ଇସଲାମାବାଦ୍,୪।୯: କରଜ ଜାଲରେ ପଡ଼ିଥିବା ପାକିସ୍ତାନ ପୁଣି ଦାରିଦ୍ର୍ୟର ସମ୍ମୁଖୀନ ହୋଇଛି। ପାକିସ୍ତାନକୁ ତାର ବନ୍ଧୁ ଚାଇନା ଏବଂ ସାଉଦି ଆରବକୁ ମଧ୍ୟ ଝଟ୍କା ଦେଇଛି। ବର୍ତ୍ତମାନ ଉଭୟ ଦେଶ ପାକିସ୍ତାନରେ ନିବେଶରୁ ଓହରିଯିବାକୁ ନିଷ୍ପତ୍ତି ନେଇଛନ୍ତି। ପାକିସ୍ତାନରେ ଅର୍ଥନୈତିକ ଅବନତିର ସମୟ ଚାଇଛି। ଯେଉଁ କାରଣରୁ ସେଠାରେ ଏକ ମାସ ଧରି ବିଦ୍ରୋହ ଚାଲିଥିଲା। ପାକିସ୍ତାନର ପରିସ୍ଥିତି ଦେଖି ବିଦେଶୀ ନିବେଶକମାନେ ମଧ୍ୟ ମୁହଁ ଫୋଇ ନେଇଛନ୍ତି। ବର୍ତ୍ତମାନ ପାକିସ୍ତାନର ବନ୍ଧୁ ସାଉଦି ଆରବ ଏବଂ ଚାଇନା ମଧ୍ୟ ଏହି ପାଣ୍ଠିକୁ ବନ୍ଦ କରି ଦେଇଛନ୍ତି।
ଚାଇନା ଏବଂ ସାଉଦି ୧.୮୨ ଲକ୍ଷ କୋଟି ଟଙ୍କାର ପୁଞ୍ଜି ବିନିଯୋଗ ବନ୍ଦ କରିଦେଇଛନ୍ତି। ଏ ସମ୍ପର୍କରେ ଗତ ବର୍ଷ ନିଜେ ଚାଇନା ପାକିସ୍ତାନରେ ୧.୪୨ ଲକ୍ଷ କୋଟି ଟଙ୍କାର ଅତିରିକ୍ତ ପୁଞ୍ଜି ବିନିଯୋଗ ବିଷୟରେ କହିଥିଲେ, କିନ୍ତୁ ବର୍ତ୍ତମାନ ଚାଇନା ମନା କରିଦେଇଛି। ଏହା ପଛର କାରଣ ପାକିସ୍ତାନରେ ସୁରକ୍ଷା ଅଭାବ ବୋଲି କୁହାଯାଉଛି। ପାକିସ୍ତାନରେ ଚାଇନାର ଅନେକ ପ୍ରକଳ୍ପ ଚାଲିଛି। ଚାଇନାର ଇଞ୍ଜିନିୟରଙ୍କ ଉପରେ ଆତଙ୍କବାଦୀ ଆକ୍ରମଣ ମଧ୍ୟ ହୋଇଛି, କିନ୍ତୁ ପାକିସ୍ତାନ ସେମାନଙ୍କୁ ସୁରକ୍ଷା ଯୋଗାଇବାରେ ସକ୍ଷମ ନୁହେଁ। ଏଥି ସହିତ ସାଉଦି ଆରବ ସହ ପାକିସ୍ତାନର ସମ୍ପର୍କ ମଧ୍ୟ ଖରାପ ହେବାରେ ଲାଗିଛି। ଯେତେବେଳେ ଶେହବାଜ୍ ସରିଫ ପାକିସ୍ତାନର ପ୍ରଧାନମନ୍ତ୍ରୀ ହୋଇଥିଲେ, ସେତେବେଳେ ତାଙ୍କର ପ୍ରଥମ ଗସ୍ତ ସାଉଦି ଆରବ ଗସ୍ତ ହୋଇଥିଲା। ସାଉଦି ପୂର୍ବରୁ ୨ ଲକ୍ଷ କୋଟି ଟଙ୍କା ବିନିଯୋଗ କରିବାକୁ ପ୍ରତିଶୃତି ଦେଇଥିଲା, କିନ୍ତୁ ପରେ ଏହା ୪୦ହଜାର କୋଟି ଟଙ୍କାକୁ ଖସି ଆସିଥିଲା। ବର୍ତ୍ତମାନ ଏହି ବିନିଯୋଗ ମଧ୍ୟ ବନ୍ଦ ହୋଇଯାଇଛି।
