ଚିତ୍ରକୋଣ୍ଡା,୧୭।୨(ଡି.ଏନ.ଏ.) ମାଲକାନଗିରି ଜିଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ମାଓବାଦୀଙ୍କ ଶହୀଦ ସ୍ତମ୍ଭରେ ପଞ୍ଚାୟତ ନିର୍ବାଚନରେ ଭାଗ ନେଇଥିବା ପ୍ରାର୍ଥୀ,ପ୍ରାର୍ଥତ୍ନୀଙ୍କ ଉଦ୍ଦେଶ୍ୟରେ ଲାଗିଛି ମାଓବାଦୀ ପୋଷ୍ଟର। ପାପରମେଟେଲା ପଞ୍ଚାୟତର ଯନ୍ତାପାଇ,ପଣସପୁଟ ପଞ୍ଚାୟତର ଗୋରାସେତୁ ଓ ମସୁରିଗୁଡା ହାଟ ନିକଟରେ ଥିବା ଶହୀଦ ସ୍ତମ୍ଭରେ ଏଭଳି ପୋଷ୍ଟର ଦେଖିବାକୁ ମିଳିଛି। ପୂର୍ବରୁ ଏହି ସବୁ ସ୍ତମ୍ଭରେ ମାଓବାଦୀଙ୍କ ପୋଷ୍ଟର ଓ ବ୍ୟାନର ଲାଗିବା ଦେଖିବାକୁ ମିଳୁଥିଲା। ମୃତ ମାଓବାଦୀଙ୍କ ନାମ ମଧ୍ୟ ଏହି ସ୍ତମ୍ଭଗୁଡିକରେ ଲେଖା ହେଉଥିଲା। ସୂଚନାଯୋଗ୍ୟ, ପୂର୍ବରୁ ଉକ୍ତ ଅଞ୍ଚଳରେ ମାଓବାଦୀଙ୍କ ହସ୍ତକ୍ଷେପ ଯୋଗୁ ଲୋକେ ନିର୍ବାଚନରେ ଭାଗ ନେବାକୁ ଡରୁଥିଲେ। ଏବେ ଆଉ ସେ ଭୟ ନାହିଁ।
