ନୂଆଦିଲ୍ଲୀ,୧।୧୧: ସୀମାରେ ଭାରତ ଚାଇନା ମଧ୍ୟରେ ଉତ୍ତେଜନା ଥମିବାର ନାଁ ଧରୁନି। ଗତ କିଛି ବର୍ଷ ଧରି ଭାରତ ଏବଂ ଚାଇନା ମଧ୍ୟରେ ମୁହାଁମୁହିଁ ସ୍ଥିତି ରହିଛିି। ନିକଟରେ, ଚାରି ସପ୍ତାହ ପୂର୍ବରୁ ଅରୁଣାଚଳ ପ୍ରଦେଶର ଲାଇନ ଅଫ ଆକ୍ଟୁଆଲ କଣ୍ଟ୍ରୋଲ (ଏଲ୍ଏସି) ରେ ଭାରତୀୟ ଏବଂ ଚୀନ ସାମରିକ ପାଟ୍ରୋଲିଂ ଘଣ୍ଟା ଘଣ୍ଟା ଧରି ମୁହାଁମୁହିଁ ହୋଇଥିଲେ।
ସୂଚନାନୁସାରେ, ଏହି ବିବାଦର ମୁଖ୍ୟ କାରଣ ହେଉଛି ଚାଇନା ସମୁଦ୍ର ପତ୍ତନଠାରୁ ୧୭ ହଜାର ଫୁଟ୍ ଉଚ୍ଚରେ ଥିବା ରକ୍ ଅଫ୍ ପିସ୍କୁ ନିଜ ଦଖଲକୁ ନେବାକୁ ଷଡ଼ଯନ୍ତ୍ର ରଚିଛି। ଉଚ୍ଚ ଶିଖରରେ ଅବସ୍ଥିତ ଏହି ପୋଷ୍ଟକୁ କାବୁ କରିବାକୁ ଉଦ୍ୟମ ଦ୍ୱାରା ସୀମାର ଉଭୟ ପାର୍ଶ୍ୱରେ ଉତ୍ତେଜନା ଦେଖାଦେଇଛି। ରଣନୈତିକ ଗୁରୁତ୍ୱ ଦୃଷ୍ଟିକୋଣରୁ, ଏହି ଶିଖରର ବିଶେଷ ଗୁରୁତ୍ୱ ରହିଛି କାରଣ ଏହି ଶିଖରରୁ ଶତ୍ରୁମାନଙ୍କର ପ୍ରତ୍ୟେକ ଗତିବିଧି ଉପରେ ନଜର ରଖିବା ସହଜ।
ସାମ୍ପ୍ରତିକ ଉତ୍ତେଜନା ସମୟରେ ଚାଇନାର ପିଏଲ୍ଏ ତାୱାଙ୍ଗର ୩୫ କିଲୋମିଟର ଉତ୍ତର-ପୂର୍ବରେ ୟାଙ୍ଗସେ ନାମକ ଏକ ଅଞ୍ଚଳରେ ପ୍ରବେଶ କରିବାକୁ ଚେଷ୍ଟା କରିଥିଲା। ଏହି ସମୟରେ ପିଏଲ୍ଏ ପାଟ୍ରୋଲିଂ ପାଇଁ ଏହି ପାହାଡ଼ର ଶୀର୍ଷକୁ ଯାଇଥିବା ଭାରତୀୟ ସେନାର ଗୋଟିଏ ରୁଟର ନିକଟତର ହୋଇଥିଲା। କିନ୍ତୁ ଭାରତୀୟ ସେନା ପକ୍ଷରୁ ଏହି ଉଦ୍ୟମକୁ ବାଧା ଦିଆଯାଇଥିଲା।
ବର୍ତ୍ତମାନ ଏହି ଅଞ୍ଚଳ ବରଫ ରେ ସମ୍ପୂର୍ଣ୍ଣ ଭାବେ ଆଚ୍ଛାଦିତ ହୋଇଛି ଏବଂ ଏହା ସ୍ଥିତି ମାର୍ଚ୍ଚ ପର୍ଯ୍ୟନ୍ତ ରହିବାର ସମ୍ଭାବନା ଅଛି । ଉଭୟ ଭାରତୀୟ ସେନା ଏବଂ ଚାଇନାର ପିଏଲ୍ଏର ସୈନିକ ୟାଙ୍ଗଜେ ଅଞ୍ଚଳର ଉଭୟ ପାର୍ଶ୍ୱରେ ପ୍ରାୟ ୩୦୦୦-୩,୫୦୦ ସୈନ୍ୟ ମୁତୟନ କରିଛନ୍ତି। ଏହା ସହିତ ମାନବ ବିହୀନ ବିମାନ ଏବଂ ଅନ୍ୟ ଯାନଗୁଡ଼ିକୁ ମଧ୍ୟ ମହଜୁଦ୍ ରଖିଛନ୍ତି।
ପାଟ୍ରୋଲିଂ ପାଇଁ ଉଭୟ ପାର୍ଶ୍ୱରେ ସୀମାନ୍ତ ଅଞ୍ଚଳରେ ସଡ଼କ ଏବଂ ରେଳ ଟ୍ରାକର ନେଟୱାର୍କ ରହିଛି। ୧୭ ହଜାର ଫୁଟରେ ଅବସ୍ଥିତ ଏହି ଶିଖରଟି ଏଲ୍ଏସିରେ ତିବ୍ଦତର ଏକ କମାଣ୍ଡିଂ ଦୃଶ୍ୟ ପ୍ରଦାନ କରିବାକୁ ସକ୍ଷମ। ଏହା ଭାରତ ପାଇଁ ବହୁତ ଗୁରୁତ୍ୱପୂର୍ଣ୍ଣ। ୟାଙ୍ଗଜେ ଅଞ୍ଚଳ ଏକ ବ୍ୟାପକ ଅଞ୍ଚଳର ଅଂଶ। ଏହାକୁ ସୈନ୍ୟମାନେ ’ମାଗୋ-ଚୁନା’ କୁହନ୍ତି। ନୁରାନଙ୍ଗ ନଦୀ ଭାରତରେ ତିବ୍ଦତରୁ ପ୍ରବେଶ କରୁଥିବା ପର୍ବତ ନିକଟରେ ଏହି ଶିଖର ଅବସ୍ଥିତ।
