ମୁମ୍ବାଇ,୯।୫ : ’ ମହାରାଷ୍ଟ୍ରରେ ଏନସିପିର ନେତୃତ୍ୱକୁ ନେଇ ଚାଲିଥିବା ବିବାଦ ଶେଷ ହୋଇଥାଇପାରେ, କିନ୍ତୁ ଏହା ରାଜ୍ୟ ରାଜନୀତିରେ ବହୁତ ପ୍ରଭାବ ପକାଇଛି। ଦଳର ପରବର୍ତ୍ତୀ ଅଧ୍ୟକ୍ଷ ଘୋଷଣା ନକରିବା ଏବଂ ତାଙ୍କ ଇସ୍ତଫା ପ୍ରତ୍ୟାହାର ନ କରିବାକୁ ଶରଦ ପାୱାରଙ୍କ ନିଷ୍ପତ୍ତିକୁ ଉଦ୍ଧବ ଠାକରେ ନେତୃତ୍ୱାଧୀନ ଶିବସେନା ମଧ୍ୟରେ ବାକ୍ଯୁଦ୍ଧ ଆରମ୍ଭ ହୋଇଛି। ଫଳରେ ମହା ବିକାଶ ଅଘାଡି(ଏମଭିଏ)ର ସଦସ୍ୟ ଦଳଙ୍କ ମଧ୍ୟରେ ମୁହାଁମୁହିଁ ସ୍ଥିତି ସୃଷ୍ଟି ହେବା ସହିତ ମେଣ୍ଟର କଳି ପଦାରେ ପଡ଼ିଛି। ବର୍ତ୍ତମାନ ଶରଦ ପାୱାର ନିଜେ ଏ ସମ୍ପର୍କରେ ଏକ ବିବୃତ୍ତି ଦେଇଛନ୍ତି ଏବଂ ଉଦ୍ଧବ ଶିବସେନା ପକ୍ଷରୁ ଏହାକୁ କଟାକ୍ଷ କରାଯାଇଛି।
ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) କୁ ଆଗକୁ ନେବା ପାଇଁ ଶରଦ ପାୱାର ରାଜନୈତିକ ଉତ୍ତରାଧିକାରୀ ସୃଷ୍ଟି କରିବାରେ ବିଫଳ ହୋଇଛନ୍ତି ବୋଲି ଉଦ୍ଧବ ଶିବସେନା କହିଛି। ଉଦ୍ଧବ ଶିବସେନା ମୁଖପତ୍ର ସାମନାରେ ଏହା ମଧ୍ୟ କୁହାଯାଇଛି , ଶରଦ ପାୱାରଙ୍କ ପରେ ଏନସିପିର ନୂତନ ଅଧ୍ୟକ୍ଷ ଚୟନ କରିବା ପାଇଁ ଗଠିତ ବୃହତ କମିଟିର ବହୁ ସଦସ୍ୟ ଯେଉଁମାନେ ଶାସକ ଭାରତୀୟ ଜନତା ପାର୍ଟି (ଭାଜପା) ସହିତ ଯିବାକୁ ଇଚ୍ଛା କରୁଥିଲେ। କିନ୍ତୁ ଏନସିପି କ୍ୟାଡରମାନଙ୍କ ଚାପରେ ଥିବାରୁ ଏହି ସଦସ୍ୟମାନଙ୍କୁ ପାୱାରଙ୍କୁ ଅଧ୍ୟକ୍ଷ ପଦ ଜାରି ରଖିବାକୁ କହିବାକୁ ପଡ଼ିଥିଲା।
ସାମନାରେ ପ୍ରକାଶିତ ଏହି ଆର୍ଟିକିଲ ଉପରେ ପାୱାର ପ୍ରତିକ୍ରିୟା ପ୍ରକାଶ କରିଛନ୍ତି। ଖବରଦାତାମାନଙ୍କ ସହ କଥାବାର୍ତ୍ତା କରି ପାୱାର କହିଛନ୍ତି, ସେ ଏବଂ ତାଙ୍କ ଦଳର ନେତାମାନେ ଅନ୍ୟମାନେ ଯାହା କୁହନ୍ତି ସେଥିପ୍ରତି ଧ୍ୟାନ ଦିଅନ୍ତି ନାହିଁ। ସାମନାରେ ପ୍ରକାଶିତ ଏହିପରି ପ୍ରବନ୍ଧଗୁଡିକୁ ମଧ୍ୟ ଗୁରୁତ୍ୱ ଦିଅନ୍ତି ନାହିଁ । କାରଣ ଆମେ ଜାଣୁ ଆମେ କଣ କରୁଛୁ। ଏନସିପିରେ ସମସ୍ତେ ଦଳକୁ କିପରି ଆଗକୁ ବଢ଼ାଯିବ ତାହା ଜାଣନ୍ତି ଏବଂ ଦଳର ଏକ ନୂତନ ନେତୃତ୍ୱ କିପରି ଗଢ଼ିବେ ତାହା ମଧ୍ୟ ସେମାନେ ଜାଣନ୍ତି।
ଏହା ଲେଖିବା ତାଙ୍କର ଦୃଷ୍ଟିକୋଣ, କିନ୍ତୁ ଆମେ ଏହାକୁ ଅଣଦେଖା କରୁ। ଆମେ ଜାଣୁ ଆମେ କଣ କରୁଛୁ ଏବଂ ଏଥିରେ ସନ୍ତୁଷ୍ଟ। ୧୯୯୯ ରେ କଂଗ୍ରେସ ଏବଂ ଏନସିପି କ୍ଷମତାକୁ ଆସିଥିଲେ। ପରେ ଜୟନ୍ତ ପାଟିଲ, ଅଜିତ ପାୱାର, ଦିଲୀପ ୱାଲ୍ସେ ପାଟିଲ ଏବଂ ଆର.ଆର ପାଟିଲ ଏନସିପିରୁ କ୍ୟାବିନେଟରେ ସ୍ଥାନ ପାଇଥିଲେ। ମୁଁ ରାଜ୍ୟ ମନ୍ତ୍ରୀ ଭାବରେ ମୋର ରାଜନୈତିକ କ୍ୟାରିୟର ଆରମ୍ଭ କଲି ଏବଂ ପରେ ପଦୋନ୍ନତି ପାଇଲି। କିନ୍ତୁ ୧୯୯୯ ରେ, ମୁଁ ଏହି ନେତାମାନଙ୍କୁ କ୍ୟାବିନେଟ ମନ୍ତ୍ରୀ କରିଥିଲି। ସମଗ୍ର ମହାରାଷ୍ଟ୍ର ସେମାନଙ୍କର କାର୍ଯ୍ୟ ଦେଖିଥିଲା।
