜ୍ୟରେ ମାଗଣା କରୋନା ଟିକା ଅବଧି ସରିଆସୁଛି। ତେଣୁ ତୁରନ୍ତ ବୁଷ୍ଟର ଡୋଜ୍‌ ବା ପ୍ରିକଶନ ଡୋଜ୍‌ ଟିକା ନେବା ପାଇଁ ସ୍ବାସ୍ଥ୍ୟ ବିଭାଗ...

ପେଟ୍ରୋଲ ପମ୍ପ୍‌ ବିସ୍ଫୋରଣ ଘଟଣା: ଆହତଙ୍କ ପାଇଁ ମାଗଣା ଚିକିତ୍ସା ଘୋଷଣା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୭ା୧୦(ବ୍ୟୁରୋ): ରାଜଭବନ ଛକସ୍ଥିତ ଏକ ପେଟ୍ରୋଲ ପମ୍ପରେ ଭୟଙ୍କର ବିସ୍ଫୋରଣ ଘଟି ନିଆଁ ଲାଗିଯାଇଥିଲା। ବର୍ତ୍ତମାନ ନିଆଁ ଲିଭାଇବା ଏବଂ ପରିସ୍ଥିତି ନିୟନ୍ତ୍ରଣରେ ରହିଛି। ଏହି...

କାଳି ମନ୍ଦିରରେ ତାଲା ଭାଙ୍ଗି ଲୁଟ୍‌: ମା’ଙ୍କ ଟଙ୍କା,ସୁନା, ରୁପା ନେଇଗଲେ ଦୁର୍ବୃତ୍ତ; ପୋଲିସର ତଦନ୍ତ ଆରମ୍ଭ

ପାଟପୁର,୧୯।୪(ଡି.ଏନ୍‌.ଏ.) : ଗଞ୍ଜାମ ଜିଲା ସାନଖେମୁଣ୍ଡି ବ୍ଳକ ପଳାସପୁର କାଳୀ ମନ୍ଦିରରୁ ଶନିବାର ବିଳମ୍ବିତ ରାତିରେ ଚୋରି ହୋଇଛି। ସାରା ଅଞ୍ଚଳରେ ଲକ୍‌ଡାଉନ୍‌ ଚାଲିଥିବା ସମୟରେ...

ବଢୁଛି ଅନ୍‌ଲକ୍‌ ସମ୍ଭାବନା

ଭୁବନେଶ୍ୱର, ୧୩ା୬(ବ୍ୟୁରୋ): ରାଜ୍ୟରେ ତଳମୁହାଁ ହେଉଛି କରୋନା ସଂକ୍ରମଣ। ଅନେକ ଜିଲାରେ ସଂକ୍ରମଣ ହାର କମ୍‌ ରହୁଥିବାରୁ ଆସନ୍ତା ୧୭ତାରିଖ ସକାଳ ୫ଟାରେ ଲକ୍‌ଡାଉନ ଶେଷ...

ଖସିଲା କରୋନା ଗ୍ରାଫ୍‌: ଆଜି ୬ ପଜିଟିଭ୍‌ ଚିହ୍ନଟ

ଭୁବନେଶ୍ୱର,୩୦ା୫(ବ୍ୟୁରୋ): ସୋମବାର ରାଜ୍ୟରୁ ୬ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୧୨,୮୮,୪୩୭ରେ ପହଞ୍ଚିଥିବା ରାଜ୍ୟ ସୂଚନା ଓ...

ନନ୍ଦନକାନନ ଆସିଲା ଆନାକୋଣ୍ଡା

ଭୁବନେଶ୍ୱର,୨୨।୧୦(ବ୍ୟୁରୋ): ଗୋଟିଏ ପଟେ ବନ୍ୟଜନ୍ତୁଙ୍କ ମୃତ୍ୟୁକୁ ନେଇ ଚର୍ଚ୍ଚାରେ ରହୁଥିବା ନନ୍ଦନକାନନକୁ ମଙ୍ଗଳବାର ପୁଣି ନୂତନ ଅତିଥି ଆସିଛନ୍ତି। ମାଡ୍ରାସ କ୍ରୋକୋଡାଇଲ ବ୍ୟାଙ୍କରୁ ନନ୍ଦନକାନନ ଆସିଛି...

ଟୋକିଓ ଜିଏଫ୍‌ଏସ୍‌ଇଏସ୍‌ ବୈଠକରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର: ବଢୁଥିବା ଚାହିଦା ଇସ୍ପାତ ଶିଳ୍ପକୁ ଦ୍ରୁତ ବିକାଶ ଆଡ଼କୁ ନେବ

ଭୁବନେଶ୍ୱର, ୨୭ା୧୦(ବ୍ୟୁରୋ): ଭାରତରେ ବଢୁଥିବା ଇସ୍ପାତ ଚାହିଦା ଏହି ଶିଳ୍ପକୁ ଦ୍ରୁତ ବିକାଶ ଆଡକୁ ନେବ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି। ପାଞ୍ଚଦିନିଆ ଜାପାନ...

Advertisement
Archives

Model This Week