Posted inଜାତୀୟ

ଗୃହରେ ବିଶୃଙ୍ଖଳିତ ଆଚରଣ ଅକ୍ଷମଣୀୟ

ନୂଆଦିଲ୍ଲୀ, ୬।୭ (ଆଇଏଏନ୍‌ଏସ୍‌): ପାର୍ଲାମେଣ୍ଟ ଏବଂ ବିଧାନସଭା ଭିତରେ ଆଇନ ପ୍ରଣେତାଙ୍କ ବିଶୃଙ୍ଖଳିତ ଆଚରଣକୁ କ୍ଷମା କରାଯାଇପାରିବ ନାହିଁ ବୋଲି ସୋମବାର ସୁପ୍ରିମକୋର୍ଟ କହିଛନ୍ତି। ଗୃହ ମଧ୍ୟରେ ସର୍ବସାଧାରଣ ସମ୍ପତ୍ତି ନଷ୍ଟ କରିବା ଅଭିଯୋଗରେ ସେମାନଙ୍କୁ ବିଚାରର ସମ୍ମୁଖୀନ ହେବାକୁ ପଡ଼ିବ ବୋଲି ଜଷ୍ଟିସ୍‌ ଡି.ଓ୍ବାଇ. ଚନ୍ଦ୍ରଚୂଡ଼ ଏବଂ ଏମ୍‌.ଆର୍‌. ଶାହାଙ୍କୁ ନେଇ ଗଠିତ ଖଣ୍ଡପୀଠ ମତ ଦେଇଛନ୍ତି। କେରଳ ସରକାରଙ୍କ ପକ୍ଷରୁ ଉପସ୍ଥିତ ବରିଷ୍ଠ ଆଇନଜୀବୀ ରଞ୍ଜିତ୍‌ କୁମାରଙ୍କୁ ଖଣ୍ଡପୀଠ କହିଥିଲେ, ବିଧାନସଭାରେ ବିଧେୟକ ଉପସ୍ଥାପନ ହେଉଥିବାବେଳେ ମାଇକ ଫୋପାଡିବା ଓ ସର୍ବସାଧାରଣ ସମ୍ପତ୍ତି ନଷ୍ଟ କରିବା ଭଳି ଆଚରଣ ଦେଖାଇଥିବା ବିଧାୟକଙ୍କୁ ଆମେ କ୍ଷମା ଦେଇପାରିବୁ ନାହିଁ। ପାର୍ଲାମେଣ୍ଟ ଓ ବିଧାନସଭାରେ ଉତ୍ତମ ବ୍ୟବହାର ଦେଖାଇବାକୁ ପଡ଼ିବ ବୋଲି ଖଣ୍ଡପୀଠ କହିଥିଲେ। ଜନସାଧାରଣଙ୍କୁ ଆପଣମାନେ କିପରି ବ୍ୟବହାର ଦେଖାଉଛନ୍ତି ବୋଲି ଜଷ୍ଟିସ୍‌ ଶାହା ପ୍ରଶ୍ନ କରିଥିଲେ। ଗୃହରେ ଅର୍ଥ ବିଲ୍‌ ଉପସ୍ଥାପନ ସବୁଠୁ ଗୁରୁତ୍ୱପୂର୍ଣ୍ଣ। ଏହି ସମୟରେ ଜଣେ ବିଧାୟକ ଗୃହରେ ବିଶୃଙ୍ଖଳା ସୃଷ୍ଟି କରିବା ଦ୍ୱାରା କେଉଁ ବୃହତ୍ତର ଜନସ୍ବାର୍ଥ ପୂରଣ ହେଉଛି ବୋଲି ଜଷ୍ଟିସ୍‌ ଚନ୍ଦ୍ରଚୂଡ଼ ଜାଣିବାକୁ ଚାହିଁଥିଲେ। ଆଇନ ପ୍ରଣେତା ବିଧାନସଭାରେ ବଜେଟକୁ ଅଟକାଇବା ଘଟଣାରେ ଖଣ୍ଡପୀଠ ଜବାବ ଚାହିଁବାରୁ ସମ୍ପୃକ୍ତ ବିଧାୟକଙ୍କୁ ନିଲମ୍ବନ କରାଯାଇଥିବା ଆଇନଜୀବୀ ରଞ୍ଜିତ କହିଥିଲେ ଏବଂ କେରଳ ହାଇକୋର୍ଟଙ୍କ ରାୟକୁ ଦର୍ଶାଇଥିଲେ। କେରଳ ସରକାରଙ୍କ ପକ୍ଷରୁ ଆଇନଜୀବୀ ଅଧିକ ସମୟ ମାଗିବାରୁ ପରବର୍ତ୍ତୀ ଶୁଣାଣି ଜୁଲାଇ ୧୫କୁ ଧାର୍ଯ୍ୟ କରାଯାଇଛି।
୨୦୧୫ରେ କେରଳ ବିଧାନସଭାରେ ତତ୍କାଳୀନ ବିରୋଧୀ ଦଳ ସିପିଆଇ-ଏମ୍‌ ନେତା ଭି. ସିଭାକୁଟ୍ଟି ଓ ଅନ୍ୟମାନେ ଭଙ୍ଗାରୁଜା କରିଥିଲେ। ସେମାନଙ୍କ ବିରୋଧରେ ଚାଲିଥିବା ମାମଲା ପ୍ରତ୍ୟାହାର ପାଇଁ ବର୍ତ୍ତମାନ କ୍ଷମତାରେ ଥିବା ବାମଦଳ ସରକାର ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଗତ ମାର୍ଚ୍ଚ ୧୨ରେ କେରଳ ହାଇକୋର୍ଟ ମାମଲା ପ୍ରତ୍ୟାହାର ପାଇଁ ଅନୁମତି ଦେବାକୁ ମନା କରିଦେଇଥିଲେ।

