ନୂଆଦିଲ୍ଳୀ,୧୮।୭: ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ (ଏନଡିଏ)ର ଗୁରୁତ୍ୱପୂର୍ଣ୍ଣ ବୈଠକ ପୂର୍ବରୁ ଲୋକ ଜନଶକ୍ତି ପାର୍ଟି ମୁଖ୍ୟ ଚିରାଗ ପାଶ୍ୱାନ ଏନଡିଏରେ ସବୁକିଛି ଠିକ ଥିବା କହିଛନ୍ତି। ସେ କହିଛନ୍ତି, ଦୀର୍ଘ ଦିନ ହେବ ଆଲୋଚନା ଚାଲିଥିଲା। ଆମର କିଛି ଚିନ୍ତା ଥିଲା ଏବଂ ଏହାକୁ ଅତି ଆନ୍ତରିକ ଏବଂ ସକରାତ୍ମକ ଢଙ୍ଗରେ ଆଲୋଚନା କରାଯାଇଥିଲା। ଏହି ସମୟରେ ଏକ ଚୁକ୍ତିନାମା ମଧ୍ୟ ହୋଇଥିଲା। ଆମର ଲକ୍ଷ୍ୟ ହେଉଛି ୨୦୨୪ ଲୋକ ସଭା ଏବଂ ୨୦୨୪ ବିହାର ବିଧାନସଭା ନିର୍ବାଚନ। ମୁଁ ହାଜିପୁରରୁ ନିର୍ବାଚନ ଲଢିବି। ଆମେ ବିହାରର ୪୦ଟି ଲୋକ ସଭା ଆସନ ଜିତିବୁ ବୋଲି ସେ ଭବିଷ୍ୟବାଣୀ କରିଛନ୍ତି।
ଚିରାଗ ପାଶ୍ୱାନ ସୋମବାର ଭାଜପା ସଭାପତି ଜେପି ନଡ୍ଡା ଏବଂ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କୁ ଭେଟିଛନ୍ତି। ନଡ୍ଡା ଏକ ଟୁଇଟ୍ରେ କହିଛନ୍ତି, ଚିରାଗ ପାସୱାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏନଡିଏରେ ଯୋଗଦେବାକୁ ନିଷ୍ପତ୍ତି ନେଇଛନ୍ତି। ମୁଁ ତାଙ୍କୁ ଏନଡିଏ ପରିବାରକୁ ସ୍ବାଗତ କରୁଛି।
