ଇସଲାମବାଦ,୨୧।୫: ପୁଣିଥରେ ପାକିସ୍ତାନର ପରିସ୍ଥିତି ଖରାପ ହେବାକୁ ବସିଛି। ଦେଶରେ ପାଣିକୁ ନେଇ ଉତ୍ତେଜନା ପ୍ରକାଶ ପାଇଛି। ପାଣିକୁ ନେଇ ସିନ୍ଧ ଏବଂ ପଞ୍ଜାବ ମଧ୍ୟରେ ବିବାଦ ଚାଲିଛି। ଏହି ମାମଲା ଏତେ ବଢ଼ିଯାଇଛି ଯେ ଲୋକମାନେ ପ୍ରତିବାଦ କରିବାକୁ ରାସ୍ତାକୁ ଓହ୍ଲାଇ ଆସିଛନ୍ତି। ସିନ୍ଧ ପ୍ରଦେଶର ଗୃହମନ୍ତ୍ରୀ ଜିଆଉଲ ହାସନ ଲଞ୍ଜାରଙ୍କ ଘର ଉପରେ ବିକ୍ଷୋଭକାରୀମାନେ ଆକ୍ରମଣ କରିଛନ୍ତି। ଏହି ସମୟରେ ପ୍ରତିବାଦକାରୀମାନେ ଘରକୁ ମଧ୍ୟ ନିଆଁ ଲଗାଇ ଦେଇଛନ୍ତି।
ଜଳ ବଣ୍ଟନକୁ ନେଇ ପଞ୍ଜାବ ଏବଂ ସିନ୍ଧ ମଧ୍ୟରେ ବିବାଦ ଚାଲିଛି। ଏହି ପ୍ରସଙ୍ଗକୁ ନେଇ ହିଂସା ଦେଖାଦେଇଛି। ଗୃହମନ୍ତ୍ରୀଙ୍କ ଘର ଉପରେ ଆକ୍ରମଣ କରିଥିବା ପ୍ରଦର୍ଶନକାରୀମାନେ ବନ୍ଧୁକ ଧରି ଆସିଥିଲେ। ସମଗ୍ର ଅଞ୍ଚଳରେ ଉତ୍ତେଜନାର ବାତାବରଣ ରହିଛି। ଗରମ ବଢ଼ିବା ସହିତ ପାଣି ସମସ୍ୟା ମଧ୍ୟ ବଢ଼ିଛି। ପାଣିକୁ ନେଇ ଚାଲିଥିବା ବିବାଦ ଏବେ ବହୁତ ବଢ଼ିଯାଇଛି।
#WatchNow
Mob attack on Home Minister’s house in Sindh, PakistanProtestors trash house of Sind Home Minister#Sindh #PakistanBehindPahalgam #SindhRejectsCorporateFarming #Pakistan pic.twitter.com/tqK6YjKg5Z
— Ravi Pandey🇮🇳 (@ravipandey2643) May 21, 2025
’ଦି ଟ୍ରିବ୍ୟୁନ ଏକ୍ସପ୍ରେସ’ର ଏକ ରିପୋର୍ଟ ଅନୁଯାୟୀ, ନୌସାହରୋ ଫିରୋଜ ଜିଲ୍ଲାର ମୋରୋ ତାଲୁକାରେ ପୋଲିସ ଏବଂ ପ୍ରଦର୍ଶନକାରୀଙ୍କ ମଧ୍ୟରେ ଏକ ଭୟଙ୍କର ସଂଘର୍ଷ ଘଟିଛି। ଅତି କମରେ ଦୁଇ ଜଣ ପ୍ରତିବାଦକାରୀଙ୍କ ମୃତ୍ୟୁ ହୋଇଛି ଏବଂ ଡଜନ ଡଜନ ଆହତ ହୋଇଛନ୍ତି। ଏହି ପ୍ରତିବାଦ ଛଅଟି କେନାଲ ଏବଂ କର୍ପୋରେଟ ଫାର୍ମିଂ ପ୍ରକଳ୍ପ ବିରୋଧରେ ଡାକରା ଦିଆଯାଇଥିଲା। ରିପୋର୍ଟ ଅନୁଯାୟୀ, ଜାତୀୟ ରାଜପଥରେ ବିକ୍ଷୋଭକାରୀମାନଙ୍କୁ ଧାରଣାରୁ ନିବୃତ୍ତ କରିବା ପାଇଁ ପୋଲିସ ବଳ ପ୍ରୟୋଗ କରିଥିଲା।
ଉତ୍ତେଜିତ ପ୍ରଦର୍ଶନକାରୀମାନେ ସିନ୍ଧ ଗୃହମନ୍ତ୍ରୀ ଜିଆଉଲ ହାସନ ଲଞ୍ଜାରଙ୍କ ଘରେ ଭଙ୍ଗାରୁଜା କରିଥିଲେ, କୋଠରୀ ଏବଂ ଆସବାବପତ୍ର ପୋଡ଼ି ଦେଇଥିଲେ। ଯେତେବେଳେ ଗୃହମନ୍ତ୍ରୀଙ୍କ ବ୍ୟକ୍ତିଗତ ସୁରକ୍ଷାକର୍ମୀମାନେ ପହଞ୍ଚିଲେ, ପ୍ରଦର୍ଶନକାରୀମାନେ ସେମାନଙ୍କୁ ମଧ୍ୟ ଟାର୍ଗେଟ କରିବାକୁ ଚେଷ୍ଟା କଲେ। ଏହା ଦେଖି ରକ୍ଷୀମାନେ ବ୍ଲାଙ୍କ୍ ଫାଏରିଂ ଆରମ୍ଭ କରିଦେଲେ।
