୨୮ ଅଗଷ୍ଟ ୨୦୨୬ରେ ବର୍ଷର ଶେଷ ଚନ୍ଦ୍ରଗ୍ରହଣ ହେବାକୁ ଯାଉଛି। ଏହି ଗ୍ରହଣ ସକାଳ ୦୬:୫୩ ରୁ ମଧ୍ୟାହ୍ନ ୧୨:୩୧ ପର୍ଯ୍ୟନ୍ତ (ମୋଟ ଅବଧି: ୫ ଘଣ୍ଟା ୩୯ ମିନିଟ) ଲାଗିବ। ଏହି ଗ୍ରହଣ ସମୟରେ ଚନ୍ଦ୍ରମା ନିଜର ଶତ୍ରୁ ଗ୍ରହ ଶନିଙ୍କ ରାଶି ‘କୁମ୍ଭ’ ଏବଂ ରାହୁଙ୍କ ‘ଶତଭିଷା’ ନକ୍ଷତ୍ରରେ ରହିବେ। ଶନି ଓ ରାହୁଙ୍କ ଏହି ପ୍ରଭାବ ହେତୁ ଏହାକୁ ଜ୍ୟୋତିଷ ଦୃଷ୍ଟିରୁ ଅତ୍ୟନ୍ତ ସଂବେଦନଶୀଳ ମନେକରାଯାଉଛି।
ଏହି ଗ୍ରହଣଟି ଭାରତୀୟ ସମୟାନୁସାରେ ଦିନ ବେଳେ ହେଉଥିବାରୁ ଭାରତରେ ଦୃଶ୍ୟମାନ ହେବ ନାହିଁ। ତେଣୁ ଏହାର ସୂତକ କାଳ କିମ୍ୱା ଧାର୍ମିକ ନିୟମ ଭାରତରେ ଲାଗୁ ହେବ ନାହିଁ।
ଶନି-ରାହୁଙ୍କ ପ୍ରଭାବ ଯୋଗୁଁ ଲୋକଙ୍କ ମଧ୍ୟରେ ମାନସିକ ଚାପ, ଛାତି ଓ ଫୁସଫୁସ ଜନିତ ସୱାସ୍ଥ୍ୟ ସମସ୍ୟା, ପାରିବାରିକ କଳହ ଏବଂ ଜମି-ବାହନ ସମ୍ୱନ୍ଧୀୟ ସମସ୍ୟା ଦେଖାଦେଇପାରେ। ତେବେ ଦେଖାନଗଲେ ମଧ୍ୟ ୪ଟି ରାଶି ଉପରେ ବିଶେଷ ନକାରାତ୍ମକ ପ୍ରଭାବ ରହିବ।
କର୍କଟ (Cancer): ଚନ୍ଦ୍ରମା ଏହି ରାଶିର ସ୍ୱାମୀ ହୋଇଥିବାରୁ ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପଡ଼ିବ (ମୁଣ୍ଡବିନ୍ଧା, ଆଖି ସମସ୍ୟା, ରକ୍ତଚାପ)। ଆର୍ଥିକ କ୍ଷତିର ଯୋଗ ଥିବାରୁ ନିବେଶରୁ ଦୂରେଇ ରୁହନ୍ତୁ।
ସିଂହ (Leo): ଅନାବଶ୍ୟକ ଖର୍ଚ୍ଚ ବୃଦ୍ଧି ପାଇବ। କଥାବାର୍ତ୍ତାରେ ସଂଯମ ନରଖିଲେ ସମ୍ପର୍କ ବିଗିଡ଼ିପାରେ। କର୍ମକ୍ଷେତ୍ରରେ ଚାପ ବଢ଼ିବ।
ବିଛା (Scorpio): ଶାରୀରିକ ଓ ମାନସିକ ସୱାସ୍ଥ୍ୟରେ ସମସ୍ୟା ଦେଖାଦେବ। ପରିବାରର ସୱାସ୍ଥ୍ୟ ଚିନ୍ତା ବଢ଼ିବ। ଟଙ୍କାପଇସା ମାମଲାରେ ତରବରିଆ ନିଷ୍ପତ୍ତି ନିଅନ୍ତୁ ନାହିଁ।
ମୀନ (Pisces): କୌଣସି ବଡ଼ ନିଷ୍ପତ୍ତି ନେବାରୁ ବଞ୍ଚନ୍ତୁ। ନିବେଶ କଲେ ଟଙ୍କା ଫସିଯିବାର ଆଶଙ୍କା ଅଛି। କ୍ରୋଧ ନିୟନ୍ତ୍ରଣରେ ରଖନ୍ତୁ।
ସମୁଦ୍ର ମନ୍ଥନ ସମୟରେ ‘ସ୍ୱରଭାନୁ’ ନାମକ ଦୈତ୍ୟ ଛଳନା କରି ଅମୃତ ପାନ କରିଥିଲା। ସୂର୍ଯ୍ୟ ଓ ଚନ୍ଦ୍ର ଏହା ଭଗବାନ ବିଷ୍ଣୁଙ୍କୁ ଜଣାଇବାରୁ ବିଷ୍ଣୁ ନିଜ ସୁଦର୍ଶନ ଚକ୍ରରେ ତା’ର ମୁଣ୍ଡ କାଟି ଦେଇଥିଲେ। ମୁଣ୍ଡ ଭାଗଟି ‘ରାହୁ’ ଏବଂ ଶରୀର ଭାଗଟି ’କେତୁ’ ହେଲା। ସେହି ପୁରୁଣା ଶତ୍ରୁତା ଯୋଗୁଁ ରାହୁ-କେତୁ ପୂର୍ଣ୍ଣିମା ଦିନ ଚନ୍ଦ୍ରକୁ ଗ୍ରାସ କରିବାକୁ ଚେଷ୍ଟା କରନ୍ତି, ଯାହାକୁ ଚନ୍ଦ୍ରଗ୍ରହଣ କୁହାଯାଏ।
