ବ୍ରହ୍ମପୁର ଅଫିସ,୨୪।୬: ଦୁର୍ଘଟଣା କେତେବେଳେ କେମିତି ଆସେ ତାହା ଜାଣିବା କଷ୍ଟକର। ରାସ୍ତାରେ ଯାଉଥିବା ଏକ କାର୍ ହଠାତ୍ ଘର କାନ୍ଥରେ ପିଟି ହୋଇ ଭିତରକୁ ଫଶି ଯାଇଥିଲା। ଫଳରେ ଘର ସମ୍ମୁଖ ଭାଗି ଚୁର୍ମାର୍ ହୋଇଯାଇଥିବା ବେଳେ ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ଗୁରୁବାର ରାତିରେ ଏକ କାର୍ ଆଙ୍କୁଲି ଦେଇ ଯାଉଥିବା ବେଳେ ଏହି ଦୁର୍ଘଟଣା ଘଟିଛି।
ଖବର ପାଇ ଟ୍ରାଫିକ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। କ୍ରେନ ସାହାଯ୍ୟରେ କାର୍କୁ ବାହାର କରାଯାଇଥିଲା। କାର ଚାଳକ ଡି.ଭେଙ୍କଟ ରାଓ ଆହତ ହୋଇଛନ୍ତି। କାର ଚାଳକଙ୍କ ବେପରୁଆ ଗାଡ଼ି ଚାଳନା ଯୋଗୁ ଏଭଳି ଦୁର୍ଘଟଣା ଘଟିଥିବା ଟ୍ରାଫିକ ଥାନା ପୋଲିସ ପକ୍ଷରୁ କୁହାଯାଇଛି। ପୋଲିସ କାରକୁ ଜବତ କରିଛି।