 

ମହାରାଷ୍ଟ୍ର ବିଧାନସଭାରୁ ୧୨ ଭାଜପା ବିଧାୟକ ନିଲମ୍ବିତ

ମହାରାଷ୍ଟ୍ର ବିଧାନସଭାର ମୌସୁମୀ ଅଧିବେଶନ ସୋମବାର ଆରମ୍ଭ ହୋଇଥିବାବେଳେ ପ୍ରଥମରୁ ଗୃହରେ ଉତ୍ତେଜନା ଲାଗି ରହିଥିଲା। ଏହି ସମୟରେ ଗୃହରେ ବାଚସ୍ପତି ଦାୟିତ୍ୱ ତୁଲାଉଥିବା ବରିଷ୍ଠ ନେତା ଭାସ୍କର ଯାଦବଙ୍କୁ ଗାଳିଦେବା ଓ ଠେଲାପେଲା କରିବା ଅଭିଯୋଗରେ ବିରୋଧୀ ଦଳ ଭାଜପାର ୧୨ ଜଣ ବିଧାୟକଙ୍କୁ ବର୍ଷକ ପାଇଁ ଗୃହରୁ ନିଲମ୍ବନ କରାଯାଇଛି। ତେବେ ମିଛ ଅଭିଯୋଗ ଅଣାଯାଇ ବିଧାୟକମାନଙ୍କୁ ନିଲମ୍ବିନ କରାଯାଇଛି ବୋଲି ଧସ୍ତାଧସ୍ତି ବେଳେ ଉପସ୍ଥିତ ଥିବା ବିରୋଧୀ ଦଳ ନେତା ଦେବେନ୍ଦ୍ର ଫଡ୍‌ନବିସ୍‌ କହିଛନ୍ତି। ଭାଜପାରୁ କେହି ବାଚସ୍ପତିଙ୍କୁ ଗାଳି କରିନାହାନ୍ତି। ସମ୍ପୂର୍ଣ୍ଣ କାହାଣୀ ସୃଷ୍ଟି କରାଯାଇଛି। ଅନ୍ୟାନ୍ୟ ପଛୁଆବର୍ଗ (ଓବିସି) ସ୍ଥାନ ସଂରକ୍ଷଣ ଲାଗି ଆମେ ୧୨ରୁ ଅଧିକ ବିଧାୟକଙ୍କୁ ତ୍ୟାଗ କରିବାକୁ ପ୍ରସ୍ତୁତ ଅଛୁ ବୋଲି ଫଡ୍‌ନବିସ୍‌ କହିଥିଲେ।
ମୌସୁମୀ ଅଧିବେଶନରେ ଓବିସିକୁ ମୁଖ୍ୟ ପ୍ରସଙ୍ଗ ଭାବେ ଉପସ୍ଥାପନ କରି ଭାଜପା ଗୃହରେ ହଟ୍ଟଗୋଳ କରିଥିଲା। ଏହା ଉପରେ କହିବା ପାଇଁ ଗୃହରେ ଅଧ୍ୟକ୍ଷତା କରୁଥିବା ବାଚସ୍ପତି ଯଥେଷ୍ଟ ସମୟ ଦେଲେ ନାହିଁ ବୋଲି ଭାଜପା କହିଛି। ଗୃହକୁ ମୁଲତବୀ ଘୋଷଣା କରାଯିବାରୁ ଉତ୍ତେଜନା ବୃଦ୍ଧି ପାଇଥିଲା। ବିରୋଧୀ ଦଳ ନେତାମାନେ ତାଙ୍କ କ୍ୟାବିନକୁ ଆସି ବରିଷ୍ଠ ନେତା ଦେବେନ୍ଦ୍ର ଫଡ୍‌ନବିସ୍‌ ଏବଂ ଚନ୍ଦ୍ରକାନ୍ତ ପାଟିଲଙ୍କ ଉପସ୍ଥିିତିରେ ଅସାମ୍ବିଧାନିକ ଭାଷାରେ ଗାଳିଗୁଲଜ କରିବା ସହ ଠେଲାପେଲା କରିଥିଲେ ବୋଲି ଯାଦବ ଗଣମାଧ୍ୟମକୁ କହିଛନ୍ତି। ଅନ୍ୟପକ୍ଷରେ ବିରୋଧୀ ଦଳଙ୍କ କହିବା ଅନୁଯାୟୀ ଭେଟିବାକୁ ଯାଇଥିବା ନେତାଙ୍କୁ ବାଚସ୍ପତି ଦାୟିତ୍ୱ ତୁଲାଉଥିବା ଯାଦବ ପ୍ରଥମେ ଗାଳିଗୁଲଜ କରିଥିଲେ। ଘଟଣାର ତଦନ୍ତ ପାଇଁ ଯାଦବ ରାଜ୍ୟ ସଂସଦୀୟ ବ୍ୟାପାର ମନ୍ତ୍ରୀଙ୍କୁ କହିଛନ୍ତି। ୧୨ ଭାଜପା ବିଧାୟକଙ୍କୁ ବର୍ଷେ ନିଲମ୍ବିନ କରିବା ନେଇ ପ୍ରସ୍ତାବ ଅଣାଯାଇଥିଲା। ମହାରାଷ୍ଟ୍ରର ଉଦ୍ଧବ ଠାକ୍‌ରେ ସରକାର ତାଲିବାନ ଭଳି କାର୍ଯ୍ୟ କରୁଛି। ଭାସ୍କର ଯାଦବଙ୍କୁ କୌଣସି ବିଧାୟକ ଗାଳି କରି ନ ଥିବା ଭାଜପା ବିଧାୟକ ଆଶିଷ ଶେଲାର କହିଛନ୍ତି। ପୂର୍ବତନ ବାଚସ୍ପତି ନାନା ପାଟୋଲ ଇସ୍ତଫା ଦେଇ କଂଗ୍ରେସ ରାଜ୍ୟ ସଭାପତି ଦାୟିତ୍ୱ ନେଇଥିବାବେଳେ ନୂଆ ବାଚସ୍ପତି ନିର୍ବାଚନ ହୋଇ ନାହିଁ। ବାଚସ୍ପତି ନିର୍ବାଚନ କରିବାରେ ଶାସକ ଦଳ ମହାରାଷ୍ଟ୍ର ବିକାଶ ଅଘାଡ଼ି(ଏମ୍‌ଭିଏ)ର ସାମର୍ଥ୍ୟ ରହିଥିବାବେଳେ ଭାଜପା ଏହି ପଦ ପାଇଁ ପ୍ରାର୍ଥୀ ଦେବାକୁ ଚାହୁଁଛି।


Enter your email to get our daily news in your inbox.

All Right Reserved By Dharitri.Com

ହସ୍ପିଟାଲରୁ ସୁସ୍ଥହୋଇ ଘରକୁ ଫେରିଲେ ରାହୁଲ

ରାୟପୁର,୨୫।୬: ହସ୍ପିଟାଲରୁ ଡିସଚାର୍ଜ ହୋଇ ଘରକୁ ଫେରିଲେ ରାହୁଲ ସାହୁ। ୫ ଦିନ ବୋରଓ୍ବେଲରେ ଫସିବା ପରେ ଗତ ୧୪ ତାରିଖ ରାତିରେ ଉଦ୍ଧାର ହୋଇଥିଲେ...

ମାଡିଆସୁଛି ବାତ୍ୟା ‘ହିକ୍କା’: ଏହିସବୁ ଜାଗାରେ ରଚିବ ତାଣ୍ଡବ

ନୂଆଦିଲ୍ଲୀ,୨୪।୯: ଆରବ ସାଗର ଉପରେ ସୃଷ୍ଟ ଲଘୁଚାପ କ୍ରମଶଃ ଘନୀଭୂତ ହୋଇ ଗଭୀର ଅବପାତର ରୂପ ନେଇ ସାମୁଦ୍ରିକ ଘୂର୍ଣ୍ଣିବାତ୍ୟା ‘ହିକ୍କା’ରେ ପରିଣତ ହୋଇଛି। ଫଳରେ...

ନୋଏଡା-ଗାଜିଆବାଦରେ କର୍ଫ୍ୟୁ

ନୂଆଦିଲ୍ଲୀ,୨।୫: ଦେଶରେ ପୁଣି ଥରେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି। ଯାହାକୁ ନେଇ ସାଧାରଣ ଜନତା ଓ ସରକାରଙ୍କ ଚିନ୍ତା ବଢ଼ିଯାଇଛି। ଗତ କିଛି...

କରୋନା ଆକ୍ରାନ୍ତ ଡାକ୍ତର କରୁଛନ୍ତି ରୋଗୀଙ୍କ ଚିକିତ୍ସା

ଜୟପୁର, ୨।୯: କରୋନା ମହାମାରୀ ସମୟରେ ରାଜସ୍ଥାନର ବିକାନେର ସହରରୁ ଏକ ଚରମ ଅବହେଳାର ବଡ଼ ଘଟଣା ସାମ୍ନାକୁ ଆସିଛି। ଏଠାରେ ଜଣେ ଡାକ୍ତର କରୋନା...

ପର୍ଯ୍ୟଟକଙ୍କ ପାଇଁ ଖୋଲିଲା ଗୋଆ: କିନ୍ତୁ ପାଳନ କରିବାକୁ ପଡ଼ିବ ଏହିସବୁ ନିୟମ

ପଣଜି,୨।୭: ଦେଶର ସବୁଠାରୁ ପ୍ରସିଦ୍ଧ ପର୍ଯ୍ୟଟନସ୍ଥଳୀ ମଧ୍ୟରୁ ଗୋଆ ହେଉଛି ଅନ୍ୟତମ। ଏଠାକୁ ଦେଶ ଓ ରାଜ୍ୟ ବାହାରୁ ଲୋକଙ୍କ ସୂଅ ଛଟିଥାଏ। କିନ୍ତୁ କରୋନା...

ଗୋଟିଏ ଦିନରେ ବଜ୍ରପାତରେ ଗଲା ୩୨ ଜଣଙ୍କ ଜୀବନ

ପାଟନା, ୨୪।୭: ବିହାରରେ ଗୋଟିଏ ଦିନରେ ବଜ୍ରପାତରେ ୩୨ଜଣଙ୍କ ମୃତ୍ୟୁ ହୋଇଥିଲାବେଳେ ୩୨ଜଣ ଆହତ ହୋଇଛନ୍ତି। ବଜ୍ରପାତରେ ଜାମୁଇରେ ୮, ଔରଙ୍ଗାବାଦରେ ୭, ବାଙ୍କାରେ ୫,...

ଭାରତ-ଜର୍ମାନୀ ୨୦ ଚୁକ୍ତି ସ୍ବାକ୍ଷର

ନୂଆଦିଲ୍ଲୀ,୨ା୧୧(ଆଇଏଏନ୍‌ଏସ୍‌): ଦୁଇଦିନିଆ ଭାରତ ଗସ୍ତରେ ଆସିଥିବା ଜର୍ମାନ୍‌ ଚାନ୍‌ସେଲର ଆଞ୍ଜେଲା ମର୍କେଲ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ବିଭିନ୍ନ ଦ୍ୱିପାକ୍ଷିକ ପ୍ରସଙ୍ଗରେ ଆଲୋଚନା ଶୁକ୍ରବାର...

୪ ଦିନ ହେଲା ଜଳୁଛି ଜଙ୍ଗଲ

ଚେନ୍ନାଇ,୧୩ା୩: ତାମିଲନାଡୁର ଡିଣ୍ଡିଗୁଲ ଜିଲାର ପେରୁମାଲ ପାହାଡ଼ିଆ ଜଙ୍ଗଲରେ ଗୁରୁବାରଠାରୁ ନିଆଁ ଲାଗିଥିଲେ ସୁଦ୍ଧା ଆଜି ପର୍ଯ୍ୟନ୍ତ ଲିଭୁନାହିଁ। ନିଆଁର ପ୍ରକୋପ ଏତେ ଅଧିକ ଯେ,...

Advertisement
Archives

Model This Week